Ucab Tzijobelil 1:3 - Quiché Bible

³ Xerachilaj c'u conojel ri winak ri qui mulin quib xbe pa ri k'ijilabal ri c'o pa Gabaon, chila' c'u c'o wi ri Lic'om Rachoch Dios re rikoj ib ruc' ri Dios, ri xuban ri Moises, ri pataninel rech ri Dios pa ri chaki'j uwo sak.

Ucab Tzijobelil 1:3 Referans Kwoze

Nabe Tzijobelil 21:29

Pune' c'u ne ri lic'om rachoch ri u wocom ulok ri Moises che ri Ajawaxel chupam ri chaki'j uwo sak xukuje' ri c'olbal ri caporox wi ri tabal tok'ob ri cachajirisaxic cäriktaj pa tak ri k'ij ri' chupam ri k'ijilabal ri c'o pa Gabaon,

Nabe Tzijobelil 16:39

Ri Sadoc xukuje' ri e cojol tabal tok'ob ri e rachil xebuya' can chuwäch ri u Lic'om Rachoch ri Ajawaxel, ri c'o chupam ri k'ijilabal ri c'o pa Gabaon,

U Camulixic ri Pixab 34:5

Jeri' ri Moises, ri pataninel re ri Dios xcäm pa ri ulew re Moab, jas ri u bim ri Ajawaxel,

Aj Levitib 1:1

Ri Ajawaxel xusiq'uij ulok ri Moises kas pa ri Lic'om Rachoch Dios re rikoj ib, xubij c'u wa' che:

Elem 40:34

ri sutz' xuch'uk ri Lic'om Rachoch Dios re rikoj ib, xnoj ronojel ri k'ijilabal rumal ri u juluwem ri Ajawaxel.

Elem 40:2

“Pa ri nabe k'ij re ri nabe ic', are k'ij wa' cawoc ri k'ijilabal, ri Lic'om Rachoch Dios re rikoj ib ruc' Dios.

Elem 36:8

Jachin tak c'ut ri quena'w na che apachique chac chquiwäch ri niq'uiaj ajchaquib chic, e are xewocow ri k'ijilabal. Lajuj tasbal re tumim lino xquicoj che, quem azul, quem morato', quiäk quem, ri xequitz'ot quieb wächbal chquiwäch, ri aj cajalaj tak tobanelab ri e c'o qui xic'.

Nabe Ajawinelab 8:4

xquik'axej xrachilaj ri Lic'om Rachoch re rikoj ib ruc' ri Dios xukuje' conojel ri tastalic tak chaconisan ri e c'o chupam, ri xequic'am bic ri e cojol tabal tok'ob xukuje' tak ri aj levitib.

Ucab Tzijobelil 1:13

Xtzelej c'ut ri Salomon pa Jerusalen u petic pa ri k'ijilabal ri c'o pa Gabaon, solitajinak chic ri Lic'om Rachoch re rikoj ib ruc' ri Dios rumal, xajawin pa Israel.

Ri Josue 9:3

E are' c'u ri aj hebeyib ri e jekel pa Gabaon xquetamaj ri u banom ri Josue cuc' tak ri tinimit ri Jerico xukuje' ri Hai,