Ucab Samuel 22:31 - Quiché Bible

³¹ Ri u be ri Dios tz'akat; ri u chi'nic ri Ajawaxel takal u jiquibaxic c'uxaj chrij. ¡Ri Dios cuto' qui wi' conojel ri caquicu'ba' qui c'u'x chrij!

Ucab Samuel 22:31 Referans Kwoze

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

E C'ambal tak Tzij 30:5

Ri Ajawaxel quebuto' ri cäquijiquiba' qui c'u'x chrij; conojel tak ri e u chi'nic takal c'u quijiquibaxic c'uxaj chquij.

Salmib 18:30

Ri u be ri Ajawaxel, jicom; ri u tzij ri Ajawaxel takal u cu'bisaxic c'uxaj chrij; ¡ri Dios quebuch'uku ri cäquicu'ba' qui c'u'x chrij!

Ri Matey 5:48

Chixux ba' tz'akat, je jas ri i Tat ri c'o chila' chicaj, are' tz'akat.”

Salmib 119:140

Ri chi'nic la oc'owinak chquipam c'axalaj tak c'ambejenic, rumal ri' cälok'ok'ex rumal we pataninel ech la ri'.

Salmib 12:6

Ri e u chi'nic ri Ajawaxel e ch'ajch'oj; ¡junam ruc' ri sak puak ri sibalaj ch'ajch'oj na ri porom wukub mul chupam ri jorno!

Ucab Samuel 22:3

nu Dios, ri nimalaj abaj ri quinuto', nu quetequic ch'ich', ri cuinem ri quinto'tajisanic, ri c'ubal wib ri sibalaj chicaj c'o wi, ri nu panibal ri sibalaj chicaj, c'o wi ri nu Colonel. ¡Xinto'tajisaj la man xintokix ta bic!

Salmib 35:2

C'ama' la ri quetequic ch'ich' la, walij la che nu to'ic;

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Salmib 84:9

Nu Dios, ch'ukul kech, chila la ulok ruc' elebal c'uxaj ri ajawinel ri xcha' la.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Salmib 2:7

Quinya' u bixic ri u chomam u banic ri Ajawaxel: Ri are' u bim chwe: “At at nu c'ojol; in, camic in uxinak a tat.

Ri Nehemiy 9:8

Xil la chi u jiquibam u c'u'x chij la, xban la jun c'ulwächinic ruc': chi cäya' la chque ri rija'lil ri culew ri aj cananeyib, ri aj hititib, ri aj amoreyib, ri aj perezeyib, ri aj jebuseyib xukuje' ri aj jerjeseyib; ¡Tz'akatisam ri tzij la, amak'el c'ut cätz'akatisaj la!

Ri Job 34:10

E are' c'u ri alak, winak ri utz ta cächoman alak, chintatabej alak. ¡Mawi machomaxic chi ri Dios, ri c'o ronojel u cuinem, chubana' ri lawaloyil o chuchacuj ta ri ma ta suq'uilal!

Salmib 145:17

Ri Ajawaxel suc' pa tak ri e u be, banal utzil pa tak ri cubano.

Ri Tzijonel 3:14

Weta'm c'ut chi ronojel ri u banom ri Dios cajeki' amak'el. Man c'o ta jas ri cätik ta chi che mawi c'o jas ri quesax ta chi che; je u banic wa' u banom ri Dios, rech nim quilic.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.