2 Corintios 1:4 - Tayta Diospa Wilakuynin

⁴ Ima nakaycho kashqapis shakyäsimansi noqansipis yärakuq mayinsikuna nakayaptin shakyäsinansipaq. Saymi Tayta Dios shakyäsimashqansino wakinkunatapis shakyäsinsi.

2 Corintios 1:4 Referans Kwoze

1 Tesalonicenses 5:11

Sayno kaykaptinqa imaypis shakyäsinakuyashqaykinöla jukniki juknikipis tantiyasinakur shakyäsinakuyay.

Isaías 51:12

Tayta Diosmi nin: <

Isaías 40:1

Tayta Diosninsimi nin: <

Salmo 32:7

Qammi kanki pakakunä. Qammi imayka desgraciapitapis sapämanki. Saymi kushish imaypis alabashayki. Selah

Hebreos 12:12

Sayno kaykaptinqa makiki warkakaqno desanimädu karpis y qonqurniki watakaqno qajakarpis valorta sariyay.

Juan 14:18

<

Juan 14:16

Tayta Diosta ruwakuptïmi juk Yanapäkuqta kachamunqa. Paymi imayyaqpis qamkunawan kaykanqa.

Isaías 12:1

Say wisanmi Tayta Diosta alabar niyanki: <>.

Juan 14:26

Aywakuptïnami noqapa trukä Yanapäkuq Espíritu Santuta qamkunaman Taytä kachamunqa. Paymi lapanta yachasiyäshunki y lapan yachasishqäkunata yarpäsiyäshunki.

Isaías 52:9

Jerusaléncho kaykaq raqäkunapis, ¡kushish cantayay! Kuyashqan runakunata Tayta Diosmi yanapanqa. Jerusaléntami chikiqninkunapita salvanqa.

Salmo 32:5

Saymi jusalikushqäkunata reconöcir perdonta manakamushkä. Contrayki rurashqäta manami pakashkänasu. Yarpaynïchömi nirqä: <>. Manakamuptïmi perdonamashkanki. Selah

1 Tesalonicenses 4:18

Sayno kananpaq kaykaptinqa kay yachasishqäkunata yarpäsinakur jukniki juknikipis shakyäsinakuyay.

2 Corintios 7:13

Kuyayämashqaykita musyarmi seqaypa kushikuyashkä. Isanqa masraqmi kushikuyashkä Tituta ali chaskikuyashqaykita y shakyäsiyashqaykipita kikin wilayämaptin.

Isaías 51:3

Saynölami raqäla kaykaq Siónmanpis bendicionnïta yapay churashaq. Sunyaq jirkano kaptinpis Edén huertano kananpaqmi tikrasishaq. Saymi Sióncho seqaypa kushikur alabayämanqa.

Salmo 86:17

Conträkuna penqakuyänanpaq paykunapa rikay nawin yanapaykalämay. Tayta Dios, qamlami yanapämanki y kushikasimanki.

Salmo 66:16

¡Tayta Diosta mansapakuq kaqqa, lapayki wiyayänaykipaq shayämuy! Tayta Dios imano yanapämashqantapis wilapäshayki.

Isaías 49:10

Intipis manami paykunata rupanqasu. Paykunata kuyaparmi chuya yaku pashtashqanpa pusharäshaq. Manami malaqäyanqasu ni yakunäyanqasu.

Filipenses 1:14

Sayta musyayashpanmi wakin wawqi panikunapis Jesucristuman yärakuyashpan mana mansariypana ali wilakuyta wilakuykäyan.

2 Corintios 7:4

Nishqäkunata chaskikuyänaykipaq kashqanta tantiyarmi qamkunaman yärakü. Saymi ima päsamaptinpis lakikunäpa trukan seqaypa kushikü.