1 Pedro 1:2 - Tayta Diospa Wilakuynin

² Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.

1 Pedro 1:2 Referans Kwoze

2 Tesalonicenses 2:13

Wawqi panikuna, qamkunataqa Tayta Diosmi kuyayäshushpayki qalaykunanpita akrayäshushkanki salvayäshunaykipaq. Kananqa Jesucristupa wilakuyninta chaskikur payman yärakuyaptiki y Diospa makincho kawayänaykipaq Espíritu Santu yanapäyäshuptikimi salvakuyashkanki. Saypitami Tayta Diosta imaypis agradëcikuyä.

1 Pedro 1:22

Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.

Hebreos 12:24

Saynölami Jesucristupa nawpancho kaykaqnöna kaykäyanki. Paymi wanurqan Tayta Dios mushuq pactuta rurar salvamänansipaq. Jesucristo yawarninta jichashqan manami Abel yawarninta jichashqannösu kaykan. Abel yawarninta jichar wanushqanqa wanusiq runa castigash kananpaqmi karqan. Jesucristo yawarninta jichar wanushqanmi isanqa perdonash kanansipaq kaykan.

Romanos 11:2

Israel runakunata Tayta Dios manami kachaykushsu. Paykunataqa unaypita pasami akrash kuyashqan runakuna kayänanpaq. ¿Manaku musyayanki Tayta Diospa palabran Elíaspita imata nishqantapis? Israel mayinkunata acusarmi Tayta Diosta manakur Elías nirqan:

2 Pedro 1:2

Tayta Diosta y Señorninsi Jesucristuta reqiyaptikimi kuyapäyäshunaykipaq y waran waran ali kawayta qoykuyäläshunaykipaq qamkunapaq manakü.

Hechos 2:23

Sayno kaykaptinpis qamkunami Jesústa prësu sarirkur Diosta mana cäsukuq runakunapa makinman churayashkanki crucificaypa wanusiyänanpaq. Sayno kananpaq kashqantaqa unaypita pasami Tayta Dios nirqan.

Romanos 16:26

Kananmi isanqa profëtakuna qelqayashqannöla y imayyaqpis kawaq Tayta Dios nishqannöla wilakuyninta maysay nacionkunachöpis wilakuykäyan. Sayno wilakuykäyan pïmaypis Jesucristuman yärakur Tayta Dios munashqanno kawayänanpaqmi.

2 Timoteo 2:10

Saymi imano nakarpis mana ajayaypa Jesucristupa wilakuyninta wilakuykä. Saynöpami akrashqan kaqkuna Jesucristuta chaskikuyaptin Tayta Dios salvanqa gloriacho imayyaqpis kawayänanpaq.

1 Corintios 6:11

Qamkunapis wakinnikiqa nawpata saynömi jusalikur kawayarqayki. Kananmi isanqa Señor Jesucristupa jutincho Diosninsipa Espïritunwan jusaykikunapita maylashna kaykäyanki, santuna kaykäyanki y jusaynaqna kaykäyanki.

Marcos 13:27

Nirkurmi angilninkunata kachamunqa akrashqan kaqkunata maysaypitapis shuntayämunanpaq.

Marcos 13:20

Akrashqan runakunata kuyaparmi Tayta Dios say nakay junaqkunata päsasinqa. Mana päsasiptinqa lapanpis wanurmi ushakäyanman.

Hebreos 10:22

lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

Romanos 16:19

Tayta Diosta cäsukuyashqaykitaqa maysaychöpis yärakuq mayinsikuna musyayanmi. Sayno kayashqaykita musyar noqapis kushikümi. Noqa munä mana jusalikuypa alilata rurar imaypis kawayänaykitami.

Romanos 8:33

Kikin Tayta Dios akraykämash y jusansikunatapis perdonaykämash ¿piraq nawpancho acusamäshun?

Lucas 18:7

¿Manasuraq Tayta Diospis akrashqankunata yanapanqa paqasta junaqta manakuyaptin? Mana shuyaräsiylapami yanapanqa.

Mateo 24:24

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

Mateo 24:22

Akrashqan runakunata kuyaparmi Tayta Dios say nakay junaqkunata päsasinqa. Mana päsasiptinqa lapanpis wanurmi ushakäyanman.

Deuteronomio 7:6

Tayta Dios akrashqan santu runakunami qamkuna kaykäyanki. Maysay nación runakunapitami kuyashqan runakuna kayänaykipaq akrashushkanki>>.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

Hebreos 11:28

Tayta Diosman yärakurmi Israel runakunata nirqan Pascua fiestata rurar punkupa quiciunninkunata yawarwan lushiyänanpaq. Sayno lushisirqan wanusikuq ángel yawarta rikar Israel runakunapa wayinkunacho qechpa surinkunata mana wanusinanpaqmi.

Romanos 15:16

Jesucristupa ali wilakuyninta mana Israel runakunata wilapänäpaq churamash kaptinmi. Saymi wilakuykä mana Israel runakunapis Espíritu Santu yanapaptin Tayta Diospa shonqunpaq sacrificiuno kayänanpaq.

Romanos 8:13

Jusalikuylacho kawashqaqa infiernumanmi Tayta Dios qaykamäshun. Espíritu Santu tantiyasimashqansino jusalikuypaq wanushno karmi isanqa mana ushakaq kawayta tarishun.

Romanos 1:7

Romacho taq yärakuq mayïkuna, Tayta Dios kuyayäshushpaykimi wamrankuna kayänaykipaq qayayäshushkanki. Papäninsi Tayta Dios y Señor Jesucristo kuyapäyäshushpayki ali kawayänaykipaq yanapaykuyäläshunki.

