Ucab Samuel 7:13 - Quiché Bible

¹³ Are' cäyacow na jun wachoch, quinjekeba' c'u na ri rajawinic chbe k'ij sak.

Ucab Samuel 7:13 Referans Kwoze

Nabe Ajawinelab 8:19

man at ta c'ut ri catyacow na, xane' are' ri a c'ojol ri cac'oji' na. Are' ri cäyacow na ri wachoch.’

Nabe Ajawinelab 5:5

Rumal ri' nu chomam u yaquic jun rachoch ri Ajawaxel ri nu Dios, jacha' ri chi'nic ri xuban che ri David, ri nu tat, aretak xubij che chi ri u c'ojol, ri cuban na che chi cajawin pa ri u c'olbal, are' ri' ri cäyacow na ri rachoch che u ya'ic u k'ij.

Salmib 89:4

“Quinban na chi ri e awija'lil quebajawin na amak'el chupam ri a c'olbal.”

Nabe Ajawinelab 6:12

“Chupam c'ut we rachoch Dios ri' ri cätajin cayaco, quinwaj quinbij chawe chi ri in quintz'akatisaj na ri xinchi'j che ri David, ri a tat, ri xinbij chawij, quinjeki' c'u na chquixo'l ri aj israelib, man quintzak ta canok ri Israel ri nu tinimit, we canimaj tak ri nu pixab xukuje' tak ri e nu takanic, quebatz'akatisaj c'u conojel tak ri e nu takomal je c'u cabano jas tak ri caquibij.”

Ri Zacariy 6:13

Cuban na u banic ri rachoch ri Ajawaxel cuc'am c'u na ri kas nimarisabal u k'ij jun ajawinel. Cat'uyi' na chupam ri u tem re ajawibal che u k'atic tzij, pa u xcut c'ut ri u tem re ajawibal cat'uyi' wi na ri cojol tabal tok'ob, cac'oji' c'u na jamaril chquixo'l qui cabichal.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Salmib 89:29

Ri e rija'lil quebajawin na pa ri u c'olbal amak'el, joropa' k'ij cabeytaj ri caj.

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

Hebreos 3:3

Takal che ri Jesus chi nim na u k'ij chuwäch ri Moises, jas ri nim quil wi na ri xbanow ri ja chuwäch ri ja.

Ri Isaiy 49:8

Ri Ajawaxel cubij: “Xurik ri k'ij ri quinc'ut ri wutzil, xintzelej c'u u wäch ri a tzij xopan ri k'ij re ri colobenic, xatinto' c'ut. In xatinto' rech awumal at quinjekeba' ri nu c'ulwächinic ruc' ri tinimit, rech cäban u banic ri ulew, rech queboc che quechbexic ri ulew ri e tolorisam canok,

Salmib 89:21

mawi c'u jubik' ma ta chinto', quinya' na u chuk'ab ruc' ri nu cuinem.

Nabe Tzijobelil 28:10

Mäsach c'u pa a jolom chi are' ri Ajawaxel at u cha'om rech cayac jun nim ja ri cak'ijilax wi na. ¡Rumal ri', chachajij anima' chamajij ba ri chac!”

Ri Matey 16:18

In quinbij chawe, chi at Lu'. Puwi' c'u we nimalaj abaj ri' quinyac wi na ri nu comon cojonelab chi nimalaj conojel. Mawi c'u ne ri u cuinem ri cämical cäch'äcan ta na puwi'.

Ucab Samuel 7:27

Lal, Wajaw ri c'o ronojel cuinem la, yo'm la retamaxic chwe chi cajekeba' la ri wija'lil; rumal ri' ri in, pune' xa in pataninel ech la, quinchajij anima' che u banic we bochi'nic ri' che la.

Nabe Ajawinelab 2:4

Are c'u ri Ajawaxel co cutiq'uiba' ri chi'nic ri xuban chwe, chi we ri e nu c'ojol caquichajij ri qui c'aslemal, quebin c'u pa ri kastzij chuwäch ri are', ruc' ronojel ri canima' xukuje' ruc' ronojel ri qui c'aslibal, mawi ta jumul ri' ma ta c'o jun wachalaxic ri ma ta cac'oji' na puwi' ri tem re ajawibal aj Israel.

