Ucab Samuel 5:3 - Quiché Bible

³ Je c'u wa' ri xbanic, conojel ri nimak tak tatayib ri e c'o pa Israel xebe che u ch'abexic ri ajawinel David pa Hebron, xuban c'u jun c'ulwächinic cuc', xquicoj c'u ri Ajawaxel che k'alajisanel. Xquijamij c'u aseit puwi' ri David rech cacanaj che ajawinel puwi' ri Israel.

Ucab Samuel 5:3 Referans Kwoze

Ucab Samuel 2:4

Xebopan chi c'ut ri achijab ri e c'o pa Juda, xquicoj c'ut ri David che ajawinel puwi' ri Juda. Aretak xtzijox che ri David chi e are' ri aj Jabes aj Galaad e are' xemukuw ri Saul,

Nabe Samuel 23:18

Qui cabichal c'ut xquiban jun c'ulwächinic chquixo'l, xquicoj c'u ri Ajawaxel che k'alajisanel. Xuwi c'u xbantaj wa' cumal ri Jonatan xtzelej cho rachoch, are c'u ri David xcanaj can pa Hors.

Nabe Samuel 16:13

Xuc'am c'ut ri Samuel ri u c'a' ri c'o aseit chupam, xutas ri c'ojol ala chquiwäch conojel ri e rachalal jacha' che ajawinel, ri cabinax David. Pa we jok'otaj ri', ri ruxlabal ri Ajawaxel xk'ijin puwi' ri David. Xwalij c'u ri Samuel xtzelej pa Rama.

Ucab Ajawinelab 11:17

Ri Joiad xuban c'u na jun c'ulwächinic ruc' ri Ajawaxel, ri ajawinel xukuje' ri tinimit, chi ri e are' xquicoj quib chuxe' chi quebux u tinimit ri Ajawaxel, ri ajawinel xukuje' ri tinimit.

Ucab Samuel 3:21

Ri Abner xubixtaj che ri David: “Quintzelej c'u na chanim che qui mulixic conojel ri aj Israel, rech cäquiban jun c'ulwächinic uc' la, chajawin c'u la je jas ri rayibal la.” Ri David xujach bic ri Abner, cäquicotic xbec.

K'atal tak Tzij 11:11

Xpe c'u ri Jepte cuc', ri tinimit xquicoj che c'amal qui be xukuje' che qui nimal. Pa Mizpa, ri Jepte xubij chi jumul chuwäch ri Ajawaxel jas ri u bim can nabe.

Ri Nehemiy 9:38

Pune' c'u je c'ulmatajinak wa' ri uj cakatz'ibaj jun je'licalaj c'ulwächinic, ri wuj ri t'ikom caquicoj qui bi' ri e c'amal tak ka be che, ri aj levitib xukuje' tak ri e cojol tabal tok'ob.

Ucab Tzijobelil 23:16

Ri Joiad xuban c'u na jun c'ulwächinic ruc' ronojel ri tinimit xukuje' ruc' ri ajawinel, chi ri e are' e u tinimit ri Ajawaxel.

Nabe Tzijobelil 11:3

Je c'u wa' xbanic, conojel ri nimak tak tatayib re Israel xebetzijon ruc' ri ajawinel David pa Hebron, xuban c'u jun c'ulwächinic cuc', are xucoj ri Ajawaxel che k'alajisanel chquixo'l. Xquitas c'ut ri David jacha' ajawinel re Israel, je jas ri xuchi'j ri Dios rumal ri Samuel.

Nabe Samuel 11:15

Rumal c'u ri' ronojel ri tinimit xutakej u be xbe pa Jilgal, chila' c'ut chuwäch ri Ajawaxel, xk'alajisax wi chi are' ajawinel ri Saul. Xequichi'j c'u tabal tak tok'ob che ri Ajawaxel re utzirisan ib, are c'u ri Saul xukuje' conojel ri aj israelib xenoj che quicotemal.

Elem 3:16

Jät chebamulij ri nimak tak tatayib re Israel, chabij chque: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob, xuc'ut rib chnuwäch xubij c'u chwe chi oquinak il chiwe xukuje' rilom ri c'ax ri cäban chiwe pa Ejipt.

Ri Josue 10:36

Xquiya' can ri Eglon xebe chusuq'uil ri tinimit Hebron, xech'ojin c'u ruc'.

Nabe Ajawinelab 1:34

are' c'u ri cojol tabal tok'ob ri Sadoc xukuje' ri Natan, ri k'axal tzij chiquitasa' jacha' che rajawinel ri Israel, chok'isax c'ut ri ruc'a' chij chi raka' c'u i chi': ‘¡Chc'asal ri ajawinel Salomon!’

Nabe Tzijobelil 11:1

Conojel ri aj israelib xquimulij quib xebetzijon ruc' ri David pa Hebron. Chila' xquibij wi che chi: “Ri uj xa' junam ka quiq'uel uc' la,

Ucab Samuel 2:7

Are c'u ri camic chichajij anima' xukuje' chc'ol i chuk'ab, pune' c'u cäminak ri Saul, ri iwajaw, ri amak' Juda in u tasom che rajawinel.”

Nabe Tzijobelil 28:4

Xinucha' c'u ne ri Ajawaxel, ri u Dios ri Israel, chquixo'l conojel ri wachalal rech cuban chwe chi quinux rajawinel ri Israel re chbe k'ij sak. Xucha' c'ut ri are' ri amak' re Juda jacha' jun amak' takanel; che ri ramak' ri Juda xucha' wi ri wachalaxic; chquixo'l c'ut ri wachalal xinucha' wi in rech quinux ajawinel puwi' ronojel Israel.