Apocalípsis 14:2 - Tayta Diospa Wilakuynin

² Jana pasapitami wiyakämurqan aska yaku raqrapa bunyaypa bunyar aywaqno y maqakuy bunruruqno. Saynöpis saysika arpakunata tukayämushqannömi wiyakämurqan.

Apocalípsis 14:2 Referans Kwoze

Apocalípsis 5:8

Chaskirkuptinmi nawpancho kaq chusku kawaykaqkuna y saycho kaq ishkay chunka chusku (24) mayor runakunapis puntanman lätakuykur adorayarqan. Paykuna lapanmi arpankunawan kayarqan. Saynöpis qoripita rurash tazonwanmi inciensuta sararäyarqan. Say inciensu karqan Tayta Diosman yärakuqkuna manakuyashqanmi.

Apocalípsis 1:15

Chakinkunapis waylash broncinöraqmi chipipirqan. Parlashqanpis aska yaku aywar qaparaqnöraqmi karuman wiyakarqan.

Apocalípsis 15:2

Saynöpis rikarqä ninawan talush vidriuno lamartami. Say lamar jananchömi Tayta Diosman yärakuqkuna arpankuna aptash ichiraykäyarqan. Say arpakunata Tayta Diospitami chaskiyarqan. Paykuna manami anticristuta chaskikuyarqansu, ni ïdulunta adorayarqansu ni jutinpa nümeruntapis churakuyarqansu.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Ezequiel 43:2

Saypitami rikarqä Israel runakunata kuyaq Tayta Diospa chipipiynin inti jeqamunan kaqläpita aywaykämuqta. Jakash mayu qayarashqannöraqmi shamushqan wiyakämurqan. Chipipiyninwanmi kay pasapis fiyupa asikyarqan.

Salmo 33:2

Chunka cuerdayuq arpata tukapaylapa Tayta Diosta alabayay. Salteriuta tukapaylapa alabayay.

2 Samuel 6:5

Babulta apayaptinmi Israel runakunawan Davidpis fiyupa kushish tünaraykar aywayarqan. Tayta Diosta alabayashpanmi arpakunata, salteriukunata, panderëtakunata, shaqshaqyaqkunatapis platïllukunatapis tukaraykar aywayarqan.

Éxodo 19:16

Saypita kimsa junaqta pasa wararkuptinnami elqukuypis maqakuypis fiyupa karqan. Yanawyaykaq pukutaymi jirkatapis sapakurkurqan. Cornëtata tukamushqanpis wiyakämurqanmi. Saymi lapan Israel runakuna mansariyashpan fiyupa suksukyäyarqan.

Apocalípsis 18:22

Runakuna cantayashqankunapis manami qamcho wiyakanqanasu. Manami arpapis, pinkullupis ni cornëtapis wiyakanqanasu. Ima aruyta yachaqkunapis manami kayanqanasu. Mulinu taqrarashqanpis manami wiyakanqanasu.

Apocalípsis 11:12

Kawarirkamurnami wiyayanqa <<¡kayman shayämuy!>> nir jana pasapita qayakamuqta. Chikiqninkuna rikaraykäyaptinmi pukutay rurinpa jana pasaman aywakuyanqa.

Apocalípsis 6:1

Saychömi rikarqä röllucho punta kaq laqaraykaq cërata Carnish jorquqta. Jorquriptinmi nawpancho kaq chusku kawaykaqkunapita juknin maqakuynöraq qayakamur nimurqan: <<¡Shamuy!>>

Apocalípsis 1:10

Saycho kaykarmi domingu junaq Espíritu Santupa munaynincho kashpä wiyarqä cornëta tukamuqnöraq qepächo kayno nimuqta:

Salmo 93:4

Qammi isanqa jakash mayupitapis mas munayyuq kaykanki. Lamarcho jatunkaray öla sharkuqpitapis mas poderyuqmi kaykanki.

Salmo 92:3

3 (4) Chunka cuerdayuq arpa malwawan, jatun arpawan y salteriuwanmi alabashayki.

Salmo 57:8

8 (9) ¡Rikchay, alma! ¡Rikchay, arpa! ¡Rikchay, salteriu! ¡Saka sakalami Tayta Diosta alabashun!

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Zacarías 9:14

Kuyashqan runakunaman Tayta Dios shamurmi flëchankunatapis maqakuytanöraq contrankunaman jitanqa. Munayyuq Tayta Diosmi cornëtanta tukar sur kaqläpita löcu wayrano shamunqa contrankunata ushakäsinanpaq.

Isaías 17:13

Sayno shayämuptinpis Tayta Dios olqutupaykuptinqa karupami qeshpir aywakuyanqa. Jirkacho oqshata wayra apakushqanno y polvuta wayra apakushqannömi aywakuyanqa.

Salmo 149:3

Jutinta joqarir danzayay. Arpakunata y panderëtakunata tukapalanpa alabayay.

Salmo 98:5

Arpata tukapalanpa Tayta Diosta alabayay. Cuerdayuq instrumentukunata tukapalanpa alabayay.

Éxodo 20:18

Say hörami Israel runakuna wiyayarqan maqakuy bunrurushqanta y cornëtata tukamushqanta. Saynöpis rikayarqan elqukushqanta y jirka qoshnishqanta. Saymi fiyupa mansarir karulapita rikaräyarqan.

Salmo 147:7

Tayta Diosta agradëcikushpansi alabashun. Arpata tukapalanpa salmukunata cantar Tayta Diosninsita alabashun.

Salmo 43:4

Saynöpami altarnikiman chaykur arpata tukapaylapa alabashayki. Tayta Diosnilä, qammi shumaq kushikuyta qomanki.

1 Corintios 13:1

Kay pasacho lapan idiömakunata parlarpis y angilkunapa idiömanta parlarpis kuyakuynï mana kaptinqa platïlluta lutala tukashqan chinchinyaqnölami parlashqäkuna kaykan.

2 Crónicas 20:28

Jerusalénman chaykurmi Tayta Diospa templunman aywayarqan salteriukunata, arpakunata y cornëtakunata tukaraykar.