Ucab Samuel 17:10 - Quiché Bible

¹⁰ xukuje' c'u ne ri cowilaj achi na, xukuje' c'u ne ri sibalaj c'a'n na jacha' jun c'oj, cätuktub na cäpe na ranima'; conojel c'ut ri aj Israel queta'm chi ri tat la xukuje' ri e benak ruc' e cowilaj tak achijab.

Ucab Samuel 17:10 Referans Kwoze

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Isaiy 13:7

Conojel c'u ri winak cho ri uwächulew quechukchub na ri qui k'ab, conojel man c'o ta chic qui chuk'ab,

Bixonic Tak 3:7

¡Are ri u telew ri Salomon! Chajital cumal oxc'al ajch'ojab ri sibalaj c'o na qui chuk'ab pa Israel;

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ucab Samuel 23:20

Ri Benaiy, u c'ojol ri Joiad, ri quel pa ri tinimit Cabseel, jun cowilaj achi wa' ri xebuban q'ui qui wäch tak mayibal. Are' xecämisan ri quieb u c'ojol ri Ariel ri quel pa Moab. C'o jun k'ij ri cätajin cakaj sak tew xkaj pa jun jul, xucämisaj c'ut jun coj ri c'o chupam.

Ucab Samuel 1:23

Ri Saul xukuje' ri Jonatan, ri sibalaj quebajwaxic, mawi aretak e c'aslic mawi aretak e cäminak chic xquitas ta quib. ¡Ri e c'o na ri qui rapinic chquiwäch ri cot! ¡Ri c'o na ri qui chuk'ab chquiwäch ri coj!

Nabe Samuel 18:17

C'o jun k'ij ri Saul xubij che ri David: “Quinya' ri Merab chawe ri nabeal nu mia'l che awixokil, we cawaj chi catux jun cowilaj ajch'o'j quebaban c'ut ri e u ch'o'j ri Ajawaxel.” Ri Saul cuchomaj chi man rajawaxic taj chi are' ta cäcämisan ri David, xane' are' ta chebanow na ri aj pilisteyib.

U Camulixic ri Pixab 1:28

¿Jawije' c'u cujbe wi camic? Ri xetak bic che u solixic ri ulew xquibij chi ri achijab ri e c'o chila' sibalaj e cowilaj tak achijab na chkawäch uj, xukuje' sibalaj nimak tak cakan, xukuje' e c'o tinimit ri e nimak, ri sutim quij cuc' nimak tak tapia xukuje' xequil qui wäch ri e rija'lil ri tac'atic Anac, ronojel wa' u yo'm nimalaj xe'n ib chke.’

Elem 15:15

ri e qui nimal ri ajch'ojab aj Edom cäpe na canima', ri e c'amal tak qui be ri e aj Moab quebirbob na rumal xe'n ib, quetuktub na conojel ri aj cananeyib.

Chapletajic 49:9

¡Juda, nu c'ojol! At junam ruc' jun alaj coj aretak cutanaba' u tijic ri ti'j ri u chapom: cukasaj ri u jolom, cäjupi cho ri ulew, cujaluj rib chi jun nimalaj coj. ¿Jachin ta lo ri cuchajij anima' ri cätzuruwic?

Ucab Samuel 17:9

Kas camic u c'u'm rib ri' pa jun pec o pa apachique c'ubal ib chic. Jun jasach chic, xuwi quel jubik' u tzijol chi pa ri nabe ch'ojinic ri cäbanic quekaj jujun chque ri ajch'ojab la, chanim quel u bixic chi e ch'äctajinak ri ajch'ojab la,

Salmib 89:19

Pa jun k'ijol ojer xch'aw la ulok pa jun c'utwächinic, xbij la chque ri jicalaj tak pataninel tak ech la: “Nu cha'om jun aj nu tinimit ri c'o u chuk'ab, nu nimarisam u k'ij nu to'm c'ut.”

Ri Ezequiel 21:15

Ri are' quebunojisaj na che xe'n ib, q'ui cämisanic cuban na. Pa conojel tak ri cachoch nu cojom wi ri ch'ich' re ch'o'j ri cäcämisanic. Are' ri ch'ich' re ch'o'j ri jolk'irisam che u cojic xe'n ib, banom u ware che cämisabal.

Nabe Samuel 16:18

Jun c'ut chque xubij: “In wilom chi jun chque ri u c'ojol ri Isayi, ri aj Belen, sibalaj reta'm cäk'ojomanic; xak c'u u tz'akat chic, chi jun cowilaj ajch'o'j, sibalaj cuchomaj na ri cubij; sibalaj je'lic ri u ca'yebal c'o c'ut ri u to'banic ri Ajawaxel ruc'.”