Apocalípsis 1:6 - Tayta Diospa Wilakuynin

⁶ Mandamaqninsi rey kashpanmi makincho kanansipaq shuntamashkansi. Saynöpis Papänin Tayta Diosta sirviq cürakuna kanansipaqmi churamashkansi. ¡Jesucristo imaypis alabash kaykuläsun! ¡Pay japalan mandamaqninsi kaykuläsun! Amén.

Apocalípsis 1:6 Referans Kwoze

Apocalípsis 5:10

Tayta Diosninsipa makincho kayänanpaq y sirviqnin cürakuna kayänanpaqmi churashkanki. Paykunami pasacho mandaq kayanqa>>.

Apocalípsis 20:6

Puntata kawarimuqkunaqa kushishqami kayanqa. Paykunaqa Tayta Dios kuyashqan santu runakunami kayanqa. Saymi qepa kaq wanuyman chäyanqasu. Saypa trukanqa Tayta Diosta y Jesucristuta sirviq cürakuna kayashpanmi Jesucristuwan waranqa wata mandayanqa.

Éxodo 19:6

Qamkunataqa nacionninpami sirvimaq cürakunano kayänaykipaq churayäshayki. Saymi santu kar noqalata sirviyämanki>. Sayno nishqäta Israel runakunata wilay>>.

Isaías 61:6

Saynöpis Tayta Diospa cürankuna kayashqaykitami niyäshunkipaq. Tayta Diosninsita sirviq kayashqaykitami parlayanqa. Juklä nación runakunapa riquëzankunawanmi quëdayankipaq. Seqaypa chanin cuestaq adornunkunata jatikurmi kushikuyankipaq.

Romanos 11:36

Lapantapis Tayta Diosmi kamash. Pay munaptinmi lapan imaykapis kaykan. Lapanpis paylapami kaykan. ¡Imayyaqpis Tayta Dios alabash kaykuläsun! Amén.

Apocalípsis 4:11

<>.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.

Judas 1:25

Pay japalanmi [yachayyuq] Tayta Dios. Señorninsi Jesucristo noqansi rayku wanuptinmi salvamashkansi. Paymi lapanpaq munayyuq y imayyaqpis rey kaykan. Sayno kashqanpita kananpis, waraypis y imayyaqpis alabash kaykuläsun. Amén.

Daniel 4:34

34 (31) Qanchis wata päsarkuptinmi noqa Nabucodonosor ciëlupa nukirkur Tayta Diosta perdonta manakurqä. Saymi yapay juiciüman kutirkur imayyaqpis kawaq munayyuq Tayta Diosta alabarqä y agradëcikurqä. Mandaq kayninqa mana ushakaqmi kaykan. Mandaq kaynintaqa manami pipis qechunqasu.

1 Pedro 4:11

Wilakuyänaykipaq habilidäta chaskish kaykarqa Tayta Diospa wilakuyninta wilakuyay. Wakinta yanapäyänaykipaq habilidäta chaskish kaykarqa Tayta Dios yanapäyäshushqaykiman tupu yanapäyay. Saynöpami Jesucristo kayninpa Tayta Dios lapanchöpis alabash kanqa. ¡Tayta Dios imayyaqpis munayyuqmi! ¡Pay imayyaqpis alabash kaykuläsun! Amén.

Hebreos 13:21

Jesucristupa jutinchömi payta manakuyä imaypis yanapaykuyäshunaykipaq. Munashqanta rurayänaykipaq imayka ali kaqkunata kamaripaykuyäläshunki. Payqa imayyaqpis alabash kaykuläsun. [Amén.]

Filipenses 2:11

Saychömi pïmaypis niyanqa Jesucristo Señorninsi kashqanta. Sayno nirmi Tayta Diosta lapanpis alabayanqa.

Romanos 15:6

Kuyanakur kawayashpaykimi Señor Jesucristupa Papänin Tayta Diosta say yarpayla alabaykäyanki.

Juan 5:23

Sayno churamash kikinta adorayashqannöla noqatapis lapan runakuna adorayämänanpaqmi. Saymi noqata mana adoramaq kaqqa Taytätapis adoraykansu.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

1 Timoteo 6:16

Pay japalanmi imayyaqpis kawaq kaykan y seqaypa chipipiykaqchömi kaykanpis. Payta manami pipis rikashsu ni rikaytapis kamäpakunsu. ¡Lapan runakuna imayyaqpis payta alabaykuyäläsun! ¡Paypa makincho imayyaqpis kaykuyäläsun! Amén.

1 Pedro 5:11

¡Tayta Dios lapanpaq munayyuq kashqanpita imaypis alabash kaykuläsun! Amén.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.