Apocalípsis 1:16 - Tayta Diospa Wilakuynin

¹⁶ Aluq kaq makinchömi qanchis qoyllarkunata sarararqan. Shiminpitanami ishkan lädunpa afilash espäda yarqamurqan. Qaqlanpis intinöraqmi chipipirqan.

Apocalípsis 1:16 Referans Kwoze

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

Apocalípsis 2:16

Sayno kaykaptinqa wanakuyashpayki say yachasikuykunata kachariyay. Mana kachariyaptikiqa qamkuna kaqman elaqpita shamur shimïpita yarqamuq espädawanmi ushakäsiyäshayki.

Apocalípsis 19:15

Yuraq cawallun loqaraqpa shiminpitami afilash espäda yarqamurqan. Nacionkunata say espädawan vincirkurmi fiërru väran aptakurkur mandanqa. Nacionkunata castigarmi üvata jarukunan pözucho jaruqno castiganqa. Sayno castigarmi lapanpaq munayyuq Tayta Dios fiyupa rabyashqanta musyasinqa.

Apocalípsis 2:12

<

Efesios 6:17

Cascuykiqa Tayta Dios salvayäshushqaykimi. Espädaykiqa Tayta Diospa palabranmi. Saywanmi Espíritu Santu imaypis yanapäyäshunki.

Isaías 49:2

Parlashqäpis ali afilash espädano kananpaqmi kamakäsish. Makinwanmi imaykapitapis sapämash. Llawchi punta flëchano kanäpaqmi churamash. Flëchanta purisikunanman winashnömi kaykä.

Apocalípsis 19:21

Anticristupa soldädunkunatanami yuraq cawallun loqash runaqa shiminpita yarqamuq espädawan wanusirqan. Say wanuqkunapa aysantanami wiskurkuna pacha junta mikuyarqan.

Mateo 17:2

Saychömi paykunapa rikanancho Jesús jukniraqman tikrarqan. Saymi qaqlanpis intinöraq chipipirqan y mödananpis pasaypa yuraq rikakur empañakuyparaq asikyarqan.

Apocalípsis 1:20

<>.

Apocalípsis 3:1

<

Hechos 26:13

Tayta rey, pulan junaqno aywaykäyaptïmi intipitapis mas chipipïmur asikyapaykayämarqan.

Malaquías 4:2

2 (3.20) Qamkunapaqmi isanqa, mansapakamaq kayaptiki, inti jeqamuqno salvación shamunqa. Salvacionta chaskirmi imayka becërrukuna pañaqnöraq kushish tiwyakachäyanki.

Apocalípsis 12:1

Saypitanami jana pasacho rikakämurqan intino chipipiykaq warmi. Say warmipa chakin uraläninchömi killa kaykarqan. Jatirashqan corönachömi chunka ishkay qoyllarkuna karqan.

Apocalípsis 10:1

Saypitanami rikarqä munayyuq ángel pukutaycho jana pasapita uraykämuqta. Uman jananchömi seqyaw ichiraykarqan. Qaqlanpis intinömi chipipirqan. Chankankunapis junishta nina sharkuqnöraqmi karqan.

Daniel 12:3

Tantiyakuq runakunaqa chiwyaykaq ciëlunömi asikyäyanqa. Runakunata ali kawayänanpaq yachasiqkunaqa qoyllarkunanöraqmi imayyaqpis chipipïyanqa.

Job 38:7

Say hörami waraq qoyllarkuna lapanpis cantayarqan. Saynölami angilnïkunapis pasaypa kushikuyarqan.

Daniel 8:10

Saynöpis jatunyarqan jana pasacho kaykaq angilkunayaqmi. Saymi wakin angilkunata y qoyllarkunata qarparamur jarur usharqan.

Isaías 24:23

Lapanta mandaq Tayta Dios Sión lömapita mandamuptinmi killapis penqakunqa. Intipis manami asikyanqanasu. Jerusaléncho chipipiykaqta y munayyuq kashqanta mayor runakunapis rikayanqami.

Isaías 11:4

Pïninpis mana kaqkunapa favorninmi sharkunqa. Pobrikunatapis intëru nacionninsichömi respitasinqa. Parlashlanwanmi runakuna wanuyanqa. Fiyu runakunatapis juk pükaylami ushakärasinqa.

Jueces 5:31

<>. Saypitaqa chusku chunka (40) watayaq Israel runakuna jawkalanami kawayarqan.

Salmo 45:3

3 (4) Shumaq kamaränaykipaq seqlaykiman espädaykita jatikuy. Espädaykiwanran waräwa rikakunki.

Cantares 6:10

Manami pipis kansu kuyashqayki jipashnöqa. Waraq qoyllar aksiyaqnömi y killa kuyaylapaq kashqannömi kaykan. Inti chipipiykaqnömi kuyaylapaq kaykan. Aska soldädukuna pelyaman aywayashqan admiraypaq kashqannömi kuyaylapaq kashqanpis admiraypaq kaykan.

Apocalípsis 2:1

<<Éfeso markacho kaykaq iglesiapa angilninpaq kay nishqäta qelqay: Noqami aluq kaq makïcho qanchis qoyllarkunata sararaykä. Qoripita rurash qanchis candelabrukunapa chawpinchömi purï.

Jueces 3:16

Impuestuta manaraq aparmi Aodqa pulan metru largutano ishkan lädunpa afilash espädata rurarqan. Nirkurmi mödanan rurinpa aluq kaq seqlanman jatirkurqan.