Ucab Samuel 6:2 - Quiché Bible

² xel c'u bic ri David, xbe pa Baala u tz'akatil ri Juda, xerachilaj bic conojel ri ajch'ojab ri e teren chrij, che u k'axexic ri u caxa ri Dios ri cänatax wi ri u bi' ri Ajawaxel puwi', ri c'o ronojel u cuinem, ri c'o ri u tem re ajawibal paquiwi' ri aj cajalaj tak to'banelab ri e c'o qui xic'.

Ucab Samuel 6:2 Referans Kwoze

Nabe Samuel 4:4

Rumal c'u ri' ri aj israelib xequitak bic tako'n pa Sil, xquic'am c'u ulok ri caxa ri c'o wi ri u c'ulwächinic ri Ajawaxel ri c'o ronojel u cuinem, ri c'o ri u tem re ajawibal paquiwi' ri qui wächbal ri aj cajalaj tak to'banelab ri e c'o qui xic'. Ri Opni xukuje' ri Pinees, ri quieb u c'ojol ri Eli, xcachilaj ri caxa ri c'o wi ri u c'ulwächinic ri Dios.

Salmib 80:1

Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,

Nabe Samuel 7:1

Xepe c'u ri aj Quiriat-jearim xquic'am c'u bic ri u caxa ri Ajawaxel, xquicoj pa ri rachoch ri Abinadab, ri c'o tza'm jun juyub; xquitas ri Eleazar ri u c'ojol che u chajixic.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

Ri Isaiy 54:5

are' c'u ri xatwinakirisanic catuc'am na che rixokil. Ri u bi' are Ajawaxel ri c'o ronojel u cuinem ri torol awech are ri Tastalicalaj u Dios ri Israel ri Dios ri' re ronojel ri uwächulew.

Ri Isaiy 47:4

Ri torol kech, ri Tastalicalaj u Dios ri Israel, ri u bi' are' Ajawaxel ri c'o ronojel u cuinem je cubij wa':

Ri Josue 15:60

Ri tinimit tak re Quiriat-baal, ri xukuje' cäbix Quiriat-jearim che, xukuje' ri Rab, e cachil tak ri e u k'ab tak qui tinimit.

Ucab Samuel 22:11

Xquiejen chrij jun aj cajalaj to'banel ri e c'o u xic', xrapin c'ut: quilitaj paquiwi' ri e u xic' ri quiakik'.

Nabe Samuel 6:21

Xquitak c'u u bixic we takquil ri' chque ri aj Quiriat-jearim: “Ri aj pilisteyib qui tzelem ulok ri u caxa ri Ajawaxel; chixpet ba' che u c'amic bic.”

Salmib 99:1

¡Ri Ajawaxel are' ajawinel! ¡U yo'm ri u tem re ajawibal paquiwi' ri aj cajalaj tak to'banelab ri e c'o qui xic'! Queyicop na ri nimak tak tinimit xukuje' ronojel ri uwächulew.