1 Juan 1:2 - Tayta Diospa Wilakuynin

² Say Kawasikuqta Tayta Dios kachamuptinmi payta rikayarqä. Saymi qamkunata wilayä mana ushakaq kawayta qaramaqninsi kashqanta. Paymi Tayta Dioswan kaykashqanpita noqansiman shamush.

1 Juan 1:2 Referans Kwoze

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.

Juan 1:4

Paychömi mana ushakaq kaway kaykan. Say kawaymi runakunapaq aksi kaykan.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

1 Juan 5:11

Mana ushakaq kawayta qomashqansitami Tayta Dios tantiyasimashkansi. Say kawaytaqa tarinsi Surin Jesucristuta chaskikurmi.

1 Juan 3:8

Jusalikuyta mana kachariq kaqqa diablupa munayninchömi kaykan. Diabluqa kay pasa qalaykushqanpita pasami jusalikun. Diablu rurashqankunata ushakäsinanpaqmi Tayta Diospa Surin Jesucristo shamush.

Tito 1:2

Tayta Dios kay pasata manaraq kamar promitishqannölami pay akrashqan kaqkuna gloriacho imayyaqpis kawayanqa. Tayta Diosqa manami lulakunsu, sinöqa promitishqanta imaypis cumplinmi.

Juan 14:6

Saymi Jesús nirqan: <

1 Juan 3:5

Musyansimi jusaynaq kanansipaq Jesucristo kay pasaman shamushqanta. Payqa manami imaypis jusalikushsu.

2 Timoteo 1:10

Kuyapämashqansita musyasimashkansi salvamaqninsi Jesucristuta kay pasaman kachamurmi. Paymi wilakuynincho nishqanno wanuyta vinciskir mana ushakaq kawayta qomashkansi.

Gálatas 4:4

Promitishqan tiempu chämuptinnami Tayta Dios Surinta kachamurqan. Paymi noqansino yurir say leykunapa munaynincho karqan.

Juan 15:27

Saynölami qamkunapis qalaykunanpita pasa noqawan purish kar noqapita musyasiyanki.

Hechos 3:15

Saynöpami mana ushakaq kawayta qomaqninsita wanusiyashkanki. Paytami Tayta Dios kawarisimush. Kawarirkamur yuripäyämaptinmi noqakuna rikayashkä.

1 Pedro 5:1

Mayor wawqikuna, noqapis qamkunano mayor wawqimi kaykä. Saynöpis Jesucristo nakashqankunata kikïmi rikashkä. Jesucristo kutimur lapansitami shuntamäshun. Saymi qamkunata kayno yäsï:

Romanos 8:3

Jusalikuypa munaynincho kaptinsimi Tayta Diospa leyninkuna salvamarqansisu. Sayno kaptinmi Surin Jesucristuta Tayta Dios kachamurqan noqansino runa kananpaq. Paymi sacrificiupaq apayashqan uywano noqansi rayku wanurqan. Saynöpami Tayta Dios salvamashkansi jusalikuypa munaynincho kashqansipita.

Hechos 10:41

Saytaqa manami lapan runakunasu payta rikayash, sinöqa nawpapita pasa Tayta Dios akrashqan kaqkunalami. Saymi kawarimuptin paywan juntu mikur upur kayashkä.

Hechos 5:32

Saytami noqakunapis musyasiyä y Espíritu Santupis runakunata musyasin. Payta wiyakuqkunamanmi Espíritu Santuta Tayta Dios kachamush>>.

Hechos 2:32

<

Hechos 1:22

Saynöpis Jesústa Juan bautizashqanpita pasa jana pasaman kutikushqanyaq qatiraq kasun. Say runata churashun noqakunano apóstol kar Jesús kawarimushqanta wilakur purinanpaq>>.

Juan 21:14

Saycho yuripashqanwanqa kawarimushqanpita kimsa kutinami discïpulunkunata Jesús yuriparqan.

Juan 17:5

Papä, kay pasa manaraq kaptin nawpaykicho munayyuq kashqäno kananpis munayyuq kanäpaq pushakalämayna.

Juan 16:28

Taytä kaqpita kay pasaman shamush karmi Taytä kaqman kutikushaq>>.

Juan 8:38

Taytäpa nawpancho rikashqäkunatami wilapaykä. Qamkunapis taytayki yachasiyäshushqaykitami ruraykäyanki>>.

Juan 7:29

Pay kachamash kaptinmi noqa reqï>>.

Juan 3:13

<

Juan 1:18

Manami pipis Tayta Diosta imaypis rikashsu. Juklayla Surinmi isanqa, Dios kar y Tayta Dioswan juklayla kar, Tayta Diospita musyasimashkansi.

1 Juan 1:1

Kawasikuq Palabrapitami qamkunaman qelqamü. Paymi imapis manaraq kaptin mayna kaykarqan. Paytami rikayashkä, yatayashkä y wiyayashkä.

Juan 10:28

Mana ushakaq kawaytami paykunata qoykushaq. Saymi imaypis ushakäyanqasu. Paykunata makïpita manami pipis qechumanqasu.

Juan 19:35

Lapan saykunatami rikarqä. Saymi imano kashqantapis qelqaykä salvamaqninsi Cristo kashqanta qamkunapis criyiyänaykipaq. Lapan qelqashqäkuna rasun kaqmi kaykan.

1 Juan 2:25

Paymi promitimashkansi gloriacho imayyaqpis kawanansipaq.

1 Juan 4:2

Tayta Diospa wilakuqnin karqa Jesucristo kay pasaman shamur rasunpaypa runa kashqantami yachasin.

1 Juan 4:14

Saynöpis kikïkunami rikayashkä Diospa Surin Jesucristo kay pasacho kaykaqta. Saymi wilakuyä runakunata salvananpaq Tayta Dios payta kachamushqanta.

1 Juan 5:13

Tayta Diospa Surinman yärakuyaptikimi kay cartata apaykäsimü mana ushakaq kawayta tariyashqaykita musyayänaykipaq.