Ucab Samuel 23:4 - Quiché Bible

⁴ Cux na jacha' ri sak ri cäpe chuxe' ri caj, aretak cäpe u sakaric. Jacha' ri u sakil ri k'ij pa jun u sakaribal aretak man e c'o ta sutz', ri cubano chi caq'uiy ri k'ayes aretak coc'ow ri jäb.’

Ucab Samuel 23:4 Referans Kwoze

K'atal tak Tzij 5:31

¡Ajawaxel je ta u sachic qui wäch wa', conojel ri e c'ulel la, quejulk'in ta c'u na ri quelok'ok'en che la, jacha' ri k'ij aretak sibalaj cätununic!” Aretak xbantaj wa', cawinak junab xc'oji' jamaril pa Israel.

Salmib 72:6

Chux junam ruc' ri jäb xukuje' ri räxk'ab, ri cäquijaj ri ulew xukuje' ri k'ayes.

Ri Osey 6:5

Rumal ri' e nu muchum cumal tak ri e k'axal nu tzij; cumal tak ri tzij ri e elinak ulok pa nu chi' e nu cämisam. Ri nu suq'uilal caq'uiy ulok jacha' ri sakilal.

Salmib 89:36

Ri e rija'lil quebajawin na chupam ri u c'olbal, jacha' ri u beytajem ri k'ij.

Ri Xuan 1:7

Are' xpe che u ya'ic k'alajisanic rech cuk'alajisaj ri chäj, rech conojel winak quecojon rumal are'.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Miquey 5:7

Chquixo'l c'ut, ri e q'ui tinimit, ri quecanaj che ri u tinimit ri Jacob quebux na e jacha' ri räxk'ab ri cutak ulok ri Ajawaxel, e jacha' ri jäb ri cakaj puwi' ri k'ayes, ri man are taj ri u rayibal ri winak cabanowic.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

Ri Isaiy 60:3

Ri nimak tak tinimit quepe na che rilic ri a chaj, ri ajawinelab are' tak quepe na che u tzucuxic ri u juluwem ri a sakil.

Ri Isaiy 60:1

Chatwalijok, Jerusalen, at pistal pa juluwem, opaninak c'u ri a chaj, ri u juluwem ri Ajawaxel cätunun pawi'.

Ri Isaiy 4:2

Pa ri k'ij ri, ri tuxaj ri cuq'uiyisaj na ri Ajawaxel, cux na wikbal xukuje' juluwem chque ri quec'asi' na can pa Israel ri e wächinic ri quiquiq'uiyisaj ri ulew, are nimarisabal quib, are nimarisabal qui k'ij.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Salmib 110:3

Ri tinimit la cäjach na pa k'ab la chupam ri k'ij re ri ch'äcanic la. Paquiwi' tak ri tastalicalaj tak juyub, je c'ut jacha' ri räxk'ab ri cäq'uiy pa ri u sakaric, ri alc'ual la cac'ac'ar chi k'ij chi k'ij.

U Camulixic ri Pixab 32:2

Ri nu tijonic cäkaj na jacha' ri jäb, ri nu tzijonem junam ruc' ri räxk'ab, jacha' ri musmul ri cäkaj paquiwi' tak ri k'ayes, jacha' ri jujun tak tz'ut ja' paquiwi' tak ri k'ayes.

Ri Isaiy 18:4

Ri Ajawaxel xubij chwe: “Xak jun in c'o wi pa ri nu c'olbal quinca'y apanok, jacha' ri k'ij ri cätununic aretak coc'ow ri jäb, jacha' jun sutz' ri cuya' räx k'ab aretak sibalaj k'ak' cätajin ri k'atoj.