1 Samuel 4:2 - Tayta Diospa Wilakuynin

² Saychömi filisteo soldädukuna atacayashpan Israel runakunata vincir wanusiyarqan chusku waranqatano (4,000).

1 Samuel 4:2 Referans Kwoze

Lamentaciones 3:40

Imano kawashqansitapis shumaq yarpachakur jusalikuyta wanakushun. Tayta Diosta ashir pay munashqannöna kawashun.

1 Samuel 17:21

Nirkurmi Israel soldädukuna y filisteo soldädukuna frenti frenti churanakuyarqan.

1 Samuel 17:8

Saychömi Israel soldädukunata wajupar Goliat nirqan: <<¿Imapaqtaq pelyaq askaq shayämushkanki? Noqaqa filisteo runami kaykä. Qamkunaqa Saúlpa ashmaylanmi kaykäyanki. Ali chölunninta kachayämuy noqawan pelyananpaq.

Josué 7:12

Saymi contraykikunawan pelyaytapis mana kamäpakur qeshpikuyanki. Jusayuq runata manaraq wanusiptikiqa qamkunata yanapänäpa trukan ushakäsiyäshaykimi.

1 Samuel 4:1

Tayta Dios nishqankunatami lapan Israel runakunata Samuel wilapaq. Say wisanmi Israel runakuna filisteo runakunawan pelyayänanpaq campamentuta sharkasiyarqan Eben-ezer cercancho. Filisteo soldädukunanami Afecman aywaykur campamentunta sharkasiyarqan.

1 Samuel 4:3

Israel runakuna pelyayashqanpita campamentunkunaman kutikuyaptinmi mayor runakuna niyarqan: <<¿Imanirtaq Tayta Dios kachariykamashkansi filisteo runakuna vincimänansipaq? Yapay mana vincimänansipaq Silo markapita apamushun Tayta Diospa Pactu Babulninta. Saynöpami Tayta Dios noqansiwan kar yanapämäshun contransikunata vincinansipaq>>.

1 Samuel 4:10

Filisteo soldädukuna vinciyaptinmi Israel runakuna qeshpir campamentunman kutikuyarqan. Say pelyachömi Israel runakunata filisteo soldädukuna wanusiyarqan kimsa chunka waranqa (30,000) soldädukunata.

Levítico 26:37

Pipis mana qatikachaykäyäshuptikimi guërrapita qeshpiykaqno takanakurraq qeshpiyanki. Manami mayqaykipis contraykikunata ichipayta kamäpakuyankisu.

Números 14:45

Israel runakuna aywaykäyaptinmi jalqakunacho taq amalecita y cananeo runakunapis yarqapäyämushpan Israel runakunata atacayarqan. Vinciyashpanmi Hormayaq qatikachäyarqan.