Apocalípsis 19:3 - Tayta Diospa Wilakuynin

³ Nirkurnami yapay niyämurqan: <<¡Aleluya! Say marka rupaptinmi mana päraypa qoshtay sharkuykanqa>>.

Apocalípsis 19:3 Referans Kwoze

Isaías 34:10

Paqasta junaqtapis mana upiypa rupaptinmi qoshtayla sharkuykanqa. Sayno ushakäsiptinmi imayyaqpis sunyaqla kakunqa. Saypaqa pipis mananami purinqanasu.

Apocalípsis 18:18

Say markapita qoshtay sharkuqta rikarmi seqaypa waqar niyanqa: <>.

Apocalípsis 18:9

Rupashqanpita qoshtay sharkuykaqta rikarmi lapan nacionkunapa mandaqnin reykuna lakikuyashpan waqayanqa. Say reykuna Babilonia runakunawan riquëzankunata qaranakur ïdulukunatapis adorayarqan.

Apocalípsis 14:11

Paqasta junaqta mana upiypa rupaptinmi imaypis qoshtay sharkunqa. Saynölami anticristuta y ïdulunta adorar señalninta churasikuqkunapis paqasta junaqta nakayanqa>>.

Apocalípsis 19:1

Saypitanami wiyarqä jana pasacho saysika runakuna sinchipa kayno nimuqta: <<¡Aleluya! ¡Tayta Diosninsimi munayninwan runakunata salvan! ¡Payqa lapanpaq munayyuqmi kaykan! [¡Payta pïmaypis alabasun!]

Génesis 19:28

Saypitami rikärirqan Sodoma y Gomorra markakunapita jornupitanöraq qoshtay sharkuykaqta.

Judas 1:7

Saynölami Sodomacho, Gomorracho y cercan markakunacho taq runakunapis fiyupa penqaypaq jusalikuyarqan. Saymi runakuna tantiyakuyänanpaq say markakunata Tayta Dios ninawan ushakäsirqan.

Salmo 104:35

Jusalikuqkuna kay pasacho ushakäyäsun. Yaqa runakuna lapanpis elaqäyäsun. Lapan shonqüwanmi Tayta Diosta alabashaq. ¡Aleluya!

Apocalípsis 19:4

Saypitanami trönuncho jamaraykaq Tayta Diosta adorayänanpaq puntancho kaykaq ishkay chunka chusku (24) mayor runakuna y saycho kaykaq chusku kawaykaqkunapis lätakuykur niyarqan: <<¡Amén! ¡Aleluya!>>