2 Corintios 1:5 - Tayta Diospa Wilakuynin

⁵ Noqakunatapis Jesucristuman yärakuyashqäpita runakuna nakasiyämaptin Jesucristuwanmi Tayta Dios shakyaykäsiyäman mana ajayaypa payman yärakuyänäpaq.

2 Corintios 1:5 Referans Kwoze

Colosenses 1:24

Mana Israel runakunata wilapashqäpita nakasiyämaptinmi Jesucristo iglesianpaq nakashqankunata cumplï. Paypa iglesianqa cuerpunmi kaykan. Saymi lakikunäpa trukan kushikü.

Filipenses 3:10

Jesucristuta masmi reqiyta munä. Payta Tayta Dios munayninwan kawarisimushqanno noqatapis say munayninwan yanapämänantami munä. Saymi Jesucristo nakashqanno nakarpis y payta wanusiyashqanno wanusiyämaptinpis pay cäsukushqanno noqapis cäsukushaq.

Filipenses 1:20

Mana mansariypa parlanäpaq imaypis yanapämashqannömi autoridäkunapa nawpanchöpis yanapämanqa. Saymi Jesucristo yanapämashqan musyakanqa kawaykaqta kachariyämaptinpis o wanusiyämaptinpis.

Filipenses 2:1

Jesucristupa makincho kar alimi kawaykansi. Pay kuyamashqami kushish kawaykansi. Espíritu Santupis noqansiwanmi imaypis kaykan. Tayta Diosmi tantiyaykäsimansi wamayänakur y kuyanakur kawanansipaq.

Hechos 9:4

Sayno asikyapaykamuptinmi pasaman Saulo tunir wiyarqan <> nimuqta.

Lucas 2:25

Say wisanmi Jerusaléncho Simeón jutiyuq runa tarqan. Paymi alilata rurashpan Tayta Diosman yärakur kawarqan. Saynöpis Israel runakuna nakaykäyashqanpita Cristo jorqunanpaq kashqantami shuyakuykarqan. Espíritu Santupa munayninchömi pay kawaq.

Romanos 8:17

Tayta Diospa wamran karmi pay promitishqan herenciata Jesucristo chaskishqanno noqansipis chaskishun. Imano nakarpis Jesucristuman yärakurqa paywanmi gloriacho kawashun.

2 Timoteo 3:11

Musyankimi Antioquíacho, Iconiucho y Listracho runakuna chikimar qatikachäyämashqanta. Sayno chikiyämaptinpis paykunapa makinpita Señor Jesucristumi salvamash.

1 Pedro 4:13

Saypa trukanqa Jesucristo nakashqanno nakayashpayki kushikuyay. Sayno nakarpis kay pasaman chipipiykar kutimushqan junaqqa fiyupami kushikuyanki.