Ucab Samuel 2:7 - Quiché Bible

⁷ Are c'u ri camic chichajij anima' xukuje' chc'ol i chuk'ab, pune' c'u cäminak ri Saul, ri iwajaw, ri amak' Juda in u tasom che rajawinel.”

Ucab Samuel 2:7 Referans Kwoze

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

Ucab Samuel 10:12

Chachajij anima', ka cojo' c'u ka chuk'ab che u to'ic ri ka nim tinimit xukuje' che qui to'ic tak ri u tinimit ri ka Dios. ¡Chubana' ba' ri Ajawaxel Dios jachique ri utz caril na!”

Nabe Samuel 31:12

xquijunaj qui tzij conojel ri cowilaj tak achijab, aretak e binenak chic ronojel ri jun a k'ab, xic'am ri u cuerp ri Saul xukuje' ri e quech ri u c'ojol ri e tzayatzoj chrij ri nimalaj tapia re Bet-san xetzelej c'u pa Jabes, xequiporoj c'u chila'.

Nabe Samuel 31:7

Aretak c'u xquil ri aj israelib ri e jekel ch'akap che ri beya' xukuje' ri e c'o pa ri elebal k'ij che ri Jordan, chi xebanimaj ri e rajch'ojab ri Israel xukuje' chi xcäm ri Saul junam cuc' ri oxib u c'ojol, xequitzak can ri e qui tinimit, xebanimajic; xepe c'u ri aj pilisteyib xejeki' pa tak ri qui tinimit.

Nabe Samuel 4:9

¡Chicojo' ba' i chuk'ab, ajch'ojab aj pilisteyib rech man quixoc ta che pataninelab lok'om quech ri aj hebreyib, jas ri e uxinak e are' chiwe ix!”

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

1 Corintios 16:13

Chixc'asc'atok. Co chixc'ol pa ri i cojonic. Chc'ol nimalaj i chuk'ab, xukuje' co chixc'olok.

Ucab Samuel 2:6

Ri Ajawaxel cubana' utzil chiwe xukuje' jiquil. In pa we wi, quinban na utzil chiwe rumal wa' we i banom.

Ucab Samuel 2:8

Are c'u ri Abner, u c'ojol ri Ner qui nimal ri rajch'ojab ri Saul, xuc'am ri Is-boset, ri u c'ojol ri Saul, xuc'am c'u bic pa Mahanaim,

Ri Nehemiy 2:18

Aretak c'u xintzijoj chque ri u banom ri ch'uch'ujalaj ranima' ri Dios che nu to'ic xukuje' tak ri tzij ri e u bim ri ajawinel chwe, ri e are' xquitzelej u bixic chwe: “¡Cakachaplej u banic ri yacanic!” Ruc' utzalaj canima' xquiya' qui chuk'ab chquixo'l.

Ucab Samuel 5:3

Je c'u wa' ri xbanic, conojel ri nimak tak tatayib ri e c'o pa Israel xebe che u ch'abexic ri ajawinel David pa Hebron, xuban c'u jun c'ulwächinic cuc', xquicoj c'u ri Ajawaxel che k'alajisanel. Xquijamij c'u aseit puwi' ri David rech cacanaj che ajawinel puwi' ri Israel.

Ucab Ajawinelab 11:12

Xresaj c'u ulok ri Joiad ri u c'ojol ri ajawinel xucoj ri corona che ri u jolom xukuje' ri niq'uiaj wikbal chic che jun ajawinel, aretak c'u k'ijitajinak chic ri aseit puwi' ri u jolom xquiya' k'alajisanic chrij chi are' ajawinel. Conojel xquipak'apa ri qui k'ab xukuje' xquirakala' c'u qui chi': “¡Kaya' u k'ij ajawinel!”