1 Pedro 3:4 - Tayta Diospa Wilakuynin

⁴ Saypa trukanqa ali shonqu kayashqayki y pïmaywanpis ali kawayashqaykimi kuyaylapaqqa kaykan. Sayno kawayashqaykimi Tayta Diospa shonqunpaqno kaykan.

1 Pedro 3:4 Referans Kwoze

Colosenses 3:12

Tayta Dios akrashqan y kuyashqan santu runakuna kaykarqa jukniki juknikipis kuyapänakur kawayay. Saynöpis yanapänakuyay, mana yachaq tukuypa kawayay, pïmaypaqpis ali shonqu kayay y pacienciakuyay.

1 Samuel 16:7

Saymi Tayta Dios nirqan: <>.

Romanos 2:29

Saypa trukanqa rasunpaypa señalakush kaykan shonqunta Espíritu Santu señalaptinmi. Runakuna chikiyaptinpis paykunataqa Tayta Dios kuyanmi.

Mateo 11:29

Noqapa yügüta matankakuyay. Kuyapäkuq y ali shonqu kashqäta rikakur noqapita yachakuyay. Noqapita yachakurmi jamayta tariyanki.

Tito 3:2

Saynöpis yachasinki washarima mana kayänanpaq, pitapis mana wajupäyänanpaq, ali shonquyuq kayänanpaq y pïmaywanpis ali rikanakur kawayänanpaq.

Mateo 23:26

¡Qapra fariseukuna! Plätupa rurinta maylaqno puntata mana ali yarpäyashqaykikunata kachariyay. Saynöparaqmi rasunpaypa santu kayanki.

Romanos 7:22

Shonqücho Tayta Diospa leyninkunata wiyakuyta munaptïpis

2 Corintios 4:16

Saymi Tayta Diospa wilakuyninta mana ajayaypa wilakuyä. Awkinyash cuerpunsi lasaptinpis shonqunsichöqa waran waran mas maqtanömi kaykansi.

1 Tesalonicenses 4:11

Piwanpis mana rimanakuylapa kawayay. Runa mayiki imano kawakushqantapis ama rikapäyaysu. Saypa trukanqa yäsishqänöla ima aruylachöpis arukuyay.

Efesios 4:2

Mana yachaq tukuypa kawayay, pïmaypaqpis ali shonqu kayay y kuyanakur pacienciakuyay.

1 Pedro 3:15

Lakikuyänaykipa trukanqa Jesucristo ämuyki kashqanta tantiyar pay munashqanno kawayay. Jesucristuman imanir yärakuyashqaykita pipis tapuyäshuptiki tantiyasiyänaykipaq imaypis kamarikushla kaykäyay.

1 Timoteo 2:2

Saynöpis Tayta Diosta manakuyäsun reykunapaq y wakin autoridäkunapaqpis. Ali mandayänanpaq Tayta Dios yanapaptinmi noqansipis jawkala Tayta Dios munashqanno kawashun.

Lucas 11:40

¡Mana tantiyakuq runakuna! ¿Manaku musyayanki Tayta Dios cuerpuykita kamar shonquykitapis kamashqanta?

Isaías 61:1

Tayta Dios akramash karmi Espïritunta noqaman kachamush. Paymi kachamash pobrikunata ali wilakuyninta wilanäpaq, lakish kawaqkunata shakyäsinäpaq, juklä nacionman prësu aywaqkuna librina kayashqanta wilanäpaq y carcilcho wichqaraykaqkunatapis yarqayämunanpaq kashqanta wilanäpaq.

Isaías 57:15

Jana pasacho taq imayyaqpis kawaq santu Tayta Diosmi nin: <

Salmo 25:9

Humildi kaqkunatami tantiyasin. Alilata rurayänanpaqmi yachasin.

Santiago 1:21

Mana ali ruraykunatapis y imayka viciukunatapis kachariyay. Wilakuyninta shonquykikunaman Tayta Dios murush kaykaptinqa wilakuyninta shumaq cäsukuyay. Paypa ali wilakuyninqa salvayäshunaykipaq munayyuqmi kaykan.

