1 Corintios 6:2 - Tayta Diospa Wilakuynin

² ¿Manaku musyayanki Jesucristuta mana yärakuq runakunata juzganansipaq Tayta Dios churamänansipaq kashqanta? Sayno kaykaptinqa imapis kaptin ¿imanirtaq kikikipura arreglayankisu?

1 Corintios 6:2 Referans Kwoze

Mateo 19:28

Sayno niptinmi Jesús nirqan: <

Lucas 22:30

Sayno churaptïmi mandaykashqächo noqawan mikuyanki y upuyanki. Saynöpis trönucho jamayanki chunka ishkay trïbu Israel runakunata mandayänaykipaq>>.

Daniel 7:22

Sayno vincirqan imaypis kawaq Awkin shamur kuyashqan runakunapa favornin sharkushqanyaqmi. Favornin sharkuptinnami Tayta Dios mandaykashqanta chaskikuyarqan.

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 3:21

Imano nakarpis mana ajayaypa yärakamuqkunataqa noqawan mandaq kayänanpaqmi churashaq. Satanásta vincishqäpitami noqatapis Taytä churamash paywan imayyaqpis mandaq kanäpaq.

Daniel 7:18

Saypitanami munayyuq Tayta Diosman yärakuqkuna pay mandaykashqanta chaskiyanqa. Say mandashqanchömi imayyaqpis mana ushakaypa paykuna kayanqa>.

2 Corintios 4:18

Manami kay pasacho kawanalansipaqsu yarpachakunsi, sinöqa gloriacho kawanansipaqmi. Kay pasacho kawayqa ushakaqlami kaykan. Gloriacho kawaymi isanqa mana ushakaq kaykan.

1 Corintios 6:4

Mayqan yärakuq mayikiwanpis rimanakuyashpayki ¿imanirtaq Jesucristuman mana yärakuq autoridäkunamanraq aywaykäyanki?

Salmo 49:14

14 (15) Pishtananpaq uyshata apaqnömi say runakunataqa wanuy apaykan. Wanuqkuna kaykäyashqan kaqmanmi apaykan saycho ushakäyänanpaq. Paykunapa wayinqa sepultüralami kanqa. Wanuskiyaptinqa ali runakuna kushikuyanqami.

1 Tesalonicenses 3:13

Saynöpis yanapaykuyäläshunki lapan shonquykikunawan yärakur pay munashqanno kawayänaykipaq. Saynöpami salvashqan runakunawan Señorninsi Jesucristo kutimuptin Papäninsi Tayta Diospa nawpancho jusaynaq kayanki.

Zacarías 14:5

Say raqra Azal partiyaq chaptinmi qamkunaqa say jatunkaray raqrapa qeshpiyankipaq. Judá nacionpa mandaqnin rey Uzías kashqan wisan terremötu kaptin unay aylluykikuna qeshpiyashqannömi qamkunapis qeshpiyankipaq. Say hörami santu angilninkunawan Tayta Dios shamunqa.

Romanos 6:16

Jusalikular kawashqaqa jusalikuymi patronninsi rikakun. Ashmayninta lapan munashqanta patrón rurasishqannömi jusalikuypis patronninsi kar munashqanta rurasimansi. Sayno kawarqa castïgumanmi aywaykansi. Patronninsi Tayta Dios kaptinmi isanqa salvakunsi.

1 Corintios 1:20

Sayno kaptinqa yachaqkuna yachayashqanpis ¿imapaqtaq välin? Ley yachasiqkuna yachayashqanpis ¿imapaqtaq välin? Kay pasacho yachaqkuna apänakushqanpis ¿imapaqtaq välin? Jesucristuta mana chaskikuq runakuna yachayashqanpis Tayta Diospaq manakaqlami kaykan.

1 Corintios 1:21

Paymi yachaq kar kamakäsirqan runakuna yachaq kayninwan payta mana reqiyänanpaq. Saymi wilakuynin manakaq kashqanta yarpäyaptinpis wilakuyninta chaskikuqkunataraq salvan.