Ucab Tzijobelil 1:4 - Quiché Bible

⁴ U c'amom chi c'u bic ri David ri u caxa ri Dios kas pa Quiriat-jearim c'ä pa ri c'olbal ri u suc'umam che, xuwoc c'u jun lic'om rachoch che ri caxa pa Jerusalen.

Ucab Tzijobelil 1:4 Referans Kwoze

Ucab Samuel 6:17

Ri u caxa ri Ajawaxel xc'am bic xeyok chupam ri u c'olbal, chupam jun cäbal ri lic'om re binem ri are' u patan wa' xuban ri David. Xebuchi'j c'u ri David tabal tak tok'ob ri quechajirisaxic xukuje' tabal tak tok'ob re utzirisan ib chuwäch ri Ajawaxel,

Ucab Samuel 6:2

xel c'u bic ri David, xbe pa Baala u tz'akatil ri Juda, xerachilaj bic conojel ri ajch'ojab ri e teren chrij, che u k'axexic ri u caxa ri Dios ri cänatax wi ri u bi' ri Ajawaxel puwi', ri c'o ronojel u cuinem, ri c'o ri u tem re ajawibal paquiwi' ri aj cajalaj tak to'banelab ri e c'o qui xic'.

Nabe Tzijobelil 16:1

Ri u caxa ri Dios xc'am bic xeyok chupam ri lic'om rachoch re be ri are' u patan wa' xuwoc ri David. Xechi'x c'u tak tabal tok'ob ri quechajirisaxic xukuje' tak tabal tok'ob re utzirisan ib chuwäch ri Dios,

Nabe Tzijobelil 15:1

Ri David xtakanic chi cheyac rachoch chupam ri u tinimit ri David, xusuc'umaj c'ut jun c'olbal ri cäya' wi ri u caxa ri Ajawaxel, chupam jun lic'om rachoch re be.

Ri Josue 9:17

Xebel c'u bic che qui tzucuxic ri aj Gabaon, churox k'ij c'ut xebopan chupam tak ri qui tinimit, e are' c'u wa' ri Gabaon, ri Capir, ri Beerot xukuje' ri Quiriat-jearim.

Ucab Tzijobelil 5:2

Xebumulij c'ut ri Salomon ri nimak tak tatayib aj Israel pa Jerusalen, conojel ri c'amal tak qui be ri amak' xukuje' tak ri winak ri e nimak tak qui k'ij pa ri jujun tak ja winak aj israelib, che u k'axexic ulok ri caxa re ri u c'ulwächinic ri Ajawaxel ri c'o pa Sion, ri u Tinimit ri David.

Ucab Tzijobelil 6:2

Are c'u ri in nu yacom jun ja che la rech cäjeki' la chupam, jun c'olbal ri cäjeki' wi na la amak'el.”

Nabe Tzijobelil 15:3

Xumulij c'ut ronojel Israel pa Jerusalen che u k'axexic ri u caxa ri Ajawaxel chupam ri c'olbal ri xusuc'umaj che.

Nabe Tzijobelil 15:12

xubij c'u chque: “Ix, ri ix c'amal tak qui be ri jujun tak ja winak chque ri aj Levi, chi ch'ajch'ojirisaj iwib je jas rajawaxic u banic junam cuc' ri e iwachalaxic, rech quixcuinic quik'axej ri u caxa ri Ajawaxel, ri u Dios ri Israel, chupam ri c'olbal ri nu wocom che;