Ucab Samuel 24:16 - Quiché Bible

¹⁶ Aretak c'u ri tako'n aj caj c'o chic che u sachisaxic u wäch ri Jerusalen c'ax xuna' ri Ajawaxel ri xc'ulmatajic, xuya' c'u takanic che ri tako'n aj caj ri cätajin quebucämisaj ri winak, xubij che: “¡Ruc' la', chatanaba'!” Pa ri jok'otaj ri' ri u aj cajalaj u tako'n ri Ajawaxel c'o chuxcut ri c'olbal ri cujopij wi trico ri Araun ri aj jebusey.

Ucab Samuel 24:16 Referans Kwoze

Elem 12:23

Aretak ri Ajawaxel coc'ow che qui cämisaxic ri aj ejiptib, cäril na ri quic' ri bilom chuchi' ri ja ri ix c'o wi, xak coc'ow bic chuwäch ri ja ri'. Jeri' ri Ajawaxel man cuya' ta be che ri cämisanel chi coc pa tak ri ja.

Chapletajic 6:6

c'ax c'u xuna' pa ri ranima' chi xuban ri winak. Ruc' sibalaj c'axc'ol, xubij:

Hechos 12:23

Chanim ri Herod xsoc rumal jun tako'n aj caj rech ri Ajawaxel, rumal rech chi man xunimarisaj ta u k'ij ri Dios. Kuchum ri u cuerp cumal xjut, xcämic.

Ucab Tzijobelil 3:1

Ri Salomon xuchaplej ri yacanic che ri rachoch ri Ajawaxel pa Jerusalen, pa ri juyub Moriy, ri xuc'ut wi rib ri Ajawaxel chuwäch ri David, ri u tat, pa ri c'olbal ri xusuc'umaj ri David che, ri u bixic, jawije' ri cuyak' wi trico ri Ornan ri aj jebusey.

Ucab Ajawinelab 19:35

Kas pa ri chak'ab ri' ri tako'n aj caj rech ri Ajawaxel xopanic xebucämisaj jun sient jumuch' ruc' job mil (185,000) achijab aj asiriyab ri e c'o pa ri kajebal, chucab c'u k'ij aretak xsakarisanic conojel e cäminak chic.

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

2 Corintios 2:6

Ruc' wa' we yajanic ri' che ri achi ri', e q'ui chiwe e yajowinak chic.

Marcos 14:41

Xbe ri Jesus churox mul, xubij chque: “Chixwar ba', chixuxlanok. Ruc' wa', xopan ri jok'otaj. Chiwilampe', ri Rija'l Winak cäjach na pa qui k'ab ajmaquib.

Ri Zacariy 9:7

Quinwesaj na pa qui chi' ri ti'j ruc' quic' ri cäquitijo, xukuje' pa qui ware ri k'obisabal ri man ya'tal ta qui tijic. Chque c'ut we winak ri' e c'o jujun ri quecanaj can chwe; quebux c'u na u tz'akatil ri Juda, are c'u ri Ecron cux na jacha' ri e aj jebuseyib.

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Amos 7:6

Xuk'il c'u rib ri Ajawaxel che ri u chomam u banic. Xubij c'ut ri Ajawaxel: “¡Mawi ne quec'ulmataj wa'!”

Ri Amos 7:3

Xuk'il c'u rib ri Ajawaxel che ri u chomam u banic, xubij c'ut: “¡Man quec'ulmataj ta ba' wa'!”

Ri Isaiy 57:16

Man xak ta amak'el quintzujuj ri nu tinimit, mawi in ta oyowarinak ronojel k'ijol; ri quebel na ri' chi ri winak ri e nu winakirisam cuban quieb qui c'u'x chwij.

Ri Isaiy 27:8

Ri Dios xuc'äjisaj u wäch ri u tinimit xutak c'u bic pa jun tinimit chic, ruc' ri xibibalalaj ruxlab xupakchi'j bic jacha' ri cuban ri quiakik' ri cäpe pa elebal k'ij.

Salmib 135:14

Ri Ajawaxel cuban suq'uil che ri u tinimit; quel u c'u'x chque ri pataninel tak rech.

Salmib 90:13

¡Ajawaxel, tzelej la kuc'! ¿Joropa' k'ij cäbeytaj chi na la? Chel c'u'x la chque tak we pataninelab la ri'.

