Ucab Samuel 21:14 - Quiché Bible

¹⁴ xemuk c'ut ri u bakil ri Saul xukuje' ri e rech ri Jonatan jawije' ri mukutal wi ri Sis, ri u tat ri Saul, pa Zel pa ri ramak' ri Benjamin. Ronojel xbanic jacha' ri takanic ri xuya' ri ajawinel. Aretak c'u xbantaj wa', ri Dios xubano jas ri xtz'onox che rutzil ri ulew.

Ucab Samuel 21:14 Referans Kwoze

Ucab Samuel 24:25

chila' c'u xuban wi jun porobal che ri Ajawaxel xebuchi'j tabal tok'ob ri quechajirisaxic xukuje' tabal tak tok'ob rech utzirisabal ib. Rumal c'u ri' ri Ajawaxel xebutatabej tak ri bochi'nic ri xeban che u tok'obisaxic u wäch ri ulew, xk'ilk'ob c'ut ri cämisanelalaj yabil pa Israel.

Ri Josue 18:28

ri Zel, ri Elep, ri Jebus (ri u bixic ri Jerusalen), ri Gabaa xukuje' ri Quiriat: cajlajuj (14) tak tinimit e cachil tak ri e u k'ab tak qui tinimit. Are' ulew wa' ri xquitaklebej ri e u k'ab rachalaxic ri ramak' ri Benjamin.

Ri Josue 7:26

Xya' c'u jumulaj abaj puwi', ri c'ä c'o camic. Rumal rech wa' we c'olbal ri' c'ä cäbix beya' re Acor che. Je xban wa' che u jamarisaxic ri royowal ri Ajawaxel puwi' ri Israel.

Ri Zacariy 6:8

Bantajinak chi c'u wa', ri tako'n xurak u chi' chwe: “¡Chawila', ri xebe pa ri ulew re ri riquiak'ab ri relebal k'ij quequijamarisaj ri royowal ri Ajawaxel pa ri ulew ri'!”

Ri Jonas 1:15

Xuwi xbitaj wa', xquiq'uiak c'u bic ri Jonas pa ri plo, xjamar c'ut ri plo.

Ucab Samuel 4:12

Xuyaxtaj c'u takanic ri David chque ri achijab ri e c'o chuxe' ri u takanic, xequicämisaj c'ut; xequit'oy ri qui k'ab xukuje' ri cakan, xequixequeba' chunakaj ri c'olbal ja' ri c'o pa Hebron. Xquic'am chi c'u na ri u jolom ri Is-boset xquimuk pa Hebron chupam ri xmuk wi ri Abner.

Ucab Samuel 3:32

xmuk c'ut ri Abner pa Hebron. Xuchaplej c'u ok'ej ri ajawinel chila' ruc' nimalaj rakoj chi'aj puwi' ri xmuk wi ri Abner, je c'u xquiban conojel ri winak.

Nabe Samuel 10:2

Camic ri catel bic chnuwäch, quebarik na quieb achijab chunakaj ri c'olbal ri mukutal wi ri Raquel, pa Selsa, pa ri rulew ri Benjamin. We achijab ri' cäquibij na chawe chi xeriktaj ri ati'tab tak bur ri quebatzucuj, chi ri a tat man coc ta chi il chque ri ati'tab tak bur xane' chiwe ix, je cubij wa': ‘¿Jas quinban na che ri nu c'ojol?’

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ucab Samuel 21:13

Xuya' takanic ri David chi chek'axex ri u bakil tak ri Saul xukuje' ri e rech ri Jonatan, xukuje' chi chebeyac ulok ri qui bakil tak ri xejitz'axic;

Ajilanic 25:8

xuterenej c'u bic ri aj israel c'ä pa ri warabal, chila' c'u xebuk'ok'ej wi ri aj israel chupam xukuje' ri ixok. Jeri' xtani' ri cämibal ri cätajin quebucämisaj ri aj israelib,