1 Juan 1:7 - Tayta Diospa Wilakuynin

⁷ Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

1 Juan 1:7 Referans Kwoze

Efesios 5:8

Nawpataqa qamkunapis jusalikuyashpayki sakaqcho kaykaqnömi kawayarqayki. Kananmi isanqa Jesucristuta chaskikur asikyaqchöna kawaykäyanki. Sayno kaykarnaqa Tayta Dios munashqanno waran waran kawayay.

Apocalípsis 1:5

Jesucristupis ali kawayänaykipaq qamkunata yanapaykuyäläshunki. Paymi Tayta Dios munashqannöla wilakuyninta wilakush y wanushkunapita puntata kawarimush. Kay pasacho lapan reykunapitapis mas munayyuqmi kaykan. Paymi kuyamashpansi yawarninta jichar lapan jusansita maylamashkansi.

Romanos 13:12

Pasa waränanpaqnöna kaykaptinqa jusalikuykunata kacharir Tayta Dios munashqannöna kawanansipaq shumaq yarpachakushun. Sakäpakushno kawanansipa trukanqa aksichönöna kawashun. Espädan kamarikush soldädu kaykaqno noqansipis kaykäshun.

Efesios 1:7

Kuyapäkuq karmi Surinpa yawarninwan rantimashpansi lapan jusansikunata perdonamashkansi.

Hebreos 9:14

Jesucristo yawarninta cruzcho jichash kaptin manami janalansipasu purificash kaykansi, sinöqa manakaqkunata rurashqansipita shonqunsipis purificashnami kaykan. Sayno purificash karmi imayyaqpis kawaq Tayta Diosta sirvinsi. Jesucristuqa Espíritu Santupa munayninwan Tayta Dios munashqan sacrificiuno kar noqansi rayku wanuptinmi sayno purificash kaykansi.

Apocalípsis 7:14

Sayno nimaptinmi nirqä: <>. Sayno niptïmi nimarqan: <

1 Juan 1:5

Jesucristo yachasiyämashlantami wilayä: Tayta Diosqa aksimi. Paycho manami ima sakaypis kansu.

1 Corintios 6:11

Qamkunapis wakinnikiqa nawpata saynömi jusalikur kawayarqayki. Kananmi isanqa Señor Jesucristupa jutincho Diosninsipa Espïritunwan jusaykikunapita maylashna kaykäyanki, santuna kaykäyanki y jusaynaqna kaykäyanki.

1 Pedro 1:19

sinöqa Jesucristupa seqaypa väliq yawarninwanmi. Sänu carnita sacrificiupaq pishtayaptin yawarninta jichashqannömi Jesucristupis noqansi rayku yawarninta jichash.

Juan 12:35

Sayno niyaptinmi Jesús nirqan: <

1 Juan 5:6

Jesucristo Diospa Surin kashqanta musyansi bautizakushqan höra wamran kashqanta Tayta Dios nimush kaptin y yawarninta jichar wanush kaptinmi. Manami bautizakuptin Tayta Dios nimush kalaptinsu musyansi, saypa trukanqa yawarninta jichar wanush kaptinmi. Saynöpis Diospa Surin kashqanta musyansi Espíritu Santu tantiyasimashqami. Espíritu Santu tantiyasimashqansiqa rasun kaqmi kaykan.

1 Juan 1:3

Rikayashqäta y wiyayashqätami qamkunata musyaykäsiyä. Saynöpami Tayta Diospa y Surin Jesucristupa nawpancho kawayashqäno qamkunapis paypa nawpancho kawayankipaq.

Salmo 89:15

15 (16) Kushishqami kawayanqa alabashuqnikikuna. Tayta Dios, paykunaqa nawpaykichömi kawayan.

Salmo 56:13

13 (14) Wanusiyämänanpaq kaykaptinmi salvamashkanki. Nawpaykicho kawanäpaqmi makinkunapita qeshpisimashkanki. Saymi asikyaqchöno kushish kawaykä.

Zacarías 13:1

<>.

Isaías 2:5

Jacobpita miraq runakuna, shayämuy. Tayta Dios nimashqansita cäsukur kawashun.

Apocalípsis 12:11

Tayta Diosman yärakuqkunami payta vinciyarqan yawarninta Carnish jichar wanushqanpita y Tayta Diospa wilakuynin nishqanno kawayashpan. Manami wanuytapis mansariyarqansu. Saypa trukanqa listumi kayarqan Carnishman yärakuyashqanpita wanuyänanpaqpis.

1 Timoteo 6:16

Pay japalanmi imayyaqpis kawaq kaykan y seqaypa chipipiykaqchömi kaykanpis. Payta manami pipis rikashsu ni rikaytapis kamäpakunsu. ¡Lapan runakuna imayyaqpis payta alabaykuyäläsun! ¡Paypa makincho imayyaqpis kaykuyäläsun! Amén.

Salmo 97:11

Saymi ali runakunaqa aksichöno ali kawayan. Dios munashqanno kawaq runakunaqa kushikuyanmi.

1 Juan 5:8

Saynölami kay pasachöpis kimsa testïgukuna musyasimansi.] Say testïgukuna kaykäyan Espíritu Santu, Jesucristo bautizakushqan y wanur yawarninta jichashqanmi. Say kimsa testïgukuna saylatami musyasimansi.

Santiago 1:17

Lapan alikunata chaskiyashqaykiqa asikyaqkunata kamaq Taytansipitami kaykan. Payqa manami lantuy päsaqnösu, sinöqa imaypis kashlanmi kaykan.

Juan 1:29

Saypita waraynin junaq Jesús shamuykaqta rikaskirmi Juan nirqan: <<¡Tayta Dios kachamushqan Carnishmi pay kaykan! Paymi runakunata jusankunapita perdonanqa.

3 Juan 1:4

Tayta Dios munashqanno wamräkuna kawaykäyashqanta musyarmi selläma kushikü.

Salmo 104:2

Chipipiynikiwanmi mödanawannöpis sapakunki. Jatun säbanastanömi jana pasatapis mashtamushkanki.

2 Juan 1:4

Wakin wamraykikuna Tayta Diospa mandamientun nishqanno kawaykäyashqanta rikarmi fiyupa kushikushkä.

Amós 3:3

Maypa iläyänanpaqpis ilaq mayinwan puntata wilanakunraqmi.

Salmo 51:2

2 (4) Lutanta rurashqäpita maylaykalämay. Jusalikushqäpita perdonaykalämay.

Isaías 6:7

Say shanshata shimïman töpaykasirmi nimarqan: <>.

Isaías 33:24

Sióncho taqkunataqa lapan jusalikuyashqantami Tayta Dios perdonanqa. Saycho taq runaqa manami mayqanpis <> ninqasu.

Mateo 6:12

Chikimaqnïkunata perdonayashqäno noqakunatapis perdonaykayälämay.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Juan 5:4

Saychömi jana pasapita ángel unaylata unaylata urämur yakuta kuyusiq. Yakuta kuyurkasiptinnami mayqan qeshyaqpis yakuman puntata yaykuq kaqqa aliyashna yarqamuq.]