Ucab Samuel 24:17 - Quiché Bible

¹⁷ Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Ucab Samuel 24:17 Referans Kwoze

Salmib 74:1

Nu Dios, ¿jasche xujwonoba' la canok? ¿Jasche xnicow ri oyowal la paquiwi' ri chij la re ri yuk'bal la?

Ucab Samuel 24:10

Xuna' c'ut ri David chi macuninak rumal rech chi xerajilaj ri winak ri e c'o pa ri ulew, xubij c'u che ri Ajawaxel: “Nu banom jun nimalaj macaj rumal ri u banic wa'. Quinbochi'n che la Ajawaxel, chi sacha' la camic ri u mac we pataninel ech la ri', u chac c'ut jun man c'o ta u no'j ri nu banom.”

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Salmib 44:11

Uj jachom la, uj jacha' ta ne chij ri quebe pa ri pilibal; uj tuquin la chquixo'l ri quequik'ijilaj ri diosib;

Ri Job 7:20

We quinmacunic, ¿jas ta ri' ri latz' quinya' che la, chajil quech ri achijab? ¿Jasche in ri quinq'uiak la cuc' tak ri e ch'ab la? ¿La xa pa u in jun eka'n che la?

Nabe Ajawinelab 22:17

Xubij c'ut ri Micaiy: “E wilom conojel ri aj israelib qui jabum quib pa tak ri juyub, e jacha' ri chij ri man c'o ta cajyuk'. U bim c'ut ri Ajawaxel: ‘Wa' man e c'o ta ajchak'e; chquijujunal chetzelej cho cachoch pa jamaril.’ ”

Chapletajic 44:33

Quinta' c'u jun tok'ob che la chi in quincanaj che lok'om pataninel la, che u q'uexwäch ri ala. Tzokopij la bic ri ala rech cabe cuc' ri rachalal.

Chapletajic 18:23

Xnakajin chi c'u na jubik' che, xuc'ot c'u u chi'. “¿La cäsach la qui wäch ri winak ri man c'o ta jubik' qui mac junam cuc' ri c'o qui mac?

Ucab Samuel 7:8

Rumal c'u ri', chabij che ri David ri pataninel wech chi ri in, ri Ajawaxel ri c'o ronojel u cuinem, quinbij che: ‘In xatin wesaj ulok chquij ri chij, man xinya' ta chic chawe chi catakej qui yuk'uxic tak ri chij, rech cätux c'amal u be ri nu tinimit Israel;

Ri Jonas 1:12

Chiniq'uiaka' ba bic pa ri plo, cäjamar c'u na ri plo,” xcha' ri Jonas chque. “In kas weta'm chi in ri ajchak'mac chi xpe ri nimalaj quiakik' jäb piwi'.”

Elem 10:16

Ri ajawinel aninak xutak u siq'uixic ri Moises rachil ri Aaron, xubij chque: “In macuninak chuwäch ri Ajawaxel ri i Dios xukuje' chiwäch ix,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ucab Samuel 12:13

Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Salmib 32:5

Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Salmib 78:71

xuresaj chquij ri chij rech cuchajij ri u tinimit, rech are' cayuk'un ri Israel.