Nabe Ajawinelab 2:24

¡Quinban na ri chi'nic ri kas cäban na pa ri u bi' ri Ajawaxel, ri in u cojom xukuje' co in nu tiq'uibam puwi' ri u tem re ajawibal re ri David ri nu tat ri u yo'm jun ajawinic chwe, chi ri Adoniy kas camic cacäm na!”

Nabe Ajawinelab 2:45

Are c'u ri ajawinel Salomon catewichitaj na, are c'u ri u tem re ajawibal ri David cajeki' na canok amak'el chuwäch ri Ajawaxel.”

Nabe Ajawinelab 8:13

Are c'u ri in nu walijisam jun achoch la rech cajeki' la chupam, jun c'olbal ri cajeki' wi la amak'el.”

Nabe Ajawinelab 8:15

xubij: “Tewichital ri Ajawaxel, ri u Dios ri Israel, ri u tz'akatisam ri xuchi'j che ri David, ri nu tat, aretak xubij che:

Ucab Ajawinelab 21:4

xukuje' xebuyac tak porobal chupam ri rachoch ri Ajawaxel, ri u bim wi ri Ajawaxel chi are' u jekelibal ri u bi' pa Jerusalen.

Ucab Tzijobelil 33:4

xebuyac c'u tak porobal chupam ri rachoch ri Ajawaxel, ri u bim wi ri Ajawaxel chi are u jekelibal ri u bi' amak'el pa Jerusalen.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ucab Samuel 22:51

Queya' la nimak tak ch'äcanic che ri ajawinel ri cha'om la; amak'el quel c'u'x la che ri David xukuje' chque ri e rija'lil.”

Ucab Ajawinelab 8:19

Man xraj ta c'ut ri Ajawaxel xuq'uista tzij puwi' ri Juda, xa' che u tok'obisaxic u wäch ri David ri pataninel rech, ri xuchi'j che chi amak'el cac'oji' jun chäj tzijilic chuwäch.

Ucab Ajawinelab 21:7

Xucoj c'u jun u wächbal ri Asera chupam ri rachoch ri Ajawaxel, ri xubij wi ri Ajawaxel che ri David xukuje' che ri Salomon ri u c'ojol: “We wachoch ri' ri c'o pa Jerusalen, ri nu cha'om chquixo'l conojel ri ramak' ri Israel, cux na u jekelibal ri nu bi' amak'el.

Ucab Tzijobelil 6:16

Rumal c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: chi mawi jubik' ri ma ta co jun rija'lil ri rumal ri tok'ob la, capaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal caquitz'akatisaj c'ut ri pixab la jacha' ri u tz'akatisaxic ri xuban ri are'.

Ri Job 36:7

amak'el quebutok'ej ri winak ri suc' qui c'aslemal; co quebutiquiba' tak ri ajawinelab chupam tak ri qui tem re ajawibal, cuban chque chi nim que il wi.

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Jeremiy 33:17

In, ri Ajawaxel, quincha': Mawi jubik' ma ta c'o jun rija'lil ri David ri ma ta cat'uyi' na puwi' ri tem re ajawibal aj Israel,

Ri Ezequiel 37:25

Quejeki' na pa ri ulew ri xinya' che ri pataninel wech ri Jacob, ri xejeki' wi xukuje' ri e qui mam. Chila' quejekel wi na amak'el xukuje' tak ri e qui c'ojol xukuje' conojel ri quija'lil; are c'u ri pataninel wech ri David are' cux c'amal qui be amak'el.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Zacariy 6:12

Chabij c'u che: ‘Ri Ajawaxel ri c'o ronojel u cuinem cujiquiba' u bixic chi ri c'ojol ri cäbinax tuxaj che caq'uiy na paquiwi' ri kas e u rab cuban c'u na u banic ri rachoch ri Ajawaxel.