3 Juan 1:8 - Tayta Diospa Wilakuynin

⁸ Saymi Tayta Diospa wilakuqninkunataqa noqansi yanapänansi. Saynöpami paykunawan wilakuykaqno kashun.

3 Juan 1:8 Referans Kwoze

3 Juan 1:10

Sayshi noqakunapa washätapis rimar puriykan. Karupita shamuq wawqikunatapis manashi chaskikunsu. Posädasiqkunatapis mana posädasiyänanpaqshi michan. Michaykaptinpis posädasiyaptinqa shuntakäyashqaykipitashi qarqun. Sayno rurashqanpita chämurnami olqutupäshaq.

Filemón 1:24

Saynölami wawqinsi Marcos, Aristarco, Demas y Lucaspis salüdunkunata apasikayämun. Paykunami lapanchöpis yanapaykäyäman.

Filemón 1:2

Salüdüta qoykulanki paninsi Apiata, wilakuq mayinsi Arquiputa y wayikicho shuntakaykur Tayta Diosta alabaq wawqi paninsikunatapis.

1 Tesalonicenses 3:2

qamkuna kaqman wawqinsi Timoteuta kachamurqä. Musyayashqaykinöpis Timoteuqa Diospa sirviqnin karmi Jesucristupa ali wilakuyninta wilakur puriykan. Paymi yachasiyäshunki y shakyäsiyäshunki Jesucristuman yärakuyänaykipaq.

Colosenses 4:11

Saynölami Justo niyashqan Jesúspis salüdunta qamkunapaq apasikamun. Aristarco, Marcos y Justumi Tayta Dios mandaykashqancho ali yanapämar shumaq shakyäsiyäman. Paykunalami Israel mayïkunapitaqa yanapaykäyäman.

Filipenses 4:3

Wilakuq mayï, qamtapis ruwämi paykunata amistasinaykipaq. Jesucristupa wilakuyninta Clementiwan y wakin wilakuq mayïkunawanpis wilakuptï say warmikuna alimi yanapäyämash. Libru de la Vïdachömi paykunapa jutinkunapis qelqaraykäyan.

2 Corintios 8:23

Tito pï kashqantapis tapuyäshuptiki wilayanki noqawan wilakur puriq kashqanta. Manami noqalata yanapämänanpaqsu sayno purin, sinöqa qamkunatapis yanapäyäshunaykipaqmi. Saynöla paywan shamuq ishkay wawqikunapita tapuyäshuptikipis wilayanki kaycho kaq wawqi panikuna paykunata kachayämushqanta y Cristo munashqanno ali kawaykäyashqanta.

2 Corintios 6:1

Wilakuqnin karmi qamkunata ruwakuyä kuyapäkuq Tayta Diosta mana yupaytupäyänaykipaq.

Lucas 11:7

Sayno manakuptinshi ninaq: <¡Ama fastidiamaysu! Punküpis trancashnami kaykan. Wamräkunawanmi punukuykä. Mananami sharkamümannasu tantata kamaripänäpaq>.

Mateo 10:40

<

Mateo 10:14

Wilakuyashqaykita say wayicho o say markacho mana chaskiyäshuptikiqa chakikikunacho kaykaq polvuta tapshiriykur aywakuyanki.

3 Juan 1:7

Jesucristupa ali wilakuyninta wilakur purirmi Tayta Diosta mana cäsukuq runakunata imatapis manakuyansu.

3 Juan 1:9

Wilakuqkunata yanapänansipaq tantiyasirmi juk cartata qamkunaman cartakamushkä. Sayno kaptinpis Diótrefes manashi yäsishqäkunata cäsukunsu. Payqa mandaq kayninman atiënikuykurshi munashqanta rurakun.

Salmo 94:16

Yaqa runakuna conträ sharkuyaptin ¿pilaraq favornï sharkunqa? Lutan ruraq runakuna conträ sharkuyaptin ¿pilaraq yanapämanqa?