1 Juan 5:13 - Tayta Diospa Wilakuynin

¹³ Tayta Diospa Surinman yärakuyaptikimi kay cartata apaykäsimü mana ushakaq kawayta tariyashqaykita musyayänaykipaq.

1 Juan 5:13 Referans Kwoze

Juan 20:31

Kay librucho qelqaraykaqkunaqa Jesús salvamaqninsi Cristo kashqanta y Diospa Surin kashqanta criyiyänaykipaq y criyir mana ushakaq kawayta tariyänaykipaqmi.

Juan 1:12

Payman yärakur chaskikuqkunatami isanqa Tayta Dios legitimakun wamrankuna kayänanpaq.

1 Juan 3:23

Tayta Diospa mandamientun nikan Surin Jesucristuman yärakunansipaq y jukninsi jukninsipis kuyanakunansipaqmi.

Juan 3:18

Tayta Diospa Surinman yärakuqkunaqa manami infiernuman qaykushsu kayanqa. Mana yärakuqkunami isanqa qaykush kananpaqna kaykäyan. Sayno kayanqa Tayta Diospa japalan Surinman mana yärakuyashqanpitami.

1 Juan 2:21

Saynöpis tantiyayanki lulakuqkuna Tayta Diospa wilakuyninta wilakuyänanpa trukanqa lutanta yachaykäsiyashqanta. Rasun kaq yachasikuyta tantiyayashqaykita musyarmi cartakaykämü.

Gálatas 4:6

Wamran kashqami Surin Jesucristo promitishqan Espíritu Santuta shonqunsiman Tayta Dios kachamurqan. Espíritu Santumi Tayta Diosta imaypis: <<¡Abba, Papä!>> nikan.

1 Juan 5:10

Jesucristo Diospa Surin kashqanta criyiq kaqqa Tayta Dios tantiyasishqanta criyinmi. Jesucristo Diospa Surin kashqanta mana criyiq kaqmi isanqa Tayta Dios tantiyasishqantapis criyinsu. Mana criyirmi Tayta Diosta manakaqman churan.

1 Juan 2:1

Kuyay wamräkuna, kay cartata cartakaykämü mana jusalikuyänaykipaqmi. Jusalikush imashqaqa Tayta Diospa nawpancho favorninsi sharkunanpaq abogädunsi kaykanmi. Say abogädunsiqa alilata ruraq Jesucristumi.

1 Juan 1:4

Saykunata qelqaykämü kushish kawanansipaqmi.

1 Pedro 5:12

Wawqinsi Silvanumi kay cartata qelqäsimash. Tayta Dios munashqannömi imaypis pay kawaykan. Kay cartata qamkunapaq qelqaykämü Tayta Dios kuyapaykäyäshushqaykita tantiyakuyänaykipaqmi. Mana ajayaypa imaypis payman yärakuyay.

2 Corintios 5:1

Musyansimi kay cuerpunsi ushakaptinpis mana ushakaq mushuq cuerputa Tayta Dios qomänansipaq kashqanta. Kay pasachöqa cuerpunsi ushakaq suklanölami kaykan. Gloriachömi isanqa mushuq cuerpunsi Tayta Dios rurashqan ali wayinöna kanqa.

Hechos 4:12

Jesucristulami salvamaqninsiqa kaykan. Paypita mas jukqa salvamänansipaq manami pipis kansu>>.

Juan 2:23

Pascua fiestacho milagrukunata Jesús ruraykashqanta rikarmi Jesúsman aska runakuna criyiyarqan.

1 Juan 2:26

Kay cartata cartakaykämü lutan yachasikuqkunata mana chaskipäyänaykipaqmi.

Hechos 3:16

Paymi kay reqiyashqayki runata aliyäsish. Jesucristuman yärakuyaptïmi rikayashqaykinöpis kanan kachakashna kaykan.

Juan 21:24

Jesús kuyashqan discïpulumi kay libruta qelqash. Lapan qelqashqankuna rasun kaqmi kaykan.

Juan 5:24

<

1 Juan 2:25

Paymi promitimashkansi gloriacho imayyaqpis kawanansipaq.

1 Juan 4:9

Mana ushakaq kawayta tarinansipaqmi Tayta Dios japalan Surinta kay pasaman kachamurqan. Saynöpami pasaypa kuyamashqansita musyasimashkansi.

1 Juan 5:11

Mana ushakaq kawayta qomashqansitami Tayta Dios tantiyasimashkansi. Say kawaytaqa tarinsi Surin Jesucristuta chaskikurmi.

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.