1 Juan 3:21 - Tayta Diospa Wilakuynin

²¹ Kuyay wawqi panikuna, perdonashna kashqansita musyaykarnaqa mana mansapaypa Tayta Diosta manakushun.

1 Juan 3:21 Referans Kwoze

1 Juan 2:28

Kuyay wamräkuna, Jesucristupa makincho imaypis kawayay. Sayno kawarmi Jesucristo kutimuptin mana mansariypa y mana penqakuypa nawpancho kayankipaq.

Hebreos 4:16

Imaypis yanapämänansipaq kaykaptinqa kuyapäkuq Tayta Diosta mana mansapaypa manakushun. Payta manakurqa trönuncho paywan parlaykaqnömi kaykansi. Tayta Diosta manakushqaqa ima nakaycho kashqapis paymi kuyapämashpansi yanapämäshun.

2 Corintios 1:12

Qamkunata ni wakintapis mana lulapaypa y mana engañaypami kawaykäyä. Rasunpaypa sayno kayashqäta mana penqakuypami niyä. Sayno ali kawayänäpaq Tayta Diosmi imachöpis yanapaykäyäman.

1 Juan 5:14

Tayta Dios munashqanno kananpaq imatapis manakushqaqa wiyamashqansitami musyansi.

Salmo 101:2

Munashqaykinömi kawayta munaykä. ¡Imayraq shamuykunki yanapämänaykipaq! Mandashqä palaciüchöpis alita rurarmi kawashaq.

1 Juan 4:17

Saynöpami Tayta Dios munashqanno kuyanakunsi. Sayno kuyanakur kawar y Jesucristo kay pasacho kawashqanno kawarqa juiciu finalcho manami mansakushunsu.

Hebreos 10:22

lapan shonqunsiwan payman yärakur nawpanman yaykushun. Jusansikunata perdonamashqami shonqunsipis maylashna kaykan. Bautizakuptinsimi cuerpunsipis chuya yakuwan maylash kaykan.

Job 22:26

<

1 Corintios 4:4

Noqapa tantiyakuynïpitaqa Jesucristuta alimi sirviykä. Sayno kaptinpis manami ali sirvishqäta tantiyashqäpitasu Tayta Dios <> nimanqa, sinöqa ali sirvishqäta kikin tantiyarmi.

Job 27:6

Mana jusalikush karmi imapitapis penqaküsu. Saymi jusaynaq kashqäta imaypis parlaykäshaq.

1 Timoteo 2:8

Noqa munä maycho shuntakarpis mana rimanakuypa ni pitapis mana nanaparaypa wawqikuna makinkunata joqarkur Tayta Diosta manakuyänantami.

Romanos 14:22

Imatapis mikur mana jusalikuyashqaykita tantiyarqa mana wilakuylapa shonqulaykicho sararäyay. Mikuyänaykipaq ali kashqanta tantiyarqa kushishqami kayanki.

Efesios 3:12

Saymi Jesucristuman yärakur Tayta Diosta mana mansapaypana manakunsi.

1 Juan 2:7

Kuyay wamräkuna, jukniki juknikipis kuyanakuyanki. Kay mandamientu manami mushuq mandamientusu kaykan, saypa trukanqa unaypita pasa musyashqansi mandamientumi. Say mandamientuta maynami musyayanki.

1 Juan 3:2

Kuyay wawqi panikuna, Tayta Diospa wamran kashqansita kanan musyarpis manami musyansiraqsu imano kanansipaq kashqantapis. Sayno kaptinpis musyansimi Jesucristo kutimuptin paywan tinkur kikin niraqman tikranansipaq kashqanta.

1 Juan 3:20

Mana perdonamashqansita yarpashqapis payqa jusalikushqansipita lakikushqansita musyarmi perdonamansi.