3 Juan 1:6 - Tayta Diospa Wilakuynin

⁶ Paykuna chämurmi kuyapäkuq kashqaykita shuntakäyashqächo wilayämash. Yapay kutimuptin juk markaman aywayänanpaqpis yanapaykulanki. Sayno ruraptiki Tayta Diospis kushikunqami.

3 Juan 1:6 Referans Kwoze

1 Tesalonicenses 2:12

Saymi ruwayarqä, shakyäsiyarqä y tantiyasiyarqä Tayta Dios munashqanno kawayänaykipaq. Paymi qayayäshushkanki mandashqancho imayyaqpis paywan kawayänaykipaq.

Tito 3:13

Abogädu Zenaswan Apolos viäjita yarquyänanpaq kamarikuyaptin ima nistäyashqantapis lapayki kamaripäyanki.

Hechos 15:3

Jerusalénpa aywaqno Feniciapa y Samariapa päsarmi wawqi panikunata wilayarqan mana Israel runakunapis Jesucristuta chaskikuyashqanta. Sayno wilapäyaptinmi lapanpis kushikuyarqan.

1 Pedro 2:20

Lutanta rurayashqaykipita nakarqa ¿ima alitataq ruraykäyanki? Alikunata rurayashqaykipita nakarmi isanqa Tayta Diospa shonqunpaqno kawaykäyanki.

Colosenses 1:10

Pay munashqanno kawar y imaypis alilata rurarmi waran waran payta reqiyankipaq.

Filipenses 4:14

Sayno kaptinpis nistaykashqä höra apasikayämushqaykita chaskir fiyupami kushikushkä.

2 Corintios 1:16

Puntataqa Macedonia provinciapa päsaqnölami chämuyta yarpäyarqä. Kutimurpis yapay chämuytami yarpäyarqä. Qamkuna kaqman chäyämuptï Judeamanna aywayänäpaq yanapäyämänaykitami munayarqä.

Romanos 15:24

Españapa aywayta yarpaykä. Sayman aywanäpaq imalawanpis yanapaykayälämanki.

Hechos 21:5

Say markapita aywakuyaptïnami wawqikuna warminkunawan y wamrankunawan lamar kuchunyaq churayämarqan. Saychömi qonqurpakuykur Tayta Diosta lapäkuna manakuyarqä.

3 Juan 1:12

Demetriupaqmi isanqa Tayta Diospa wilakuynin nishqanno kawashqanta lapan runakunapis parlayan. Noqakunapis rikayashkämi sayno kawashqanta. Musyankimi rasun kaqta niyashqäta.

Hechos 15:29

Isanqa ïdulukunapa jutincho pishtayashqan aysata, kikilan wanush uywakunapa aysanta y uywapa yawarninta ama mikuyaysu. Saynöpis fornicación jusata ama jusalikuyaysu. Kay nishqäkunata cumpliyaptikiqa alimi kanqa. Aywalä.

Jonás 4:4

Sayno manakuptinmi Tayta Dios nirqan: <>

Génesis 4:7

Alita rurarqa manami jukniraqyash kaykankimansu. Mana alita ruraptikimi jusalikuy watqaraykäshunki munayninman churashunaykipaq. Sayno kaptinpis shumaq tantiyakurqa manami jusalikunkisu>>.