Ucab Samuel 22:51 - Quiché Bible

⁵¹ Queya' la nimak tak ch'äcanic che ri ajawinel ri cha'om la; amak'el quel c'u'x la che ri David xukuje' chque ri e rija'lil.”

Ucab Samuel 22:51 Referans Kwoze

Salmib 144:10

Lal ri cäya' la ch'äcanic chque tak ri ajawinelab; lal, ri xto'tajisaj la ri David ri pataninel ech la, chinesaj la chuwäch ri ch'ich' re ch'o'j ri cäcämisanic; chinesaj la pa qui k'ab ri winak ri man weta'm ta qui wäch, ri quequibij banoj tak tzij cäquiyac c'ut ri qui k'ab quiquiak'ab che u bixic ri chi'nic ri kas cäban na xa c'u che subunic.

Salmib 89:29

Ri e rija'lil quebajawin na pa ri u c'olbal amak'el, joropa' k'ij cabeytaj ri caj.

Salmib 89:20

“¡Nu rikom ri pataninel wech ri David! Ruc' ri waseit nu c'utunisam chi are' ajawinel,

Salmib 18:50

Quebeya' la nimak tak ch'äcanic che ri ajawinel ri cha'om la; amak'el quel c'u'x la che ri David xukuje' ri e rija'lil.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Ri Jeremiy 30:9

Quinupatanij c'u na ri in, ri Rajawaxel xukuje' Dios, xukuje' che David, ri quincoj na in che rajawinel.”

Salmib 91:2

cubij che ri Ajawaxel: “Lal ri' ri nu panibal, ri to'bal wib, ¡nu Dios ri nu jiquibam wi nu c'u'x!”

Salmib 89:36

Ri e rija'lil quebajawin na chupam ri u c'olbal, jacha' ri u beytajem ri k'ij.

Salmib 89:26

Ri are' cubij na chwe: ‘Lal ri lal nu tat; lal nu Dios ri quincolowic xukuje' quinuch'uku.’

Salmib 48:3

Ri Dios c'o chquipam cachoch tak ajawinelab pa Jerusalen; ri Dios u k'alajisam rib chi are' panibal ri co jekelic.

Salmib 21:1

Ajawaxel, ri ajawinel cäquicotic rumal rech chi yo'm la u chuk'ab; sibalaj cäquicotic rumal rech chi yo'm la ch'äcanic che.

Salmib 3:3

Are c'u ri lal, Ajawaxel, lal ri ch'ukubal wib, lal nimarisabal nu k'ij, lal ri cäyo'w la ri chajin anima' chwe.

Ucab Samuel 22:2

Je xubij wa': “Lal, Ajawaxel ri to'l wech, ri c'o wi ri nu panibal, ri nu toronel,

Salmib 89:24

Cac'oji' na ri nu lok'ok'ebal c'u'x ruc' xukuje' ri nu jiquil, in quinbanowic chi cänimar na ri u cuinem;

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

Ucab Samuel 23:1

E are' tak wa' ri q'uisbal tak u tzij ri David: “Ri David, ri u c'ojol ri Isayi, ri achi ri nimarisam u k'ij rumal ri Dios, ri ajawinel ri cha'om rumal ri u Dios ri Jacob, ri qui'laj bixol tak bix pa Israel, xuya' c'u u bixic: