1 Timoteo 1:5 - Tayta Diospa Wilakuynin

⁵ Say lutan yachasikuqkunata michänaykipaq nikä wawqi panikuna rimanakuyänanpa trukan kuyanakuyänanpaqmi. Sayno kuyanakuyänanpaqqa mana jusalikuypa alilata rurar kawayäsun y lapan shonqunwan Tayta Diosman yärakuyäsun.

1 Timoteo 1:5 Referans Kwoze

1 Timoteo 1:19

Sayno wilakushpayki Jesucristuman yärakur Tayta Dios munashqanno imaypis kaway. Wakin runakunaqa Tayta Dios munashqanno manana kawarmi Jesucristuman yärakuyannasu.

Gálatas 5:22

Santu Espïritupa munaynincho kawarmi isanqa kuyanakunsi, kushikunsi, jawka kawansi, pacienciakunsi, ali shonqu kansi, yanapäkuq kansi, awnishqansita cumplinsi,

2 Timoteo 2:22

Wakin maqtakuna lutanta rurayaptinpis qamqa ama ruraysu. Saypa trukanqa Tayta Dios munashqanno kaway, payman yärakuy, pïmaytapis kuyay y lapan runakunawanpis ali kaway. Saynöpis Señor Jesucristuta alabar Tayta Dios munashqanno kawaqkunawan imaypis shuntakay.

2 Timoteo 1:5

Noqa musyämi Tayta Diosman yärakur pay munashqanno kawashqaykita. Sayno kawaykanki awilayki Loida y mamayki Eunicipis Tayta Diosman yärakur kawayashqannömi.

2 Timoteo 1:3

Unay ayllükuna sirviyashqan y noqapis sirvishqä Tayta Diosta manakurmi sakaypapis junaqpapis qampaq agradëcikü.

1 Pedro 3:21

Say yakuqa bautizakushqansi yakunömi kaykan. Bautizakushqansiqa manami cuerpunsi limpiu kananpaqsu kaykan, sinöqa jusalikuykunata kacharir Tayta Dios munashqanno kawanansipaqmi. Saymi Jesucristo kawarimush kaptin salvakunsi.

1 Pedro 3:16

Tantiyasirqa ali shimilaykipa parlapäyanki. Saynöpis runa mayikiwan imaypis ali kawayanki. Sayno kawayashqaykita rikarmi washaykita rimaqkuna penqakuyanqa.

1 Pedro 1:22

Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.

2 Pedro 1:7

Tayta Dios munashqanno kawar say ayllunöla ali rikanakuyay. Ali rikanakur pïmaywanpis kuyanakur kawayay.

Romanos 10:4

Jesucristo shamushna kaptin manami Diospa leyninkunata cumplirsu perdonash kaykansi, saypa trukanqa Jesucristuman yärakurmi. Payman yärakuq kaqtaqa lapantami Tayta Dios perdonan.

Tito 1:15

Lutanta yarpaq y mana cäsukuq karmi imapis mana ali kashqanta yarpäyan. Jesucristupa wilakuyninta chaskikuqkunami isanqa tantiyakuyan Tayta Dios kamashqankuna lapanpis ali kashqanta.

1 Timoteo 3:9

Jesucristupa wilakuyninta yachakuyashqannöla mana jusalikuypa kawayanman.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

Salmo 51:10

10 (12) Munashqaykino kawanäpaq ali shonquta qoykalämay, Tayta Dios. Nimashqaykita imaypis cäsukunäpaq yanapaykalämay.

1 Pedro 4:8

Imano karpis lapan shonquykikunawan kuyanakuyay. Rasunpaypa kuyakuq runaqa imaykata rurayaptinpis perdonanmi.

Santiago 4:8

Tayta Dioswan imaypis kawayay. Sayno kawayaptikiqa paypis qamkunawanmi kaykanqa. ¡Jusasapakuna! Makikikunata awikuyashqaykino jusalikuykunata kachariyay. Janan shonqula cäsukuyänaykipa trukanqa lapan shonquykikunawan Tayta Diosta cäsukuyay.