Salmib 78:38

Xel c'u u c'u'x ri Dios chque, xucuy ri quetzelal, man xusach ta qui wäch; q'ui mul xak xoc'ow ri royowal man xuya' ta be chi xk'ak'ar ta rumal ri royowal.

Salmib 35:6

¡Chux k'eku'm ri qui be xukuje' cäjililic, e okatatal c'u rumal ri u tako'n ri Ajawaxel!

Nabe Ajawinelab 19:4

Xbe c'ut chupam ri chaki'j uwo sak, jun k'ij c'ut xbinic, c'ä chuq'uisbalil xet'uyul chuxe' jun alaj che' ri nimak u xak. Sibalaj xurayij ri u cämical, xubij: “¡Chubana' wa', Ajawaxel! ¡Chesaj la ri nu c'aslemal, ri in man are ta in utz na chquiwäch ri e nu mam!”

Ucab Samuel 24:18

Kas pa ri k'ij ri' ri Gad xbe che rilic ri David, xubij c'u che chi chuwoco' jun porobal che ri Ajawaxel pa ri c'olbal ri cujopij wi trico ri Araun ri aj jebusey.

Ucab Samuel 5:8

U bim c'ut ri David pa tak ri k'ijol ri': “Apachin ta ne ri craj cuban c'ax chque ri jebuseyib chunima' bic rib chupam ri u be ja' chebucämisala' c'ut ri moyab xukuje' ri ch'ocojib, ri quinwetzelaj qui wäch ruc' ronojel ri wanima'.” Chila' c'u cäpe wi ri tzij ri cabixic: “Mawi ri moyab mawi ri ch'ocojib quecuinic queboc ta chupam ri rachoch ri Ajawaxel.”

K'atal tak Tzij 19:11

ri pataninel xubij che ri aj Levi: “¿Jas cäbij la, a utz cujwar can pa we tinimit Jebus?”

K'atal tak Tzij 1:21

E are c'u ri aj ramak' ri aj Benjamin man xecuin ta che quesaxic bic ri aj jebuseyib pa Jerusalen ri e jekel chila'. Rumal ri' c'ä camic, ri aj jebuseyib xukuje' ri aj Benjamin c'ä e jekel junam pa Jerusalen.

Ri Josue 15:63

Ri e rija'lil ri Juda man xecuin taj xequesaj ta bic ri jebuseyib pa Jerusalen ri e jekel chila', c'ä e jekel c'u ne ri jebuseyib camic pa Jerusalen junam cuc' ri e rija'l ri Juda.

Elem 12:13

Ri quic' are cäc'utuw tak ri ja ri ix c'o wi. Jeri', aretak chebensoco' ri aj ejiptib ruc' cämical, man c'o ta jun chiwe quecämok quinwil c'u na ri quic' xak c'u quinoc'owic.

Elem 9:28

Sibalaj cakulja xukuje' sakbach ka coch'om chic, rumal ri' man quintakej ta chic i k'ilic. Chitz'onoj ba' tok'ob che ri Ajawaxel pakawi', quixintzokopij c'u bic.”

Chapletajic 10:16

Xukuje' are' qui mam ri aj jebuseyib, ri amoreyib, ri aj jerjeseyib,

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

1 Corintios 10:10

Mawi mixch'ach'atic, jacha' jujun chque xech'ach'atic, rumal ri' xecämisax rumal ri tako'n ajcämisanel.

Ri Jeremiy 26:19

¿La xcämisax puch ri Miquey rumal ri Ezequiy xukuje' rumal ronojel ri tinimit Juda? Xane' ri xuban ri ajawinel, xuna' rib chuwäch ri Ajawaxel xtz'onon c'u che chi chutok'obisaj qui wäch. Man xutak ta c'u ulok ri Ajawaxel Dios ri nimalaj c'axc'ol ri u yo'm u bixic. ¿La quekekaj ta c'ut ri uj jun il ri sibalaj nim?”

Nabe Tzijobelil 1:14

Che ri Canaan xebel wi ri aj jebuseyib, aj amoreyib, aj jerjeseyib,

Ri Jeremiy 42:10

‘We i yo'm i tzij chi quixcanaj can chupam we ulew ri', in quixinpok'colij na; man quinsachisaj ta na i wäch, xane' quixintiquiba' na man c'u quixinbok ta na, quinbison c'ut chi xintak we nimalaj c'axc'ol ri' piwi'.