1 Juan 2:15 - Tayta Diospa Wilakuynin

¹⁵ Diosta mana cäsukuq runakunanöqa ama kawayaysu. Paykunano kawarqa Tayta Diosta manami kuyaykäyankisu.

1 Juan 2:15 Referans Kwoze

Santiago 4:4

¡Mana wiyakuq jusasapa runakuna! ¿Manaku musyayanki mana alikunata rurar Tayta Diospa contran kayashqaykita? Pipis mana alikunata rurarqa Tayta Diospa contranmi kaykan.

Romanos 12:2

Wakin runakuna jusalikuyaptinpis qamkunaqa ama jusalikuyaysu. Yarpaynikikunapis nawpata kashqannöqa ama kasunsu, sinöqa Tayta Dios munashqannöna kasun. Sayno kawarmi tantiyayanki pay munashqanno kawayqa maypis kushikuypaq kashqanta.

Mateo 6:24

<

Lucas 16:13

<>.

Juan 15:19

Jusalikur kawayaptikiqa Diosta mana cäsukuq runakuna kuyayäshunkimanmi. Tayta Dios munashqanno kawayaptikimi chikiyäshunki. Pay munashqanno kawayänaykipaqmi qamkunata akrashkä.

1 Juan 3:17

Kaykäpamash runa mayinsi muchuycho kaykaptin mana yanaparqa manami Tayta Dios kuyakuq kashqannösu kuyakuq kansi.

1 Timoteo 6:10

Qellaylapaq wachakash kaqkunaqa imaykaläya jusatami jusalikuyan. Wakin wawqi panikunapis rïcuyaylapaq yarpachakurmi Jesucristuman yärakuyannasu. Nirkurmi imayka tuksikushnöraq fiyupa nakaykäyan.

Gálatas 1:10

Sayno nishpä ¿runakuna alabayämänantasuraq ashiykä? ¿Runakunapita ali rikash kaytasuraq munaykä? Noqa manami runakuna alabayämänanpaqsu yachaykäsï, saypa trukanqa Tayta Dios: <> nimänanpaqmi. Runakuna alabayämänan raykula yachasirqa manami Jesucristupa sirviqninsu käman.

1 Juan 4:5

Paykunaqa Diospa wamran mana karmi yarpaylanpita yachaykäsiyan. Saymi paykunataqa Diosta mana cäsukuq runakunala chaskipäyan.

Efesios 2:2

Wakin runakunanölami Tayta Diosta mana cäsukur Satanáspa makincho kawayarqayki.

1 Juan 5:10

Jesucristo Diospa Surin kashqanta criyiq kaqqa Tayta Dios tantiyasishqanta criyinmi. Jesucristo Diospa Surin kashqanta mana criyiq kaqmi isanqa Tayta Dios tantiyasishqantapis criyinsu. Mana criyirmi Tayta Diosta manakaqman churan.

Mateo 4:8

Saypitanami altunnin jirkaman diablu pushaykur maysay nacionkunata y riquëzankunata rikaskasir

Santiago 1:27

Tayta Diosman rasunpaypa yärakurqa waksakunata y viüdakunatapis nisidächo kayaptin yanapäyanki. Wakinkuna jusalikur kawayaptinpis noqansiqa ama jusalikushunsu.