1 Corintios 1:23 - Tayta Diospa Wilakuynin

²³ Sayno munayaptinpis noqakunaqa Jesucristo noqansi rayku cruzcho wanushqantami wilakuyä. Sayno wilakuyaptïmi Israel runakuna rabyakuyan. Mana Israel runakunanami manakaqkunata wilakuyashqäta yarpäyan.

1 Corintios 1:23 Referans Kwoze

1 Corintios 2:14

Espíritu Santuta mana chaskikuqkunaqa paypa yarpayninkunata manami chaskiyansu. Paykunapaqqa upa yarpaylami kaykan. Espíritu Santu mana tantiyasiptinmi tantiyayta kamäpakuyansu.

1 Pedro 2:8

Mastapis kaynömi nikan: <>. Jesucristuman mana yärakuqkunaqa Tayta Diospa palabranta mana cäsukurmi say rumicho takakaqno kaykäyan. Sayno kayänanpaqmi destinash kayarqan.

1 Corintios 2:2

Sayno yachasinäpa trukanqa Jesucristo noqansi rayku cruzcho wanushlantami yachasirqä.

Gálatas 5:11

Wawqi panikuna, señalakuyänanpaq yachasiptïqa manami qatikachaykäyämanmansu ni Jesucristo noqansi rayku cruzcho wanushqanta wilakushqäpita chikiykäyämanmansu.

1 Corintios 1:18

Jesucristo cruzcho wanushqanta wilakuptïmi infiernuman qaykush kayänanpaq kaqkunaqa niyan manakaqkunata wilakushqäta. Sayno niyaptinpis salvash kaqkunapaqqa say wilakuy Tayta Diospa poderninmi kaykan.

Lucas 2:34

Nirkurmi Tayta Diosta Simeón manakurqan bendicionninta paykunaman churamunanpaq. Jesúspa maman Maríatami nirqan: <

Gálatas 6:14

Noqaqa manami imapitapis alabaküsu. Alabakunäpa trukanqa Señor Jesucristo noqansi rayku cruzcho wanushqanpitami kushikü. Cruzcho wanush kaptinmi kay mundu noqapaq crucificashnöna kaykan y noqapis kay mundupaq crucificashnöna kaykä.

Mateo 13:57

Sayno nirmi Jesús yachasishqankunata chaskikuyarqansu. Saymi Jesús nirqan: <>.

Mateo 11:6

Yarpäyashqanno mana ruraptïpis mana ajayaypa noqaman yärakamaq runaqa kushishqami kawanqa>>.

Efesios 3:8

Tayta Diosman lapan yärakuqkunapita mana väliqnin kaykaptïpis Tayta Diosmi kuyamar churamash Jesucristupa ali wilakuyninta mana Israel runakunaman chäsinäpaq. Say ali wilakuymanqa manami ima riquëzapis tinkunsu.

Gálatas 3:1

¡Mana tantiyakuq Galacia runakuna! Noqansi rayku Jesucristo cruzcho wanushqanta shumaqmi tantiyayarqayki. Sayno kaykaptinqa ¿pitaq kuchipa tulunta amupaykuyäshushkanki [lutan yachasikuyta chaskikuyänaykipaq]?

2 Corintios 4:5

Manami noqakunapa munaynïcho kawayänaykipaqsu wilakuyä, sinöqa Señor Jesucristupa munaynincho kawayänaykipaqmi. Noqakunaqa Jesucristuta sirvir qamkunapa ashmaynikinölami kaykäyä.

1 Corintios 1:28

Manakaqman churayashqan runakunata salvananpaq Tayta Dios sayno akraptinmi musyansi pipis yachaq kayninpaqa ni munayyuq kayninpaqa mana salvakunanpaq kashqanta.

1 Corintios 1:21

Paymi yachaq kar kamakäsirqan runakuna yachaq kayninwan payta mana reqiyänanpaq. Saymi wilakuynin manakaq kashqanta yarpäyaptinpis wilakuyninta chaskikuqkunataraq salvan.

1 Corintios 4:10

Qamkunaqa Jesucristuta sirvir aläpa yachaq y tantiyaq kayashqaykitami nikäyanki. Noqakunatami isanqa Jesucristuta sirviyaptï upatano rikayäman. Qamkunaqa puëdiq kayashqaykitami nikäyanki. Noqakunatami isanqa imatapis rurayta mana puëdiqtano rikayäman. Qamkunataqa alimi rikayäshunki. Noqakunatami isanqa mana väliq runakunatano rikayäman.

Hebreos 12:2

Salvamaqninsi y tantiyasimaqninsi Jesucristo imano kawashqantapis tantiyakushun. Paymi runakunata salvar kushikunanpaq kashqanta musyashpan penqayta jitaykur cruzcho wanurqan. Saymi kananqa Tayta Diospa trönun aluq kaq nawpancho jamaraykan.