Ucab Samuel 15:10 - Quiché Bible

¹⁰ Xebutak c'u bic jujun tako'n cuc' conojel tak ri amak' re Israel che u bixic chque chi, xuwi cäquita' ri rok'ibal ri trompet, caya' na u bixic chi xcojtaj ri Absalon che ajawinel pa Hebron.

Ucab Samuel 15:10 Referans Kwoze

Nabe Tzijobelil 12:38

Conojel we ajch'ojab ri', quisuc'umam tak quib che u banic ch'o'j, jic xebe pa Hebron che u cojic ri David che ajawinel re ronojel Israel; xukuje' conojel ri niq'uiaj aj israelib chic, chnimalaj conojel, junam je xquibano.

Nabe Tzijobelil 12:23

E are' cajilabal rajch'o'j wa' chi conojel ri xequijacha' quib pa u k'ab ri David pa Hebron ri e wiktal che u banic ch'o'j, che u k'axexic ri rajawibal ri Saul pa u k'ab, je jas ri u takanic ri Ajawaxel:

Nabe Tzijobelil 11:3

Je c'u wa' xbanic, conojel ri nimak tak tatayib re Israel xebetzijon ruc' ri ajawinel David pa Hebron, xuban c'u jun c'ulwächinic cuc', are xucoj ri Ajawaxel che k'alajisanel chquixo'l. Xquitas c'ut ri David jacha' ajawinel re Israel, je jas ri xuchi'j ri Dios rumal ri Samuel.

Ucab Ajawinelab 9:13

Chanim xequimajixtaj c'ut ri qui k'u' xequilic' pa rakan paquiwi' tak ri ak'anibal. Xcok'esaxtaj ri ruc'a' chij xquirak c'u qui chi': “¡Ri Jehu are' ri ajawinel!”

Nabe Ajawinelab 1:34

are' c'u ri cojol tabal tok'ob ri Sadoc xukuje' ri Natan, ri k'axal tzij chiquitasa' jacha' che rajawinel ri Israel, chok'isax c'ut ri ruc'a' chij chi raka' c'u i chi': ‘¡Chc'asal ri ajawinel Salomon!’

Ucab Samuel 19:10

Are c'u ri Absalon, ri xkacu'ba' ka c'u'x chrij chi are cux kajawinel, xcäm pa ri ch'o'j. ¿Jas c'u ri keye'm, chi, man cäkatzelej ta ulok ri ajawinel David?”

Ucab Samuel 14:30

Xuya' c'u takanic ri Absalon chque ri u pataninelab, xubij chque: “Chiwila', ri rulew ri Joab ri u c'ulbatim rib ruc' ri wech in, u ticom c'u sebad chuwäch; ¡Jix chi t'ika' k'ak' che!”

Ucab Samuel 13:28

Ri Absalon xusuc'umaj jun wa'im jas ri cacoj chuwäch jun ajawinel, u yo'm c'u qui takquil ri u pataninelab, xubij chque: “Kas utz rilic chibana' aretak pakalinak chic ri u wa'l uva pa u jolom ri Amnon, aretak c'u chinbij chiwe chi chicämisaj. Mixe'j iwib che u banic, in c'ut, ri yowinak ri takanic. Chi chajij ba' anima' chc'ol ri i chuk'ab.”

Ucab Samuel 5:5

Pa Hebron xajawin wukub (7) junab ruc' niq'uiaj puwi' ri Juda, aretak c'o chic pa Jerusalen xajawin juwinak oxlajuj (33) junab puwi' ronojel ri Israel xukuje' puwi' ri Juda.

Ucab Samuel 2:11

Ri David xux ajawinel wukub junab ruc' wakib ic' pa Juda, ri tinimit ri xajawin wi are' ri Hebron.

Ucab Samuel 2:1

Aretak oc'owinak chi wa', ri David xtz'onon che ri Ajawaxel, xubij c'u che: “¿La quinbe pa jun chque ri tinimit ri e c'o pa Juda?” Ri Ajawaxel xutzelej u bixic che: “Je', rajawaxic catbec.” Xuta' ri David che: “¿Jawije' ri rajawaxic quinbe wi?” Ri Ajawaxel xutzelej u bixic: “Pa Hebron.”

Ucab Samuel 15:9

“Cuya' catbe pa jun nimalaj utzil.” Xcha' ri ajawinel che. Xbe c'ut ri Absalon pa Hebron.

Nabe Ajawinelab 1:11

Xtzijon c'ut ri Natan ruc' ri Betsabe, ri u nan ri Salomon, xubij c'u che: “¿La ma ta a tom u tzijol chi ri Adoniy, ri ral ri Haguit, u cojom rib che ajawinel man xretamaj ta c'u ri David ri kajaw?