Hechos 23:1

Saymi juezkunata rikärir Pablo nirqan: <>.

Salmo 24:4

Saymanqa yaykuyanqa alilata ruraqkunala, shonqunkunacho imaypis alilata yarpaqkunala, ïduluta mana adoraqkunala y promitishqanta mana qonqaypa cumpliqkunalami.

1 Juan 3:3

Sayno kanansipaq kashqanta shuyakuykarqa Jesucristo jusaynaq püru kashqanno noqansipis jusaynaq püru kashun.

Hebreos 10:22

lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

1 Corintios 13:1

Kay pasacho lapan idiömakunata parlarpis y angilkunapa idiömanta parlarpis kuyakuynï mana kaptinqa platïlluta lutala tukashqan chinchinyaqnölami parlashqäkuna kaykan.

Romanos 14:15

Yärakuq mayiki lakikuyänanpaq kashqanta musyaykar aysata mikurqa manami paykunata kuyaykäyankisu. Paykunatapis salvananpaq Jesucristo wanush kaykaptinqa aysata ama mikuyaysu. Mikuyaptikiqa qajakäyashpan manami Jesucristuman yärakuyanqanasu.

Romanos 9:1

Fiyupa lakikushqätapis kanan wilayäshayki. Lakikushqätaqa Jesucristupis y Espíritu Santupis musyanmi.

Hechos 24:16

Saymi Tayta Diospa nawpanchöpis y runakunapa rikananchöpis alikunalata imaypis rurayta munä.

Hechos 15:9

Saynöpami musyansi Jesucristuman yärakuq kaqtaqa Israel runa kaptinpis mana Israel runa kaptinpis shonqunkunata purificar Tayta Dios salvashqanta.

Mateo 12:35

Ali runaqa shonqun alita yarpashqantami parlan y fiyu runaqa shonqun mana alita yarpashqantami parlan.

Mateo 5:8

<

1 Juan 3:23

Tayta Diospa mandamientun nikan Surin Jesucristuman yärakunansipaq y jukninsi jukninsipis kuyanakunansipaqmi.

Hebreos 13:18

Noqakunapaqpis Tayta Diosta manakuyay. Musyayämi lutanta mana rurayashqäta. Tayta Dios munashlantami imaypis rurayta munayä.

Hebreos 9:14

Jesucristo yawarninta cruzcho jichash kaptin manami janalansipasu purificash kaykansi, sinöqa manakaqkunata rurashqansipita shonqunsipis purificashnami kaykan. Sayno purificash karmi imayyaqpis kawaq Tayta Diosta sirvinsi. Jesucristuqa Espíritu Santupa munayninwan Tayta Dios munashqan sacrificiuno kar noqansi rayku wanuptinmi sayno purificash kaykansi.

Gálatas 5:6

Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.

Jeremías 4:14

Jerusalén runakuna, salvakuyänaykipaq jusalikuyta wanakur shonquykikunata maylayay. ¡Imayyaqraq jusalikuylapaq yarpachakuykäyanki!

Deuteronomio 10:12

Saypita mastapis Moisés nirqan: <

Sofonías 3:7

Saymi kayno yarparqä: . Sayno yarpaptïpis paykunaqa jusalikuyman churakashqami kaykäyan>>.

Romanos 12:9

Janan shonqula kuyanakuyänaykipa trukanqa lapan shonquykiwan kuyanakuyay. Lutankunata rurayänaykipaqqa ama yarpaylapis yarpäyaysu. Saypa trukanqa alilata rurar kawayay.

1 Timoteo 1:18

Kuyay Timoteo, Tayta Diospa jutincho wawqikuna niyäshushlaykitami noqapis qamta yäsï: Ali soldädu mana mansariypa pelyashqanno qampis mana mansariypa Jesucristupa wilakuyninta wilakuy.

1 Juan 3:10

Pipis jusalikur y runa mayinta chikirqa manami Diospa wamransu kaykan, sinöqa diablupa wamranmi. Saynöpami musyansi Diospa wamran pï kashqanta y diablupa wamran pï kashqantapis.