Ucab Samuel 8:2 - Quiché Bible

² Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Ucab Samuel 8:2 Referans Kwoze

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Salmib 60:8

ri Moab are tzima ri quinch'abej wib; puwi' ri Edom quinq'uiak wi na ri nu xajäb; ¡quinrak c'u nu chi' rumal ri ch'äcanic paquiwi' ri aj pilisteyib!”

Ucab Samuel 8:6

Ri David xebucojo chajinelab pa siriyab u tz'akatil ri Damasc, ri e aj siriyab xecanaj chuxe' ri u takanic xeboc che u tojic cuchuj pa u k'ab. Je c'u ri', ri Ajawaxel cuya' ri ch'äcanic che ri David apawije' ta ne ri cabe wi.

Nabe Samuel 10:27

E c'o c'u ne ri itzel tak ak'aj ri je xquibij wa': “¿La are ta lo wa' ri cujesan pa qui k'ab ri c'ulel?” Man nim ta c'u xquil wi man xquiya' ta u k'ij; xuban c'u rib ri Saul chi man xretamaj taj.

Ri Isaiy 36:16

Minimaj ri cubij chiwe. Ri ajawinel aj Asiriy xinutak ulok che u bixic chiwe chi chixutzir ruc', chijacha iwib pa u k'ab jeri' chijujunal quixcuinic quitij ri u wächinic ri e i uva xukuje' ri u wächinic ri i e higo ri e i ticom, xukuje' quitij na ri ja' ri c'o pa tak ri i c'ua'.

Salmib 108:9

ri Moab are tzima ch'ajbal nu k'ab; puwi' ri Edom quinq'uiak wi na ri nu peraj xajäb; ¡quinbixoj na ch'äcanic paquiwi' ri aj pilisteyib!”

Ucab Tzijobelil 26:8

Ri aj amonib xetojon pa u k'ab ri Uziy, xopan u tzijol ri u k'ak'al c'ä pa tak ri u c'ulbatil ri Ejipt, rumal rech chi sibalaj xq'uiy ri u cuinem.

Nabe Tzijobelil 18:2

Xukuje' xebuch'äc ri aj moabib, xecanaj c'u chuxe' ri u takanic ri David xetojon c'u na pa u k'ab.

Ucab Ajawinelab 17:3

Ri Salmanasar, ajawinel re Asiriy, xch'ojin ruc' ri Osey, xux c'u pataninel rech wa' xtojon c'u pa u k'ab.

Ucab Ajawinelab 1:1

Aretak cäminak chic ri Acab, ri Moab xwalij chrij ri Israel.

Ucab Samuel 12:31

e are' c'u ri winak ri c'ä e c'o na canok pa ri tinimit xebucoj chquij k'atbal che', chquij icäj, xebucoj che qui banic porom xan. Junam xuban chque conojel ri qui tinimit tak ri aj amonib, aretak c'u xbantaj wa' rumal xtzelej pa Jerusalen e rachil conojel ri e rajch'ojab.

Nabe Samuel 14:47

Jeri' ri Saul xumajij ajawinic pa Israel, xch'ojin c'u cuc' conojel ri e u c'ulel ri xebel ulok chrij pa ronojel c'olbal, e are c'u wa' ri Moab, ri Amon, ri Edom, ri ajawinel ri c'o pa Soba xukuje' ri aj pilisteyib. Apawije' ta ne ri cäbe wi che u banic ch'o'j, cäch'äcanic.

Salmib 83:6

Ri e rajch'ojab ri Edom xukuje' ri e rech ri Ismael, ri e rija'lil ri Agar xukuje' ri e rech ri Moab,

Nabe Samuel 22:3

Xel c'u bic ri David chila' xbe pa Mizpa, ri c'o pa Moab xubij che ri ajawinel pa Moab: “Quintz'onoj jun tok'ob che la chi ri nu tat xukuje' ri nu nan quecanaj can uc' alak c'ä quinwetamaj na ri cuban ri Dios chwe.”

Nabe Samuel 22:4

Xebuc'am c'u bic ri David ri u tat u nan chuwäch ri ajawinel pa Moab, xec'oji' c'u can ruc' ronojel ri k'ijol ri xc'oji' ri David chupam ri to'bal ib.

Nabe Ajawinelab 4:21

Ri Salomon are' nim na u k'ij chquixo'l conojel ri ajawibal ri quechaptaj ulok chuchi' ri nima' Euprats quebetakal c'ä pa ri culew ri aj pilisteyib xukuje' c'ä pa ri u c'ulbatil ri Ejipt, ri xequitoj tak cuchuj ri xec'oji' c'u chuxe' ri u takanic ri Salomon joropa' k'ij ri xc'asi'c.

Salmib 18:45

ri winak ri man e nu winakil ta cäquixe'j quib quebirbitic quebel ulok pa tak ri to'bal quib.

Salmib 60:10

Are c'u ri lal, nu Dios, uj xutum la canok; ¡man cäbe ta chi la cuc' ri kajch'ojab!