1 Corintios 1:25 - Tayta Diospa Wilakuynin

²⁵ Saymi wilakuyashqä upa runakunalapaq kashqanta yarpäyaptinpis yachaq runakunapa yarpayninpita mas ali kaykan. Saynömi Jesucristo cruzcho wanushqanta manakaqman churayaptinpis payman yärakuqkunataqa Tayta Dios munayninwan salvaykan.

1 Corintios 1:25 Referans Kwoze

1 Corintios 1:18

Jesucristo cruzcho wanushqanta wilakuptïmi infiernuman qaykush kayänanpaq kaqkunaqa niyan manakaqkunata wilakushqäta. Sayno niyaptinpis salvash kaqkunapaqqa say wilakuy Tayta Diospa poderninmi kaykan.

2 Corintios 13:4

Munayniynaq runano cruzcho wanuptinpis Tayta Diosmi munayninwan payta kawarisimush. Saynölami noqakunapis Jesucristuman yärakur kikiläkunapitaqa munayniynaq kaykarpis Tayta Diospa munayninwan qamkunata corrigiyäshayki.

Éxodo 13:17

Tayta Dios musyarqanmi filisteo runakuna atacayaptin Israel runakuna mansarir Egiptuman kutikuyänanpaq kashqanta. Saymi Israel runakunata Egiptupita Faraón kachariptin filisteo runakunapa nacionninman aywaq nänipa, cerca kaykaptinpis, Tayta Dios pusharqansu.

1 Corintios 1:21

Paymi yachaq kar kamakäsirqan runakuna yachaq kayninwan payta mana reqiyänanpaq. Saymi wilakuynin manakaq kashqanta yarpäyaptinpis wilakuyninta chaskikuqkunataraq salvan.

1 Corintios 2:14

Espíritu Santuta mana chaskikuqkunaqa paypa yarpayninkunata manami chaskiyansu. Paykunapaqqa upa yarpaylami kaykan. Espíritu Santu mana tantiyasiptinmi tantiyayta kamäpakuyansu.

1 Corintios 4:10

Qamkunaqa Jesucristuta sirvir aläpa yachaq y tantiyaq kayashqaykitami nikäyanki. Noqakunatami isanqa Jesucristuta sirviyaptï upatano rikayäman. Qamkunaqa puëdiq kayashqaykitami nikäyanki. Noqakunatami isanqa imatapis rurayta mana puëdiqtano rikayäman. Qamkunataqa alimi rikayäshunki. Noqakunatami isanqa mana väliq runakunatano rikayäman.