Ucab Samuel 22:28 - Quiché Bible

²⁸ Lal quebeto'tajisaj la ri e mach'amoj, caya' c'u wäch la chque ri cäquiban nimal quemach'irisaj c'u la.

Ucab Samuel 22:28 Referans Kwoze

Ri Isaiy 5:15

Conojel ri winak quemach'i na canok ri banal tak nimal xak queca'y chic.

Ri Isaiy 2:17

Ri e banal tak nimal xukuje' ri cäquiban quib chi nimak qui k'ij, kas quemach'irisax na. Xuwi ri Ajawaxel cuc'ut na ri u nimalil pa ri k'ijol ri',

Ri Matey 5:3

“Utz que ri cäquich'obo chi cajwataj ri Dios chque, caquechbej c'ut ri rajawibal ri Dios.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

E C'ambal tak Tzij 21:4

Bak'wächaj ri cunimarisaj rib, chomanic ri cuban nimal; ri qui chäj ri e banal tak etzelal, macaj.

Salmib 140:12

In weta'm chi ri Ajawaxel cuban suq'uil che ri meba', cuto' c'u u wi' ri ch'ibatajinak.

Salmib 138:6

Pune' chicaj c'o wi ri Ajawaxel, coc il che ri winak ri mach'alic, cuch'ob c'u u wäch ri banal nimal chinaj.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Salmib 131:1

Ajawaxel, ri wanima' man cuban ta nimal, mawi e banal tak nimal ri e nu bak'wäch, mawi cäbe ta wanima' chquij nimak tak jastak ri ma ta c'o quejunamataj ta wi.