Ucab Samuel 12:13 - Quiché Bible

¹³ Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Ucab Samuel 12:13 Referans Kwoze

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Ucab Samuel 24:10

Xuna' c'ut ri David chi macuninak rumal rech chi xerajilaj ri winak ri e c'o pa ri ulew, xubij c'u che ri Ajawaxel: “Nu banom jun nimalaj macaj rumal ri u banic wa'. Quinbochi'n che la Ajawaxel, chi sacha' la camic ri u mac we pataninel ech la ri', u chac c'ut jun man c'o ta u no'j ri nu banom.”

Ri Zacariy 3:4

Are c'u ri tako'n aj caj xuya' takanic chque ri e to'l tak rech chi chequesaj ri ch'uluch'ujalaj tak atz'iak chrij ri Jexu. Xubij c'u che: “Chawila, ri quelcubij wa' chi e wesam tak ri a mac. ¡Camic quenbana' chi checoj tak atz'iak re nimak'ij chawij!”

Ri Lucax 15:21

Ri u c'ojol xubij che: ‘Tat, in macuninak chuwäch ri Dios xukuje' chwäch la. Man takal ta chic cäbij ta c'ojol la chwe.’

Nabe Samuel 15:30

“Ri in, in macuninak,” xcha' ri Saul. “Quintz'onoj jun tok'ob che la chi chquiwäch ri nimak tak tatayib ri e c'o pa Israel xukuje' chuwäch ronojel ri tinimit takej la u ya'ic nu k'ij jacha' ajawinel. Chtzelej ba la wuc' che u k'ijilaxic ri Ajawaxel ri Dios la.”

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Hechos 2:37

Aretak xquita' wa', xk'oxow canima', xquibij c'u che ri Lu' xukuje' chque ri e niq'uiaj takom chic: “Kachalal tak, ¿jas c'u ri rajawaxic cäkaban na?”

Ri Matey 14:10

Xtakan c'u che resaxic ri u jolom ri Xuan pa che'.

Juyuwem 3:32

Pune' ta cubano chi cäriktaj c'ax, quel c'u na u c'u'x xukuje', rumal rech chi man c'o ta je ri u lok'ok'ebal c'uxaj.

Ri Isaiy 44:22

Ri in e nu sachom chi tak ri a sachinakil xukuje' tak ri a mac, jas ri cuban ri sutz' cäsachic. Chattzelej ulok wuc', at nu torom c'ut.”

Ri Isaiy 43:24

Man xajwataj ta u lok'ic c'oc'alaj aj awumal che u c'amic ulok chwe che sipanic, mawi rajawaxic xaya' ta quicotemal chwe cumal ri qui xepoyil awaj ri queya' che tabal tok'ob. Xa' c'u ne xinacoso qui mac ri e a mac aq'uistajisam nu c'u'x cumal tak ri e awetzelal.

Ri Isaiy 38:17

Chilampe' la, che u q'uexwäch ri c'axc'ol, camic c'o jamaril wuc'. Ri lal xto' la ri nu c'aslemal chuwäch ri jul re sachbal wächaj, rumal rech chi e cuyum c'u la conojel ri nu mac.

E C'ambal tak Tzij 25:12

Jacha' jun mulk'ab xukuje' jun chachal re k'an puak ri coc' na, are je cuban wa' ri aj no'jalaj k'iloj ib che ri reta'm u c'amowaxic.

Salmib 51:16

Ri lal man quebaj ta la tak sipanic mawi tabal tak tok'ob ri quechajirisaxic; in quebenya' ta ri' che la, man e are ta c'u wa' ri quekaj ta chwäch la.

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Ucab Tzijobelil 16:10

Sibalaj c'u xpe royowal ri As che ri k'axal tzij, xutak c'u u cojic pa che', xukuje' pa tak ri k'ij ri' nim ri c'ax ri xuban chque jujun aj tinimit.

Ucab Ajawinelab 1:9

Xutak c'u bic jun qui nimal ajch'ojab ri xerachilaj bic cawinak lajuj (50) ajch'ojab. Aretak xebopanic, ri Eliy t'uyul puwi' jun juyub. Ri qui nimal ajch'ojab xubij che: “¡K'axal tzij, ri ajawinel cätakanic chi chatkaj ulok!”

Nabe Ajawinelab 22:8

Ri rajawinel ri Israel xutzelej u bixic che ri Josapat: “C'o chi na jun, ri cuya' cakata' che jas cubij ri Ajawaxel. Are' ri Micaiy (ri u tat ri Micaiy are' ri Imla). Quinwetzelaj c'u u wäch, rumal rech chi mawi jumul cuya' ta qui bixic utzalaj tak jastak chwe, xane' xak xuwi jastak ri man e utz taj.” Xubij c'ut ri Josapat che: “mabij we tzij ri'.”

Nabe Ajawinelab 21:20

Ri Acab xubij che ri Eliy: “¿La je ba' ri', at ri at nu c'ulel in a rikom?” “Je, xatinriko” xcha' ri Eliy. “Rech man quebatakej ta chic qui banic niq'uiaj itzel tak jastak chuwäch ri Ajawaxel.

Nabe Ajawinelab 13:4

Aretak ri ajawinel Jeroboam xuta' ri xubij ri k'axal tzij ri cutaklebej na ri porobal ri c'o pa Betel, xulic' ri u k'ab ruc' ri porobal xubij c'ut: “¡Chichapa'!” Are c'u ri u k'ab ri xulic' che u c'utic xche'ar canok man xcuin ta chic xukasaj.

Nabe Samuel 15:20

Ri Saul xutzelej u bixic: “Ri in xebennimaj ri e u takanic ri Ajawaxel, xintz'akatisaj ri xinutak che u banic: xinyut ulok ri Agag, ri cajawinel ri aj amalesib, nu sachisam c'u qui wäch ri aj amalesib.

Aj Levitib 24:17

Xukuje' ri cuch'ay apachique winak cucämisaj c'ut, chcämisax ri are'.

Ri Lucax 18:13

Are c'u ri tok'il alcabal tac'al chi naj, mawi ne cäraj cäca'y chicaj, xane' cut'oc ri uwo u c'u'x, xubij: ‘Ay, Dios, chel ri c'u'x la chwe. In ajmac.’

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Nabe Tzijobelil 21:8

Ri David xuk'alajisaj ri u mac chuwäch ri Dios: “Nu banom jun c'axalaj macaj aretak xinban wa'. Quinbochi'n c'u che la chi sacha' la ri u mac we pataninel ech la ri', in uxinak jacha' jun ri man c'o ta u no'j.”

Salmib 103:12

Ri ka mac u najtajisam chke, jacha' u najtajisam ri elebal k'ij ruc' ri u kajebal k'ij.

Elem 9:27

Ri ajawinel xusiq'uij ri Moises xukuje' ri Aaron, xubij chque: “Quinch'obo chi in macuninak. In wa' in ajchak'mac xukuje' ri nu tinimit, man are ta ri Ajawaxel.

Ucab Samuel 24:17

Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.