Ucab Samuel 8:12 - Quiché Bible

¹² Pa Edom, pa Moab, pa Amon, cuc' ri pilisteyib, xukuje' cuc' ri aj amalesib, xukuje' ri resam pa ri ch'o'j ruc' ri Hadad-ezer, u c'ojol ri Rehob, ajawinel aj Soba.

Ucab Samuel 8:12 Referans Kwoze

Ucab Samuel 10:14

Aretak c'u ri aj amonib xquilo chi xebanimaj ri aj siriyab, xukuje' ri e are' xebanimaj chuwäch ri Abisay xquinim quib pa ri qui tinimit. Ri Joab xutanaba' u tijic u chuk'ab cuc' ri aj amonib xtzelej pa Jerusalen.

Nabe Tzijobelil 18:11

Ri David xebujach conojel we jastak ri' che ri Ajawaxel, junam ruc' ri k'an puak xukuje' ri sak puak ri xutokij chque conojel ri nimak tak tinimit, che ri Edom, che ri Moab, chque ri aj amonib, chque ri aj pilisteyib xukuje' chque ri aj amalesib.

Ucab Samuel 8:2

Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Ucab Samuel 10:11

xubij c'u che: “We cawilo chi cätajin quinquich'äc ri aj siriyab, catpe che nu to'ic, we c'u quinwilo chi cätajin catquich'äc ri aj amonib, quinbe na ri in che a to'ic.

Nabe Samuel 30:20

Xukuje' xrechbej ri David conojel ri chij ri wacax, ri xeyon tak ri awaj, caquibij are wa' ri xuch'äc ri David.

Nabe Samuel 27:8

Quel c'u bic che qui ch'äquic ri winak ri e c'o pa Jesur, pa Jezer xukuje' pa Amalec, ri e c'o pa ri ulew ri', pa Telaim, che u suq'uil ri Xur, c'a pa Ejipt.

Nabe Samuel 15:8

xkaj ri Agag pu k'ab c'aslic xak xuyutu ri cajawinel ri aj amalesib, xebucämisaj c'u conojel ri rajch'ojab.

Nabe Samuel 30:17

Xuwi c'u xopan ri David ak'ab xuchaplej qui cämisaxic c'a xkaj na ri k'ij, conojel c'ut xebucämisaj, xuwi xeto'taj ri quiejeb sient (400) alabom ri xequiejen tak chquij camey xecuinic xebanimajic.