Ucab Samuel 23:21 - Quiché Bible

²¹ Xukuje' xucämisaj jun achi aj ejipt ri sibalaj jutac'aj, ri ruc'am jun tz'imaj ch'ich': xbe ri Benaiy chrij ruc' jun che', xutokij ri tz'imaj ch'ich' pa u k'ab, xucämisaj c'ut ruc' ri kas u tz'imaj ch'ich'.

Ucab Samuel 23:21 Referans Kwoze

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Nabe Tzijobelil 11:23

Xukuje' xucämisaj jun aj Ejipt ri jutac'aj rakan, ri xa' co'l man oxib bara' u taq'ui'c ri ruc'am bic jun u tz'imaj ch'ich' ri cäjunamataj ruc' jun tz'imaj ch'ich' re quemabal. Ri Benaiy xbe chrij ruc' jun che', xutokij c'ut ri tz'imaj ch'ich' pa u k'ab xucämisaj c'ut ruc' ri kas u tz'imaj ch'ich'.

Nabe Samuel 17:51

c'ä xiq'uinic xuya' rib pa u xcut ri pilistey, xumajij ri u ch'ich' re ch'o'j, xujusij pa ri rij, ruc' c'u wa' xuq'uis u cämisaxic. Aretak xbantaj wa' xresaj ri u jolom. Aretak xquil ri aj pilisteyib chi xcäm ri cajch'o'j ri sibalaj nim u k'ij, xebanimaj conojel.

Ucab Samuel 23:20

Ri Benaiy, u c'ojol ri Joiad, ri quel pa ri tinimit Cabseel, jun cowilaj achi wa' ri xebuban q'ui qui wäch tak mayibal. Are' xecämisan ri quieb u c'ojol ri Ariel ri quel pa Moab. C'o jun k'ij ri cätajin cakaj sak tew xkaj pa jun jul, xucämisaj c'ut jun coj ri c'o chupam.

Ucab Samuel 23:22

We banoj ri' ri xuban ri Benaiy, u c'ojol ri Joiad, xuban che chi xnimar u k'ij chquixo'l ri juwinak lajuj (30) cowilaj tak achijab;