1 Juan 3:12 - Tayta Diospa Wilakuynin

¹² Ama kashunsu Caínnöqa. Payqa diablu munashqanta rurarmi wawqin Abelta wanusirqan. ¿Imanirtaq wanusirqan? Kikin rurashqankuna mana ali kaptin y wawqin rurashqankuna ali kaptinmi wanusirqan.

1 Juan 3:12 Referans Kwoze

Hebreos 11:4

Abelpis Tayta Diosman yärakurmi wawqin Caínpita mas alinnin kaq sacrificiuta Tayta Diospaq rupasirqan. Abel rupasishqanta chaskirmi Tayta Dios musyasirqan ali runa kashqanta. Abel unayna ushakäkush kaykaptinpis rurashqanta kananyaqmi yarpansi.

Proverbios 29:27

Diosta cäsukuq runaqa jusalikuqkunawan manami talukansu. Jusalikuq runaqa ali runakunata fiyupami rabyapan.

Génesis 4:25

Adánpa warmin yapay qeshyaq rikakurmi olqu wamrata wacharqan. Yuriykuptinmi nirqan: <>.

Judas 1:11

¡Paykunaqa imajinanparaq nakayanqa! Caín wawqinta chikir wanusishqanno y Balaam qellaylapaq wachakash kashqannömi paykunapis kaykäyan. Moiséspa contran parlashqanpita Coré ushakashqannömi say lutan yachasikuqkunapis elaqpita ushakäyanqa.

Lucas 11:51

Abelta wanusishqanpita Zacaríasta templu punkucho wanusishqanyaqmi Diospa profëtankunata wanusiyarqan. Noqa kaynömi nï: Say wanusiq runakunatanömi kanan wisan Israel runakunata Tayta Dios juzganqa.

Mateo 23:35

Jusaynaq Abelta wanusishqanpita Berequíaspa surin Zacaríasta templu punkucho wanusishqanyaqmi kay pasacho lapan ali runakunata wanusiyashqanpita qamkuna jusayuq kaykäyanki.

Proverbios 29:10

Wanusikuq runaqa jusaynaq runakunata wanunayparaqmi chikin. Ali runami isanqa runa mayinta kuyapan.

1 Pedro 4:4

Nawpata kawayashqaykino manana kawayaptikimi yanasaykikuna mana tantiyakuyashpan manakaqman churayäshunki.

Hebreos 12:24

Saynölami Jesucristupa nawpancho kaykaqnöna kaykäyanki. Paymi wanurqan Tayta Dios mushuq pactuta rurar salvamänansipaq. Jesucristo yawarninta jichashqan manami Abel yawarninta jichashqannösu kaykan. Abel yawarninta jichar wanushqanqa wanusiq runa castigash kananpaqmi karqan. Jesucristo yawarninta jichar wanushqanmi isanqa perdonash kanansipaq kaykan.

Salmo 38:20

20 (21) Yanapaykaptïmi conträ sharkuykäyan. Alita ruraykaptïpis conträ kaykäyan.

Salmo 37:12

Yaqa runaqa ali runakunata wanunayparaqmi chikin. Imata ruraptinpis nanaq nawinpami rikapaykan.

1 Juan 3:8

Jusalikuyta mana kachariq kaqqa diablupa munayninchömi kaykan. Diabluqa kay pasa qalaykushqanpita pasami jusalikun. Diablu rurashqankunata ushakäsinanpaqmi Tayta Diospa Surin Jesucristo shamush.

Hechos 7:52

Lapan profëtakunatapis paykuna nakasiyarqanmi. Jusaynaq runa shamunanpaq kashqanta wilakuykäyaptinpis wanusiyarqanmi. Qamkunapis paykunanölami salvamaqninsi runata entregayashkanki wanusish kananpaq.

Juan 10:32

Saymi Jesús nirqan: <>

Mateo 27:23

Saymi Pilato tapurqan: <<¿Imatataq jusalikush?>> Sayno niptinpis runakuna masraqmi <<¡crucificasiy!>> niyarqan.

Mateo 13:38

Chakraqa intëru kay pasami kaykan. Trïguqa Tayta Dios mandaykashqancho kawaq runakunami kaykäyan. Ballicuqa Satanás munashqanno kawaq runakunami kaykäyan.

Mateo 13:19

Trïgu muruqa Tayta Dios mandaykashqanpa wilakuyninmi kaykan. Wakin runakunaqa chukru näninömi kaykan. Saymi Tayta Diospa wilakuyninta wiyarpis mana chaskikuyaptin Satanás shamur wiyayashlantapis qonqaykasin.

Apocalípsis 17:6

Saypita rikärishqächönami tantiyaskirqä Jesucristuman yärakuqkunata wanusir yawarninta upushqanwan say warmi shinkash kaykashqanta. Sayta rikaykur pasaypa mansarir manami ima ruraytapis kamäpakurqäsu.

1 Tesalonicenses 2:14

Wawqi panikuna, marka mayikikuna nakasiyäshushqaykinölami Judeacho kaykaq wawqi panikunatapis Israel runakuna nakaykäsiyan.

2 Samuel 13:22

Absalónpis wawqin Amnónta manami imatapis nirqansu, panin Tamarta violashqanpita pasaypa nanapararpis.

Proverbios 27:4

Rabyaq runaqa manami pitapis kuyapansu. Ajanaq runaqa kaqlantapis ushakäsinmi. Envidiösu runaqa rabyaq y ajanaq runapitapis peormi.

Mateo 5:37

Awnirqa awniyanki, y mana cumpliyänayki kaptinqa ama awniyankisu. Jurayparaq awnirqa Satanás munashqannömi parlaykäyanki.

Juan 8:40

Qamkunaqa Tayta Dios nimashqankunata wilapaptïmi wanusimayta munaykäyanki. Abraham manami imaypis yarparqansu Tayta Diospa wilakuqninta wanusiyta.

Juan 8:41

Qamkunaqa taytayki rurashqannömi ruraykäyanki>>. Sayno niptinmi niyarqan: <>.