Romanos 1:5

Jesucristo noqansi rayku wanush kaptinmi Tayta Dios kuyapämar apostolnin kanäpaq churamash. Saymi maysay nacionkunacho pïmaytapis wilapä Jesucristuman yärakur y Tayta Dios munashqanno kawar payta alabayänanpaq.

Hechos 15:18

Noqa Tayta Diosmi sayno kananpaq nï. Sayno kananpaq unaypita pasami musyasirqä>.

Daniel 4:1

1 (3.31) Rey Nabucodonosormi maysay markakunaman, nacionkunaman y ima idiömata parlaq runakunamanpis cartakur nirqan: Qamkunacho ali kaway kaykuläsun.

Isaías 65:22

Wayita sharkasiyashqanchöpis manami juk runakunasu täyanqa, saypa trukanqa kikinkunami täyanqa. Üvata plantakuyashqantapis manami juk runakunasu palakur apakuyanqa, saypa trukanqa kikinkunami palakuyanqa. Jachakunanömi kuyashqä runakunapis aska wata kawayanqa. Arukuyashqanwan akrashqä runakuna kushishqami kawayanqa.

Judas 1:2

Tayta Dios kuyapäyäshushpayki imaypis yanapaykuyäläshunki kuyanakur ali kawayänaykipaq.

Hebreos 5:9

Sayno yachakurmi munayyuq kaykan payta cäsukuqkunata salvananpaq.

Colosenses 3:12

Tayta Dios akrashqan y kuyashqan santu runakuna kaykarqa jukniki juknikipis kuyapänakur kawayay. Saynöpis yanapänakuyay, mana yachaq tukuypa kawayay, pïmaypaqpis ali shonqu kayay y pacienciakuyay.

2 Corintios 13:14

Señor Jesucristo, Tayta Dios y Espíritu Santu imaypis kuyapaykuyäläshunki. [Amén.]

2 Corintios 10:5

Saynöpami runakuna yachaq tukur Tayta Diospa wilakuyninta mana chaskikuyänaykipaq ima sapata churapäyäshuptikipis tantiyasiyä Jesucristuta cäsukuyänaykipaq y yarpäyashqaykikunapis pay munashqanno kananpaq.

Romanos 11:28

Sayno kaptinpis kananqa Israel runakuna Jesucristupa ali wilakuyninta manami chaskikuyta munayansu. Tayta Diospa contran kayaptinmi paykunapa trukan qamkunatana salvaykäyäshunki. Tayta Diospa contran kanan kaykäyaptinpis Abrahamta, Isaacta y Jacobta promitishqanta cumplirmi Israel runakunata imaypis kuyaykan.

Hechos 20:32

[Wawqikuna,] kananqa kuyapäkuq Tayta Diospa makinmanmi qamkunata kachaykü. Paypa wilakuynin munayyuqmi kaykan shumaq tantiyasiyäshunaykipaq. Saynöpami lapan salvash kaqkunawan juntu herenciata chaskiyanki.

Tito 1:1

Noqa Pablo, Tayta Diospa sirviqnin y Jesucristupa apostolnin karmi, Tayta Dios akrashqan kaqkunata wilakuyninta yachaykäsï Jesucristuman yärakur pay munashqanno kawayänanpaq.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

Marcos 13:22

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

Mateo 24:31

Cornëta sinchipa waqamuptinmi angilninkunata Runapa Surin kachamunqa akrashqan kaqkunata maysaypitapis shuntayämunanpaq.

Isaías 55:7

Jusalikuykunata wanakuyay. Manakaqkunata yarpachakuyänaykipa trukanqa Tayta Diosman kutikuyay. Diosninsi karmi kuyapäyäshunki. Payqa imaypis perdonayäshunkimi.

2 Juan 1:13

Tayta Dios akrashqan nanaykipa wawankunapis salüdunkunata apasikayämunmi. [Amén.]

2 Juan 1:1

Tayta Dios akrashqan warmi y wawankuna: Mayor wawqi karmi kay cartata apaykäsimü. Qamkunata lapan shonqüwanmi kuyä. Manami noqalasu kuyä, saypa trukanqa Tayta Diospa wilakuyninta wakin chaskikuqkunapis kuyayäshunkimi.

Daniel 6:25

25 (26) Saypitanami rey Darío juk leyta qelqarkur apasirqan may markacho y may nacioncho taqkunaman y ima idiömata parlaqkunamanpis. Say leychömi nirqan: <

Isaías 65:9

Saymi nacionnïcho täyänanpaq Israel runakunapita y Judá runakunapita akrashaq. Say akrashqä runakunapa particionninmi kay nación kanqa. Sirvimaqnïkuna kayashpanmi kaycho täyanqa.

Levítico 1:5

Tayta Diospa nawpancho pishtayanqa. Yawarnintanami Aarónpita miraq cürakuna Tinkuna Toldu patiucho kaykaq altarpa lädunkunata saqsupäyanqa.

1 Pedro 1:14

Tayta Diospa wamran kaykarqa payta cäsukur munashqanno kawayay. Jesucristuta manaraq chaskikur kawayashqaykinöqa ama kawayaysu.

1 Pedro 1:19

sinöqa Jesucristupa seqaypa väliq yawarninwanmi. Sänu carnita sacrificiupaq pishtayaptin yawarninta jichashqannömi Jesucristupis noqansi rayku yawarninta jichash.

1 Pedro 1:20

Kay pasatapis manaraq kamar Tayta Dios destinash kaptinmi noqansi kawashqansi wisanraq Jesucristo kuyamashpansi shamush.