1 Timoteo 1:4 - Tayta Diospa Wilakuynin

⁴ Say lutan yachasikuqkunaqa yarpaylankunapita yachasirmi unay tiempu imanöpis kashqanta y unay ayllunkuna pï kayashqanta yachasiyan. Saykunata yachasiyaptinmi Tayta Diosman yärakuyänanpa trukan manakaqkunapita rimanakular kawaykäyan.

1 Timoteo 1:4 Referans Kwoze

Tito 3:9

Wakin runakunaqa unay ayllunkuna pï kayashqanpita y Israel runakunapa costumbrinkunalapitami apänakuyan. Saykunapita piwanpis ama apänakuysu. Apänakushqayki manakaqlapaqmi kanqa.

Tito 1:14

Saynöpis tantiyasinki Israel runakuna lutan yachasiyashqanta mana chaskipäyänanpaq. Lutanta yachasikuqkunaqa Tayta Diospa palabranta mana cäsukurmi kikinkunapa yarpaylanpita yachaykäsiyan.

1 Timoteo 4:7

Runakuna lutanta yachasishqankunata ama chaskipaysu. Puklaqkuna fïsicata rurayashqanno qampis Tayta Dios munashqanno kawanaykipaq yachakuy.

2 Timoteo 4:4

Manakaqkunalata wiyayta munarmi rasun kaq yachasikuyta chaskikuyanqasu.

2 Pedro 1:16

Señor Jesucristo munayyuq kashqanta y kutimunanpaq kashqanta manami yarpayläpitasu yachaykäsï, saypa trukanqa chipipiykaqta kikï rikash karmi sayno yachaykäsï.

1 Timoteo 6:20

Timoteo, wilakuyninta wilakunaykipaq Tayta Dios churaykäshuptikiqa lapan nishqäkunata shumaq cumpliy. Lutan yachasikuqkunataqa ama chaskipaysu. Say runakunaqa yachaq kayashqanta yarparpis manakaqkunalatami yachaykäsiyan.

Hebreos 13:9

Lutan yachasikuqkuna yachasiyashqanta ama chaskipäyaysu. Manami paykuna niyashqannösu reqish mikuykunalata mikur Tayta Dios munashqanno kawansi, saypa trukanqa Tayta Dios yanapämashqami.

2 Timoteo 2:14

Kay nishqäkunata wawqi panikunata imaypis yarpäsiy. Tayta Diospa jutincho tantiyasiy manakaq yachasikuykunata mana chaskipäyänanpaq. Saykunata chaskiparqa manami Tayta Dios munashqannösu kawayan. Saynöpis wawqi panikunata pasaypami jaqayäsiyan.

2 Timoteo 2:22

Wakin maqtakuna lutanta rurayaptinpis qamqa ama ruraysu. Saypa trukanqa Tayta Dios munashqanno kaway, payman yärakuy, pïmaytapis kuyay y lapan runakunawanpis ali kaway. Saynöpis Señor Jesucristuta alabar Tayta Dios munashqanno kawaqkunawan imaypis shuntakay.

1 Timoteo 6:11

Timoteo, Tayta Diosta sirviq kaykarqa ama qellaypaq wachakash kaysu. Saypa trukanqa Tayta Dios munashqanno imaypis kaway, payman yärakuy, runa mayikita kuyapay, pacienciakuy y pitapis ali shimilaykipa parlapay.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Tito 1:1

Noqa Pablo, Tayta Diospa sirviqnin y Jesucristupa apostolnin karmi, Tayta Dios akrashqan kaqkunata wilakuyninta yachaykäsï Jesucristuman yärakur pay munashqanno kawayänanpaq.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

Efesios 3:2

Tayta Dios kuyakuq karmi churamash qamkunaman y wakin mana Israel runakunamanpis ali wilakuyninta apanäpaq. Say wilakuytaqa musyaykäyankinami.

2 Timoteo 2:23

Lutan yachasikuykunapita wakin runakuna rimanakuyaptinpis sayman ama jatikaysu. Sayno rimanakurqa jaqayäsinakuyanmi.