1 Juan 1:3 - Tayta Diospa Wilakuynin

³ Rikayashqäta y wiyayashqätami qamkunata musyaykäsiyä. Saynöpami Tayta Diospa y Surin Jesucristupa nawpancho kawayashqäno qamkunapis paypa nawpancho kawayankipaq.

1 Juan 1:3 Referans Kwoze

1 Corintios 1:9

Tayta Diosqa promitishqanta imaypis cumplinmi. Paymi Surin Señorninsi Jesucristuwan juklaylano kawayänaykipaq qayayäshushkanki.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

Hechos 4:20

Rikayashqäta y wiyayashqätaqa mana upälakuypami imaypis wilakuyäshaq>>.

Juan 17:21

Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.

Filipenses 2:1

Jesucristupa makincho kar alimi kawaykansi. Pay kuyamashqami kushish kawaykansi. Espíritu Santupis noqansiwanmi imaypis kaykan. Tayta Diosmi tantiyaykäsimansi wamayänakur y kuyanakur kawanansipaq.

2 Corintios 13:14

Señor Jesucristo, Tayta Dios y Espíritu Santu imaypis kuyapaykuyäläshunki. [Amén.]

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

1 Juan 1:1

Kawasikuq Palabrapitami qamkunaman qelqamü. Paymi imapis manaraq kaptin mayna kaykarqan. Paytami rikayashkä, yatayashkä y wiyayashkä.

Hebreos 3:14

Wanushqansiyaq Tayta Diosman yärakur pay munashqanno kawashpansimi Jesucristo herenciata chaskishqanno noqansipis herenciata chaskishun.

Filipenses 3:10

Jesucristuta masmi reqiyta munä. Payta Tayta Dios munayninwan kawarisimushqanno noqatapis say munayninwan yanapämänantami munä. Saymi Jesucristo nakashqanno nakarpis y payta wanusiyashqanno wanusiyämaptinpis pay cäsukushqanno noqapis cäsukushaq.

1 Pedro 5:1

Mayor wawqikuna, noqapis qamkunano mayor wawqimi kaykä. Saynöpis Jesucristo nakashqankunata kikïmi rikashkä. Jesucristo kutimur lapansitami shuntamäshun. Saymi qamkunata kayno yäsï:

Hebreos 3:1

Wawqi panikuna, gloriaman chäyänaykipaq Tayta Dios qayaykäyäshuptikiqa chaskikushqansi Jesucristo pï kashqantapis shumaq tantiyakuyay. Paymi apostolninsi y mandaq cüransi kaykan.

Colosenses 1:13

Satanáspa munayninpita jorqarkamashpansimi kuyashqan Surin Jesucristo mandaykashqanmanna Tayta Dios churamashkansi.

1 Juan 1:5

Jesucristo yachasiyämashlantami wilayä: Tayta Diosqa aksimi. Paycho manami ima sakaypis kansu.

Hebreos 2:12

Tayta Diospa palabranchöpis Jesucristo kaynömi nikan: <>.

1 Timoteo 6:2

Patronnin yärakuq mayin kaptinpis ama yarpäyäsunsu mana respitayänanpaq kashqanta, saypa trukanqa yärakuq mayin kaptin masraq respitayäsun. Ashmaykuna sayno kayänanpaq shumaq yachasiy.

Filipenses 1:7

Qamkunapaq yarpararmi sayno nï. Jesucristupa wilakuyninta wilakur puriptïpis o prësu kaykaptïpis qamkunami yanapäyämashkanki.

Efesios 3:6

Say wilakuy kaynömi nikan: Tayta Diospa ali wilakuyninta chaskikurmi mana Israel runakunapis salvacionta tariyanqa. Saymi Israel runakunata Tayta Dios promitishqankunata paykunapis chaskiyanqa. Saynöpami lapansipis say ayllunölana kaykansi.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

1 Tesalonicenses 1:10

Saynöpis musyaykäyanmi Tayta Diospa Surin Jesucristo gloriapita kutimuqta shuyakuykäyashqaykita. Paytami Tayta Dios wanushqanpita kawarisimush. Paymi juiciu final junaqcho castïgupita salvamäshun.

1 Corintios 15:1

Wawqi panikuna, Jesucristupa wilakuyninta wilapashqäta yarpäyay. Wilapashqäta chaskikurmi Tayta Diosman yärakuykäyanki.

Romanos 15:27

Ofrendata shuntar alitami rurayash. Paykunapis Jesucristupa wilakuyninta Jerusalénpita qalaykur wilapäyaptinmi chaskikuyash. Wilapäyashqanpita kushikuyashpanmi ofrendata shuntayash Jerusaléncho kaykaq muchuq wawqi panikunaman apanäpaq.

Hechos 13:41

Paykuna qelqayashqanmi nikan: << >>.

Hechos 13:32

<

Hechos 2:42

Paykunami imaypis shuntakäyaq apostolkuna yachasiyashqankunata yachakuyänanpaq, shakyäsinakuyänanpaq, Santa Cënata upuyänanpaq y Tayta Diosta manakuyänanpaqpis.

Juan 17:25

<

Juan 17:11

Kay pasapita qam kaqman kutimuptïpis paykunaqa kay pasachöraqmi kaykäyanqa. Santu Tayta Dios, noqansi juklayla kashqansino paykunapis juklaylano kayänanpaq rikaykulay.

Salmo 22:22

22 (23) Salvakuq kashqaykipitami wawqïkunata wilapäshaq. Paykunawan shuntakaykurmi alabashayki.

Isaías 66:19

Munayyuq kashqäta rikayänanpaqmi saycho señalta rurashaq. <

Salmo 2:7

Tayta Diosmi nimash: <

Juan 19:35

Lapan saykunatami rikarqä. Saymi imano kashqantapis qelqaykä salvamaqninsi Cristo kashqanta qamkunapis criyiyänaykipaq. Lapan qelqashqäkuna rasun kaqmi kaykan.

2 Pedro 1:16

Señor Jesucristo munayyuq kashqanta y kutimunanpaq kashqanta manami yarpayläpitasu yachaykäsï, saypa trukanqa chipipiykaqta kikï rikash karmi sayno yachaykäsï.

Números 10:32

Noqakunawan aywaptikiqa Tayta Dios kamaripämashqansita rakipänakushunmi>>.

Job 13:1

<