Ucab Samuel 16:12 - Quiché Bible

¹² Craj c'u ne aretak ri Ajawaxel caril ri c'axc'obic ri in c'o wi, quebutak ulok tak tewichibal panuwi' che qui q'uexwäch tak ri c'okonic ri quebentatabej tak camic.”

Ucab Samuel 16:12 Referans Kwoze

Hebreos 12:10

E are ri ka tat xa' quieb oxib k'ij xquic'äjisaj ka wäch jas ri xquichomaj chi utz. Are c'u ri Dios cuc'äjisaj ka wäch rech c'o cäkechbej che xukuje' rech cuban tastalic tak winak chke, jas ri are' tastalic Dios.

U Camulixic ri Pixab 23:5

Are c'u ri Ajawaxel ri i Dios man xuya' ta u tzij che ri xubij ri Balaam, xane' xuq'uex ri u c'okonic pa tewichibal chiwe, rumal rech chi quixulok'ok'ej.

Romanos 8:28

Keta'm c'ut chi conojel ri jastak quetoban che utzil chque ri quelok'ok'en ri Dios, chque wa' ri e siq'uim jas kas u chomanic ri Dios.

Salmib 25:18

Chila la ri nu bis, xukuje' ri welem ch'u'j, sacha' la ri nu mac.

2 Tesalonicenses 1:7

Are' c'u ri chiwe ix ri i rikom c'axc'olil, cuya' na uxlanem chiwe junam kuc', aretak ri Ajaw Jesus cäpe ulok chicaj, cuc'ut rib chkawäch e rachilam ri u tako'nib aj caj ri c'o qui chuk'ab. Cäpe na pa u xak k'ak',

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

2 Corintios 4:17

Ri c'axc'olil ri cäkarik waral man al taj, ri xak oc'owel, cuban chke chi cäkarik na jun junalic juluwem ri sibalaj nim u banic, ri sibalaj c'o na chuwäch ri c'axc'olil.

Ri Isaiy 27:7

Ri Dios man je ta xuban che u c'äjisaxic u wäch ri Israel jas ri xuban che u c'äjisaxic qui wäch ri xebanow c'ax che, mawi u cämisam ri Israel jacha' ri xuban che qui cämisaxic ri xecämisan ri aj israelib.

Ucab Samuel 16:13

Ri David xukuje' ri rachijab xquitakej ri qui be, benak c'u ri Simeiy chutzalanem ri juyub, pa u xcut ri David, cätajin cac'okonic xukuje' quebuq'uiak tak abaj, cuchicoj ulew.

Ucab Ajawinelab 19:4

C'o ta banom wi chi ri Ajawaxel ri a Dios u tom ta we tzij ri' ri xebubij ri qui nimal ajch'ojab ri takom ulok rumal ri rajaw, ri ajawinel re Asiriy, che u yok'ic ri c'aslic Dios, c'o ta banom wi chc'äjisax ta u wäch rumal ri jastak ri xebuta' ri Ajawaxel ri a Dios. Chabana' ba' jun ch'awem ruc' paquiwi' ri c'ä e to'tajinak canok.”

Salmib 109:28

Pune' ta ne quinquic'okoj, xuwi ta ne we quintewichi'j la. Chel qui q'uixbal ri e are' are' c'u ri pataninel ech la cäquicot na.

Salmib 132:1

Ajawaxel, Ajawaxel, cuinel che ri Jacob, chnataj ri David che la xukuje' tak ri e u c'axc'ol; chnataj che la ri cowilaj chi'nic ri kas cäban na, ri xcha' che la:

E C'ambal tak Tzij 25:22

jeri' caban na chi cäk'ak'an ri u palaj che q'uixbal, ri Ajawaxel c'ut cätojow na chawe.

E C'ambal tak Tzij 26:2

Jacha' ri tz'unun sachinak o ri xipicar ri man c'o ta u soc, jeri' ri c'okonic ri man c'o ta rumal mawi jubik' copanic.

U Camulixic ri Pixab 23:6

Mitzucuj ba' ri jamaril, mawi ri utzil chque we tinimit ri' pa ronojel ri i c'aslemal.

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Ri Joel 2:14

Craj ne cuchomaj chi man cuc'äjisaj taj i wäch ix, quebutak ta c'u ulok tewichibal piwi' c'äj xukuje' u wa'l uva chque tak ri e sipanic che ri Ajawaxel ri i Dios.