Ucab Samuel 24:14 - Quiché Bible

¹⁴ Xutzelej c'u u bixic ri David che ri Gad: “In c'o pa jun nimalaj latz'. Are c'u ri camic, are catan na chi cujkaj pa u k'ab ri Ajawaxel, sibalaj c'u nim na ri rutzil ranima', man pa qui k'ab ta c'ut ri achijab.”

Ucab Samuel 24:14 Referans Kwoze

Salmib 119:156

Ajawaxel, sibalaj nim ri ch'uch'ujil la; chya' la nu c'aslemal je jas ri u cholajil ri suq'uil la.

Salmib 51:1

Rumal ri lok'ok'ebal c'u'x la chwe, nu Dios, chel c'u'x la chwe; rumal ri nimalaj u ch'uch'ujil ri anima' la, che saj la ri nu mac.

Nabe Tzijobelil 21:13

Ri David xutzelej u bixic che ri Gad: “In c'o chupam jun c'axalaj latz' man quinriktaj jas ri quinbano. Ri utz na chwe chi chinkaj pa u k'ab ri Ajawaxel, sibalaj c'u nim na ri rutzil ranima', ma ta c'u pa qui k'ab ri achijab.”

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Salmib 145:9

Ri Ajawaxel utz cuc' conojel, ruc' c'u ch'uch'ujil quebuchajij ri e u chac.

Salmib 130:4

Uc' c'u la cäkarik wi cuyubal macaj, rech cäkaya' k'ij la.

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

E C'ambal tak Tzij 12:10

Ri suc' reta'm querilij ri rawaj, are c'u ri ranima' ri itzel winak man catok'basan ta wächaj.

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Ucab Ajawinelab 6:15

Ak'ab c'ut che ri ucab k'ij xwalij ri u pataninel ri Elisey, aretak c'u xel bic pa ri be xtaki' u wäch chque ri ajch'ojab ri qui sutim rij ri tinimit cumal aj quiejab xukuje' carwaj re ch'o'j; xbe c'u che u bixic che ri Elisey: “Ay, wajtij, ¿jas c'u ri quekabana' camic?”

Nabe Samuel 13:6

Xekaj c'u ri aj israelib pa jun nimalaj c'ax sibalaj c'u nim ri c'ax ri xquiban ri aj pilisteyib chque, rumal ri' xequic'olo quib pa tak pec xukuje' pa tak jul, xukuje' xo'l tak ri nimak tak abaj pa tak u be ja' xukuje' pa tak c'ua'.

Filipenses 1:23

Man quinrik taj jachique we quieb ri' quincha'o. Quinwaj quincämic, quinel cho we uwächulew rech quinec'ol ruc' ri Crist. Are wa' sibalaj utz na.

Ri Xuan 12:27

“Camic cäk'oxow ri wanima'. ¿Jas c'u quinbij na? ¿La quinbij ta na: ‘Tat, chinesaj la chuwäch we c'axc'ol ri'?’ Kas c'u ne che wa' in petinak wi.

Ri Zacariy 1:15

Rumal ri' nicowinak ri nu c'anal che u banic c'ax chque tak we nimak tak tinimit ri', ri man c'o ta jas queboc ta wi il chi, aretak ri in man nimatajinak taj ri woyowal, xetoban che u nimatijisaxic ri etzelal.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ucab Samuel 9:8

Ri Mepi-boset xumej rib xubij c'ut: “¿Jasche coc la il che we pataninel ech la ri', ri in xa in junam ruc' jun cäminak tz'i'?”

Salmib 130:7

chaweyej at Israel, ri Ajawaxel, ruc' c'u are' c'o wi lok'ok'ebal c'uxaj xukuje' tz'akatalaj to'tajem.

Ri Jeremiy 39:17

Catinchajij c'u na, rech man catekaj ta na pa qui k'ab we winak ri' ri caxe'j awib chquiwäch. In, ri Ajawaxel, quinjiquiba' u bixic.

Juyuwem 3:22

Ri u lok'ok'ebal c'u'x ri Ajawaxel man c'o ta u q'uisic, mawi quetzaj taj ri e rutzil.

Ri Daniel 9:9

Lal c'ut, cäban ech la ka Dios, pa k'ab la c'o wi ri elebal c'uxaj xukuje' ri sachoj macaj. Ri uj ka walijisam kib che c'ulelaxic la

Ri Miquey 7:19

Jumul chi ba' chel c'u'x la chke chemuku' ba' la ri ketzelal. Cheq'uika' la bic tak ri e ka mac chupam ri u choil ri plo.