1 Juan 4:8 - Tayta Diospa Wilakuynin

⁸ Mana kuyanakurmi isanqa Diosta reqinsisu. Tayta Diosqa kuyakuqmi kaykan.

1 Juan 4:8 Referans Kwoze

1 Juan 4:16

Kananqa Tayta Dios kuyamashqansita musyarmi payman yärakuykansi. Tayta Diosqa kuyakuqmi kaykan. Noqansipis kuyanakurqa paywanmi kaykansi y paypis noqansiwanmi kaykan.

Salmo 86:15

Tayta Dios, qamqa ali shonqu y kuyapäkuqmi kaykanki. Juklaqa manami rabyakunkisu. Kuyapäkuq y rasun kaqlata parlaqmi kaykanki.

1 Juan 4:7

Kuyay wawqi panikuna, Tayta Dios kuyakuq kaykaptinqa jukninsi jukninsipis kuyanakushun. Kuyanakurqa Diospa wamran karmi payta reqinsi.

2 Corintios 13:11

Wawqi panikuna, imaypis kushikuyay. Tayta Dios munashqanno kawayänaykipaq jukniki juknikipis shakyäsinakuyay. Mana chikinakuypa juk shonqula kawayay. Sayno kawayaptikimi kuyapäkuq y ali kawayta qomaqninsi Tayta Dios imaypis yanapäyäshunki.

Salmo 86:5

Qamqa alilata ruraqmi y perdonakuqmi kanki. Qamman yärakamuqkunata kuyapankimi.

Efesios 2:4

Sayno kaykashqapis Tayta Dios kuyapäkuq karmi seqaypa kuyamashkansi.

1 Juan 1:5

Jesucristo yachasiyämashlantami wilayä: Tayta Diosqa aksimi. Paycho manami ima sakaypis kansu.

1 Juan 3:6

Saymi Jesucristupa makincho kawaqkunaqa jusalikuyta kachariyan. Jusalikuyta mana kachariqkunaqa manami Jesucristuta chaskikuyashsu ni reqiyansu.

1 Juan 2:9

Pï runapis <> nikar runa mayinta chikirqa sakäpakushlaraqmi kaykan.

1 Juan 2:4

Mayqansipis Tayta Diosta reqishqansita nikarpis mandamientunkunata mana cäsukurqa manami rasun kaqtasu parlansi, sinöqa lulakuykansimi.

Hebreos 12:29

Imatapis nina rupar ushashqannömi mana wiyakuqkunataqa Tayta Diosninsi ushakäsinqa.

1 Juan 3:10

Pipis jusalikur y runa mayinta chikirqa manami Diospa wamransu kaykan, sinöqa diablupa wamranmi. Saynöpami musyansi Diospa wamran pï kashqanta y diablupa wamran pï kashqantapis.