Ucab Samuel 12:16 - Quiché Bible

¹⁶ Ri David xubochi'j ri Dios puwi' ri ac'al, man xwa' ta c'ut xeroc'owisaj c'ut ri chak'ab cho ri ulew.

Ucab Samuel 12:16 Referans Kwoze

Ucab Samuel 13:31

Xwalij c'u ri ajawinel xujis ri ratz'iak che u c'utic ri k'oxomal xuq'uiak rib cho ri ulew. Conojel ri e rach k'atal tak tzij ri e c'o apan ruc' xukuje' xequijisila' ri catz'iak;

Hechos 9:9

Xc'oji' oxib k'ij chila' man xca'y taj, man xwa' taj, mawi xuq'uianic.

Ri Jonas 3:9

craj ne cäcuy ri ka mac rumal ri Dios coc'ow c'u ri royowal, xa' je ri' man cujecäm taj.”

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Salmib 69:10

aretak quinok'ic xukuje' man quinwa ta c'ut, caquitze'j nu wäch;

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Ucab Samuel 12:22

Xutzelej u bixic: “Aretak c'asal ri ac'al man xinwa' taj xukuje' xinok'ic are pa nu c'u'x chi craj ne quel u c'u'x ri Ajawaxel chwe cuc'asba' c'u canok ri ac'al.

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Ucab Samuel 12:15

Aretak c'u xtzelej ri Natan cho rachoch, ri Ajawaxel xubano chi xpe jun nimalaj yabil puwi' ri ac'al ri xralaj ri rixokil ri Uriy rumal ri David.

Ri Nehemiy 1:4

Aretak xinta' tak we tzijol ri', xint'uyiba' wib che ok'ej, xbeytaj c'u quieb oxib k'ij ri nu bis, man xinwa' taj xukuje' xinban ch'awem chuwäch ri Dios ri c'o pa ri caj.

Ri Daniel 6:18

Xtzelej c'u ri ajawinel chupam ri nimalaj rachoch, xek'oyol c'ut, man xwa' taj mawi xuquicotisaj ta rib jas ri cuban amak'el; man xcuin ta c'ut xwar ronojel ri jun ak'ab.

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.