Ucab Samuel 17:11 - Quiché Bible

¹¹ Are c'u ri camic, ri in quiya' no'j la chi chemulij la conojel ri aj israelib uc' la ri e c'o c'ä pa Dan cäjela' pa Beerseb, ri man quebajilataj taj e jacha' ri u bak'wäch tak ri sanyeb ri e c'o chu chi' ri plo, kas ta c'u lal cäc'amow la qui be che u banic ri ch'o'j.

Ucab Samuel 17:11 Referans Kwoze

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Salmib 9:16

Ri Ajawaxel u c'utum rib: ¡u banom suq'uilal! Ri banal etzelal cächaptaj can chupam ri c'amibal ri are' xcojowic.

K'atal tak Tzij 20:1

Conojel ri aj israelib, cächapletaj ulok pa Dan c'ä pa Beerseb xukuje' pa Galaad, xquimulij quib pa Mizpa e jacha' xa jun winak chuwäch ri Ajawaxel.

Ri Josue 11:4

Conojel tak we ajawinelab ri' xebel ulok, e cachil tak ri cajch'ojab e cuc'am quiej ri man quebajilataj taj xukuje' tak carwaj re ch'o'j. Sibalaj c'u e q'ui ri ajch'ojab rumal ri' man cuya' taj quebajilaxic, e jacha' sanyeb ri e c'o chuchi' ri plo.

Nabe Ajawinelab 20:10

ri Ben-adad xutak u bixic che ri Acab: “¡C'axalaj u c'äjisaxic nu wäch chquibana' ri diosib, chi ri puc'uc' ulew ri c'o pa Samar man cubana' taj chi ri e c'o wuc' caquic'am ta jutak muk' quech!”

Nabe Ajawinelab 4:20

Ri Juda, xukuje' ri Israel man quebajilataj taj ri qui winakil, e jacha' ri sanyeb ri c'o chuchi' ri plo. Sibalaj c'o ri catijic xukuje' ri cuq'uiaxic, c'o nimalaj quicotemal.

Ucab Samuel 24:2

Xuya' c'u takanic ri ajawinel che ri Joab, qui nimal ri ajch'ojab ri cachilanic: “Chabinibej conojel ri amak' ri e c'o pa Israel, kas pa Dan c'a pa Beerseb chebawajilaj ba' ri winak, rech quinwetamaj e joropa' ri winak ri e c'olic.”

Ucab Samuel 12:28

Rumal ri' chemulij la ri ajch'ojab ri e canajinak canok che ch'ojin ruc' ri tinimit quich'äca' c'ut, rech man in taj ri quinbanowic chcoj ta c'u ri nu bi' chrij.”

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 21:14

Sibalaj ak'ab chucab k'ij, ri Abraham xuya' bic wa che ri Agar xukuje' jun c'olbal ja' re tz'um nojinak che ja'; xuya' bic cho rachak, xujach c'u bic ri Ismael pa u k'ab. Quiwil iwib xcha' bic chque. Xbe ri Agar, pa ri chaki'j uwo sak re Beerseb, man reta'm ta c'ut jawije' cäbe wi.

Nabe Samuel 3:20

Ronojel c'u ri Israel cächapletaj pa Dan queq'uis c'a pa Beerseb, xretamaj chi ri Samuel kas are jun k'axal u tzij ri Ajawaxel.

Nabe Samuel 13:5

Xukuje' c'u ri aj pilisteyib, xquimulij quib che u banic ch'o'j cuc' ri aj israelib. E c'o c'u juwinak lajuj mil (30,000) qui carwaj re ch'o'j, wakib mil (6,000) cajch'ojab ri e quiejeninak chquij quiej xukuje' q'uialaj cajch'ojab e jacha' ri u sanyebil ri plo. Xebe c'u chusuq'uil ri Micmas chila' c'u xequijekeba' wi ri qui kajebal, pa ri u wiquiak'ab ri Bet-aben.

Ucab Samuel 3:10

quinwesaj c'ut ri tem re ajawibal che ri rija'l ri Saul, quincoj c'u ri David pa ri tem re ajawibal pa Israel xukuje' pa Juda cächaptaj c'ä pa Dan queq'uis c'a pa Beerseb!”