2 Corintios 1:1 - Tayta Diospa Wilakuynin

¹ Corinto markacho y Acaya provinciacho kaykaq yärakuq mayïkuna: Tayta Dios akramash kaptin Jesucristupa apostolnin karmi noqa Pablo wawqinsi Timoteuwan kay cartata cartakaykäyämü.

2 Corintios 1:1 Referans Kwoze

2 Timoteo 1:1

Noqa Pablutami Jesucristupa apostolnin kanäpaq Tayta Dios churamash. Jesucristuta chaskikurmi Tayta Dios promitishqanno mana ushakaq kawayta tarishkä.

Filipenses 1:1

Filipos markacho kaykaq mayor wawqikuna, diäcunukuna y wakin yärakuq mayïkuna: Noqa Pablo, Jesucristupa sirviqnin karmi kay cartata Timoteuwan cartakayämü.

Efesios 1:1

Éfeso markacho kaykaq salvash kaqkuna: Noqa Pablo, Jesucristupa apostolnin kanäpaq Tayta Dios akramash kaptinmi qamkunapaq kay cartata cartakaykämü. Jesucristo munashqanno kawayashpaykimi Tayta Diospana kaykäyanki.

Tito 1:1

Noqa Pablo, Tayta Diospa sirviqnin y Jesucristupa apostolnin karmi, Tayta Dios akrashqan kaqkunata wilakuyninta yachaykäsï Jesucristuman yärakur pay munashqanno kawayänanpaq.

1 Timoteo 1:1

Noqa Pablumi Jesucristupa apostolnin kaykä. Apostolnin kanäpaqmi salvakuq Tayta Dios y yärakushqansi Señor Jesucristo churamash.

Gálatas 1:1

Galacia provinciacho kaykaq wawqi panikuna: Noqa Pablumi kay cartata qamkunapaq apaykäsimü. Apóstol kanäpaq manami runakunasu churayämash, sinöqa Jesucristo y payta kawarisimuq Tayta Diosmi. Kaycho kaykaq wawqi panikunami qamkunapaq salüdunta apasikayämun.

1 Corintios 16:10

Wawqinsi Timoteo qamkuna kaqman chämuptin kushishla chaskikuyay. Paypis noqanömi Jesucristupa wilakuyninta wilakuykan.

1 Corintios 6:11

Qamkunapis wakinnikiqa nawpata saynömi jusalikur kawayarqayki. Kananmi isanqa Señor Jesucristupa jutincho Diosninsipa Espïritunwan jusaykikunapita maylashna kaykäyanki, santuna kaykäyanki y jusaynaqna kaykäyanki.

Hechos 16:1

Saypitanami Derbe y Listra markakunaman Pabluwan Silas chäyarqan. Listra markachömi juk discïpulu tarqan Timoteo jutiyuq. Timoteupa taytan mana Israel runa kaptinpis mamanqa Jesucristuman yärakuq Israel warmimi karqan.

Hebreos 13:23

Wawqinsi Timoteupis carcilpita yarqamushnami. Qamkunaman manaraq shamuptï noqa kaqman chämuptinqa ishkäkunami shayämushaq.

2 Tesalonicenses 1:1

Tesalónica markacho kaykaq yärakuq mayïkuna: Noqa Pablo, wawqinsi Silvano y Timoteumi kay cartata apaykäsiyämü. Qamkunaqa Papäninsi Tayta Diospa y Señor Jesucristupa makinchömi kaykäyanki.

1 Tesalonicenses 1:1

Tesalónica markacho kaykaq yärakuq mayïkuna: Noqa Pablo, wawqinsi Silvano y Timoteumi kay cartata cartakaykäyämü. Qamkunaqa Papäninsi Tayta Diospa y Señor Jesucristupa makinchömi kaykäyanki. Tayta Dios [y Señor Jesucristo] kuyapäyäshushpayki ali kawayänaykipaq yanapaykuyäläshunki.

2 Corintios 11:10

Tayta Dios musyanmi rasun kaqlata nikashqäta. Jesucristupa ali wilakuyninta mana manakuylapa wilakunäpaq manami intëru Acaya provinciacho pipis michämanmansu.

2 Corintios 9:2

Musyämi ofrenda shuntayta munayashqaykita. Saymi Macedonia provincia wawqi panikunata wilarqä qanyan watapita ofrenda shuntayta qalaykuyashqaykita. Sayno wilaptïmi paykunapis shuntaykäyan.

1 Corintios 16:15

Wawqi panikuna, musyayankimi Acaya provinciacho wawqinsi Estéfanas ayllunkunawan Jesucristuta puntata chaskikuyashqanta. Paykunami wawqi panikunata imachöpis yanapaykäyan.

1 Corintios 10:32

Sayno kaykaptinqa Israel runa kaptinpis, mana Israel runa kaptinpis, Diosman yärakuq mayiki kaptinpis rurayashqaykita rikar qepaman kutikuyänan kaptinqa say rurayashqaykita amana rurayankinasu.

Romanos 16:21

Yanapämaq wawqinsi Timoteupis qamkunapaq salüdunta apasikamunmi. Saynölami Israel mayïkuna Lucio, Jasón y Sosípaterpis salüdunta qamkunapaq apasikayämun.

Romanos 16:5

Wayincho shuntakaq yärakuq mayinsikunatapis salüdüta qoykuyälanki. Saynöpis salüdüta qoykuyälanki kuyanakuyashqä Epenetuta. Paymi Asia provinciacho lapanpita mas puntata Jesucristuta chaskikush.

Romanos 15:26

Macedonia y Acaya provinciakunacho yärakuq mayinsikunami say ofrendata shuntayash Jerusaléncho kaykaq muchuq wawqi panikunapaq.

1 Corintios 16:24

Jesucristuman yärakuq mayï kayaptikimi lapaykikunata kuyä. [Amén.]

2 Corintios 1:19

Tayta Diospa Surin Jesucristupis kay pasacho kar rasun kaqlatami pïmaytapis nirqan. Paypa wilakuynintami Silvanupis, Timoteupis y noqapis qamkuna kaqcho wilakuyashkä.

2 Corintios 1:23

Wawqi panikuna, Tayta Diospa jutinchömi rasun kaqta nï: Shamuyta yarparpis qamkunawan jaqayäsinakuyta mana munarmi shamushkäraqsu.

Gálatas 3:26

Wawqi panikuna, Jesucristuman yärakurnami kananqa Tayta Diospa wamrankunana kaykansi.

1 Tesalonicenses 3:2

qamkuna kaqman wawqinsi Timoteuta kachamurqä. Musyayashqaykinöpis Timoteuqa Diospa sirviqnin karmi Jesucristupa ali wilakuyninta wilakur puriykan. Paymi yachasiyäshunki y shakyäsiyäshunki Jesucristuman yärakuyänaykipaq.

Filemón 1:1

Wilakuq mayï kuyay Filemón: Noqa Pablumi, Jesucristupa wilakuyninta wilakushqäpita carcilcho kaykar Timoteuwan kay cartata cartakayämü.