2 Timoteo 2:25

Contrayki sharkuqkunata ali shimilaykipa tantiyasiy. Sayno tantiyasiptiki capazchir Tayta Dios tantiyasinqa jusalikushqanta wanakur pay munashqannöna kawayänanpaq.

2 Tesalonicenses 3:12

Señor Jesucristupa jutinchömi sayno kawaq wawqi panikunata nï: Wayin wayin puriyänaykipa trukanqa mikuyänaykipaq arukuyay.

Mateo 5:5

<

Isaías 29:19

Tayta Dios yanapaptinmi humildikuna kushikuyanqa. Israel runakunapa santu Diosnin yanapaptinmi muchuqkunapis kushish kawayanqa.

Salmo 149:4

Kuyashqan runakunata rikarmi Tayta Dios kushikun. Ali kawayänanpaqmi humildikunata yanapan.

Salmo 147:6

Pobrikunatapis Tayta Diosmi yanapan. Yaqa runakunatanami isanqa penqayman churan.

Romanos 6:6

Shumaq tantiyakushun. Unay kawayninsiqa Jesucristuwan cruzcho wanushnami kaykan. Saymi kananqa jusalikuypa munayninchönasu kaykansi.

Lucas 16:15

Saymi Jesús nirqan: <

Salmo 51:6

6 (8) Jusalikushqanta reconöcikuqtaqa qam kuyankimi. Jusalikushqäta qammi shonqücho tantiyasimanki.

Salmo 45:13

13 (14) Majasakänanpaq kaq jipashmi kuyaylapaq kaykan. Mödananpis qoriwan adornash karmi chipipiykachaykan.

1 Pedro 1:23

Sayno kawayänaykipaqmi yapay yurishno kaykäyanki. Manami mamaykikunapitasu ni taytaykikunapitasu say kawayta chaskikuyashkanki, sinöqa Diospa palabranta chaskikuyashqaykipitami. Paypa palabranqa kawaq karmi imaypis ushakanqasu.

Colosenses 3:3

Qamkunaqa jusalikuypaq wanushna karmi Jesucristuwan Tayta Diospa nawpancho kawaykäyanki. Sayno kawayashqaykita runakuna kanan mana rikarpis

Gálatas 5:23

humildi kansi y alilata ruranansipaq tantiyakunsi. Sayno kawarqa manami ima leytapis manakaqman churaykansisu.

Salmo 131:2

Wasqishna wamranömi jawkala kaykä. Mamanpa melqaynincho wamra kushish kashqannömi kushish kaykä.

2 Corintios 10:1

Jesucristo kuyapäyäshuptikimi noqa Pablo qamkunata ruwakü. Wakinnikishi manakaqman churayämashpayki nikäyanki: <>.

Mateo 21:5

< >>.

Isaías 11:4

Pïninpis mana kaqkunapa favorninmi sharkunqa. Pobrikunatapis intëru nacionninsichömi respitasinqa. Parlashlanwanmi runakuna wanuyanqa. Fiyu runakunatapis juk pükaylami ushakärasinqa.

Jeremías 51:59

Juk runami karqan Seraías jutiyuq. Payqa karqan Neríaspa surin y Maasíaspa wilkanmi. Seraíasqa rey Sedequíaspa yanapaqninmi karqan. Saymi rey Sedequías Seraíasta pushakurkur Babiloniaman aywarqan. Sayno aywarqan Judá nacioncho chusku watana rey kaykarmi. Seraíastami profëta Jeremías juk rölluta apasirqan.

Romanos 1:23

Saymi imayyaqpis kawaq Tayta Diosta adorayänanpa trukan ïdulukunata adorayan. Say ïdulukunata rurayan runa niraqtapis, pajaqkuna niraqtapis, uywakuna niraqtapis y lashtaypa puriqkuna niraqtapis.