1 Corintios 1:18 - Tayta Diospa Wilakuynin

¹⁸ Jesucristo cruzcho wanushqanta wilakuptïmi infiernuman qaykush kayänanpaq kaqkunaqa niyan manakaqkunata wilakushqäta. Sayno niyaptinpis salvash kaqkunapaqqa say wilakuy Tayta Diospa poderninmi kaykan.

1 Corintios 1:18 Referans Kwoze

1 Corintios 2:14

Espíritu Santuta mana chaskikuqkunaqa paypa yarpayninkunata manami chaskiyansu. Paykunapaqqa upa yarpaylami kaykan. Espíritu Santu mana tantiyasiptinmi tantiyayta kamäpakuyansu.

Romanos 1:16

Noqa manami penqaküsu Tayta Diospa ali wilakuyninta wilakur. Say wilakuyqa Tayta Diospa poderninmi kaykan lapan chaskikuqkunata salvananpaq. Puntataqa Israel runakunatami musyasirqan y saypitanami mana Israel runakunatapis musyasirqan.

2 Tesalonicenses 2:10

Saynöpami infiernuman qaykush kayänanpaq destinash kaqkunata engañanqa. Paykunaqa Jesucristupa wilakuyninta mana chaskikurmi salvakuyanqasu.

2 Corintios 4:3

Sayno kaptinpis infiernuman qaykush kayänanpaq kaqkunaqa wilakuyashqäta manami chaskikuyansu.

1 Corintios 1:21

Paymi yachaq kar kamakäsirqan runakuna yachaq kayninwan payta mana reqiyänanpaq. Saymi wilakuynin manakaq kashqanta yarpäyaptinpis wilakuyninta chaskikuqkunataraq salvan.

1 Corintios 3:19

Diosta mana chaskikuq runakuna yachaq kayashqanqa Tayta Diospaq manakaqlami kaykan. Palabranchöpis kaynömi qelqaraykan: <>.

1 Tesalonicenses 1:5

Sayta musyayä ali wilakuyninta Espíritu Santupa poderninwan wilapaptï chaskikuyaptikimi. Qamkunapis musyayankimi kuyayashqäta y Tayta Dios munashqanno kawayashqätapis.

1 Corintios 2:2

Sayno yachasinäpa trukanqa Jesucristo noqansi rayku cruzcho wanushlantami yachasirqä.

Hechos 13:41

Paykuna qelqayashqanmi nikan: << >>.

Hebreos 4:12

Tayta Diospa palabran kawaq karmi munayyuq kaykan. Ishkan waqtanpa ali afilash espädapitapis mas fïlu karmi shonqunsimanpis, yarpayninsimanpis y toqshunsimanpis chaykun imano kashqansitapis tantiyasimänansipaq.

2 Corintios 10:4

Noqakunapa armäkunaqa manami runakuna manijayashqan armakunasu kaykäyan, saypa trukanqa Tayta Dios kamaripäyämashqan armakunami. Say armakunawanmi contrankunata ushakäsiq soldäduno kaykä.

1 Corintios 15:2

Say wilapashqäno kawarqa salvakuyankimi. Sayno mana kawarqa walälapaqmi chaskikuyashkanki.

Hechos 17:32

Wanushqanpita kawarimushqanta Pablo niptinmi wakin runakuna asipäyarqan. Wakin runakunanami niyarqan: <>.

Hechos 17:18

Saychömi Epicúreo y Estoico nishqan yachaq runakunawanpis wilanakuyaq. Jesúspita wilapaptin y wanushkuna kawariyämunanpaq kashqanta wilapaptinmi wakin runakuna niyarqan: <> Y wakinnami niyarqan: <>.

Hechos 2:47

Paykunaqa imaypis Tayta Diostami alabayaq. Lapan runakunami paykunata respitayaq. Wakintapis Señorninsi salvaptinmi waran waran askayäyarqan.

1 Corintios 4:10

Qamkunaqa Jesucristuta sirvir aläpa yachaq y tantiyaq kayashqaykitami nikäyanki. Noqakunatami isanqa Jesucristuta sirviyaptï upatano rikayäman. Qamkunaqa puëdiq kayashqaykitami nikäyanki. Noqakunatami isanqa imatapis rurayta mana puëdiqtano rikayäman. Qamkunataqa alimi rikayäshunki. Noqakunatami isanqa mana väliq runakunatano rikayäman.

Hebreos 12:2

Salvamaqninsi y tantiyasimaqninsi Jesucristo imano kawashqantapis tantiyakushun. Paymi runakunata salvar kushikunanpaq kashqanta musyashpan penqayta jitaykur cruzcho wanurqan. Saymi kananqa Tayta Diospa trönun aluq kaq nawpancho jamaraykan.