Ucab Samuel 24:1 - Quiché Bible

¹ Ri Ajawaxel xyactaj chi royowal chque ri aj israelib, xutakchi'j c'u ri David chquij, xuya' c'u takanic chi chban jun ajilanic pa Israel xukuje' pa Juda.

Ucab Samuel 24:1 Referans Kwoze

Nabe Tzijobelil 21:1

Ri tako'n tzujunel xuwalijisaj rib chquij ri aj Israel xucoj c'u u c'u'x ri David chi che rajilaj ri aj israelib.

Hechos 4:28

Xquimulij quib che u banic ronojel ri c'utum ulok ojer rumal ri k'ab la xukuje' ri chomanic la, chi cäbantaj na.

Ri Ezequiel 20:25

Xebencoj c'u ne na pixab paquiwi' ri man e utz taj xukuje' tak takomal ri man quequirik ta wi c'aslemal.

Ri Ezequiel 14:9

We c'u jun k'axal tzij cuya' jun subunelalaj tzijol, xa' in ri Ajawaxel xinsub we u cawäch k'axal nu tzij ri'; ri in quinwalijisaj ri nu k'ab che u c'äjisaxic u wäch quinwesaj na pa ri nu tinimit Israel.

Ucab Samuel 16:10

Xutzelej c'ut u bixic ri ajawinel che: “We c'ulmatajic ri' man c'o ta iwech ix che, ral tak ri Sarb. We qui nu c'okoj, are' c'ut ri Ajawaxel takowinak che u banic. ¿Jachin ta c'u lo ri cuchajij ta anima' che u c'otic u chi' jasche je u chomam u banic wa?”

Ucab Samuel 12:11

In, ri Ajawaxel, quink'alajisaj: Quinban na chi pa ri awachoch caq'uiy wi na ulok ri etzelal ri cakajbej, chawäch c'ut quebenc'am na ri awixokil quebenjach c'u na pa u k'ab jun chque ri e awalaxic, ri cak'oyi' na cuc' aretak c'a canicow ri k'ij.

Nabe Samuel 26:19

In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.

Elem 7:3

Ri in quinban na che ri ajawinel chi co cutac'aba' rib, quebenban c'u na q'ui tak etal xukuje' jastak ri e mayibal pa Ejipt.

Chapletajic 50:20

Ri ix xichomaj u banic jun c'ax chwe, ri Dios u q'uexom we c'ax ri' pa utzil che u banic ri cäkil camic: che u to'ic qui c'aslemal tinimit winak.

Chapletajic 45:5

chibana' ba' tok'ob, mape iwanima' mawi miyäjala' iwib rumal rech chi xinic'ayij ulok, are' c'u ri Dios xintakow ulok nabe chiwäch ix che qui to'tajisaxic c'aslemal.

2 Tesalonicenses 2:11

Rumal ri' ri Dios cuya' chque chi quesubutaj rumal ri man kastzij taj, rech quecojon che ri banoj tzij,

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Ajilanic 1:19

Je jacha' ri takanic ri u yo'm ri Ajawaxel che ri Moises. We ajilanic ri xban pa ri chaki'j uwo sak aj Sinai.

Nabe Tzijobelil 7:2

Ri e u c'ojol ri Tola e are' ri Uz, Repaiy, Jeriel, Jamay, Jibsam xukuje' ri Semuel, e c'amal tak qui be ri rachalal ri Tola xukuje' e cowilaj tak banal ch'o'j kas e are' e quesan ulok ri e qui mam. Pa tak ri e u k'ijol ri David, ri cajilabal xopan juwinak quieb mil wakib sient (22,600).

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

K'atal tak Tzij 2:20

Rumal ri' ri Ajawaxel xpe royowal chquij ri aj israelib, xubij c'ut: “We winak ri' xquipaxij ri c'ulwächinic ri xinban cuc' ri e qui mam, man cäcaj taj queniman chwe.

Ucab Ajawinelab 3:6

Xel c'u ulok ri ajawinel Joram pa Samar xerajilaj conojel ri ajch'ojab ri e c'o pa Israel.

Nabe Tzijobelil 7:40

Conojel wa' e rija'lil ri Aser. E c'amal tak qui be ri cachalaxic, e are' wa' ri cowilaj tak ajch'ojab ri c'o na qui chuk'ab, xukuje' e achijab ri nimak na qui k'ij. Jas cubij ri cajilabal ri cachalaxic e juwinak wakib mil (26,000) achijab, ri quena'w che ch'o'j.

Ucab Tzijobelil 32:25

Pune' c'u xban utzil che, ri Ezequiy man nim ta xril wi, xane' xuban nimal, rumal c'u rech wa' ri Ajawaxel xoyowar ruc' xukuje' ruc' ri Juda xukuje' ri Jerusalen.